ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵎⵏⴰⴹⴰⵏⵜ ⵏ ⵓⴽⵓⵏⴳⴼⵓ-ⵡⵓⵛⵓ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵜⵉⵙⴻⵎⵙⵉⵍⵜ

ⵜⵉⵙⴻⵎⵙⵉⵍⵜ, – ⵜⴰⵍⵖⵓⵖⴰ ⵜⴰⵎⵏⴰⴹⴰⵏⵜ (ⴵⵉⵀⴰⵡⵉⵢⵢⴰ) ⵏ ⵓⴽⵓⵏⴳⴼⵓ-ⵡⵓⵛⵓ ⴰⴷ ⵜⴻⴱⴷⵓ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵜⵣⴻⵇⵇⴰ ⵜⴰⴽⴽⴰⴷⴷⴰⵍⵜ ⵏ ⵓⵎⴻⵖⵔⵓⵙ « ⴰⵍⵧⵓⴰⵜ ⵜⴰⵢⴻⴱ » ⵏ ⵜⵙⴻⵎⵙⵉⵍⵜ ⵉ ⵜⴰⴳⴳⴰⵢⵉⵏ (ⴼⵉ’ⴰⵜ) ⵏ ⵢⵉⵍⴻⵎⵥⵉⵢⴻⵏ ⴷ ⵢⵉⵎⴻⵇⵔⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⵢⵉⵎⵙⵓⴷⴷⵙⴻⵏ.

ⵜⴰⴷⵢⴰⵏⵜ-ⴰ ⴰⵢ ⴷ-ⵜⴳⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵥⵓⵔⵉⵡⵉⵏ ⵏ ⵢⵉⵎⴻⵏⵖⵉ ⵙ ⵓⵎⵄⴰⵡⴻⵏ ⴷ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⴽⵓⵏⴳⴼⵓ-ⵡⵓⵛⵓ ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴰⴷ ⵜⵜⴻⴽⴽⵉⵏ ⴷⴻⴳ-ⵙ 150 ⵏ ⵢⵉⵏⴰⴷⴷⴰⵍⴻⵏⵏ, ⴳⴰⵔ-ⴰⵙⴻⵏ ⵢⵉⵔⴳⴰⵣⴻⵏ ⴷ ⵜⵙⴻⴷⵏⴰⵏ, ⵙⴻⴳ 18 ⵏ ⵜⴻⵖⵍⴰⵎⵉⵏ ⵏ ⵜⵡⵉⵍⴰⵢⵉⵏ ⵏ ⵜⵙⴻⵎⵙⵉⵍⵜ, ⵜⵉⵀⴻⵕⵜ, ⵡⴻⵀⵕⴰⵏ, ⵛⵛⵍⴻⴼ ⴷ ⵎⵄⴻⵙⴽⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵢⵉⵎⵙⵉⵣⴻⵡⵔⴻⵏ ⵉⵖⴻⵍⵏⴰⵡⴻⵏ ⴷ ⵢⵉⵎⵏⴰⴹⴰⵏⴻⵏ ⵏ ⵜⴼⵉⴷⵉⵕⴰⵍⵉⵜ, ⴰⴱⴷⴻⵍⴽⴰⴷⴻⵔ ⴱⵧⵓⵎⴻⵣⵔⴰⴳ.

ⴰⵀⵉⵍ ⵏ ⵓⵎⵙⵉⵣⵡⴻⵔ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⴰⴷ ⵉⵍⵉⵏ ⴷⴻⴳ-ⵙ ⵢⵉⴽⴰⵜⴰⵜⴻⵏ ⵏ ⵢⵉⵖⴰⵏⵉⴱⴻⵏ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏ ⵡⵉⴷ ⵏ ⵓⴳⴰⴼⴰ, ⵡⵉⴷ ⵏ ⵓⵏⵥⵓⵍ, ⵜⴰⵍⴻⴳⴳⵉⵎⵜ ⵏ ⵓⴳⴰⴼⴰ, ⴰⴳⴻⵙⵜⵓⵔ, ⴷ ⵢⵉⵎⴻⵏⵖⵉ.

ⵜⴰⵍⵖⵓⵖⴰ-ⴰ ⴰⴷ ⴷ-ⵙⵉⴳⴳⴻⵏ ⴼⴻⵍⵍ-ⴰⵙ 9 ⵏ ⵢⵉⵏⴻⴼⵔⴰⵢⴻⵏ (ⵃⵓⴽⴽⴰⵎ) ⵏ ⵜⴼⴻⵙⵏⴰ ⵜⴰⵎⵏⴰⴹⴰⵏⵜ ⴷ ⵜⵖⴻⵍⵏⴰⵡⵜ, ⵢⴻⵔⵏⴰ ⵡⵉⴷ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ-ⵙ ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⴰⴷ ⴷ-ⵢⵉⵍⵉⵏ ⴷⴻⴳ ⵎⴻⵖⵔⴻⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵜⴰⴷⵢⴰⵏⵜ-ⴰ ⵜⴰⴷⴷⴰⵍⴰⵏⵜ ⴰⴷ ⴷ-ⵜⵉⵍⵉ ⵜⴰⴳⵏⵉⵜ ⵉ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⴰⴽⴽⴻⵏ ⴰⴷ ⴷ-ⵜⴰⴼ ⵉⵏⴰⴷⴷⴰⵍⴻⵏ ⴰⵢⵢⴻⵙ ⴰⴷ ⵜⴻⵙⵙⴻⴵⵀⴻⴷ ⵜⴰⵖⵍⴰⵎⵜ-ⵏⵏⴻⵙ ⵜⴰⵖⴻⵍⵏⴰⵡⵜ ⵉ ⵓⵜⵜⴻⴽⴽⵉ ⴷⴻⴳ ⵢⵉⵎⵙⵉⵣⴻⵡⵔⴻⵏ ⵉⴳⵔⴰⵖⵍⴰⵏⴻⵏ ⴰⴷ ⴷ-ⵢⵉⵍⵉⵏ ⴰⵙⴻⴳⴳⴰⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⵧⵓⵎⴻⵣⵔⴰⴳ.

ⵜⴰⵍⵖⵓⵖⴰ-ⴰ ⴰⴷ ⵜⴼⴰⴽ ⵙ ⵜⴼⵓⴳⵍⴰ (ⵃⴰⴼⵍ) ⴰⵢⴷⴻⴳ ⴰⴷ ⵔⵔⴻⵏ ⵜⴰⵊⵎⵉⵍⵜ ⵉ ⵢⵉⵙⵍⴻⵖⵎⴰⵢⴻⵏ (ⵎⵓⴷⴰⵔⵔⵉⴱⵉⵏ), ⵉⵏⴻⴼⵔⴰⵢⴻⵏ ⴷ ⵢⵉⵛⵔⵉⴽⴻⵏ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵥⵓⵔⵉⵡⵉⵏ ⵏ ⵢⵉⵎⴻⵏⵖⵉ.