ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴼⵔⴰⵇ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵓⵔ ⵉⵃⴻⴱⴱⴻⵙ ⴰⵔⴰ ⵓⵍⴰ ⵎⴰ ⵜⴻⵍⵍⴰ-ⴷ ⵜⴰⴽⴻⵡⵜ (ⴰⵏⴻⵖⵍⴰⴼ)

ⵜⵉⵒⴰⵣⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵡⴰⵎⴰⵏ, ⴰⴱⴷⴻⵍⵡⴰⵀⴰⴱ ⵏⵧⵓⵔⵉ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⵉⵒⴰⵣⴰ, ⴷⴰⴽⴽⴻⵏ ⵍⴻⵅⵚⴰⵚ ⵏ ⵡⴰⵎⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵓⴳⴰⵔ ⵏ 3 ⵏ ⵡⴰⵢⵢⵓⵔⴻⵏ ⴰⵢⴰ ⵓⵔ ⵉⵙⴻⵄⵄⵓ ⴰⵔⴰ ⵍⴰⵜⴻⵕ ⵖⴻⴼ ⵓⴼⵔⴰⵇ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵉ ⵎⴻⴷⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⵜⵎⴻⵔⵏⵉⵡⵜ ⴷⴻⴳ ⵙⵙⵓⵎⴰ ⵏ ⵡⴰⵎⴰⵏ.

« ⵍⴻⵣⵣⴰⵢⴻⵔ ⵜⴻⵙⵄⴰ ⵉⵎⵉⵔ-ⴰ ⵍⵄⵓⵍⴰ ⵏ 7 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⵏ ⵡⴰⵎⴰⵏ, ⵏⴻⵖ 70% ⵙⴻⴳ ⵜⴻⵖⴱⵓⵍⴰ ⵏ ⵡⴰⵎⴰⵏ ⵖⴻⴼ ⵜⵊⵓⵎⵎⴰ, ⴷ ⴰⵛⵓ ⴽⴰⵏ, ⴰ ⵡⵉⵏ ⵢⵓⴼⴰⵏ ⴰⴷ ⵏⴻⵙⵄⵓ ⵓⴳⴰⵔ ⵏ ⵜⵜⴰⵡⵉⵍⴰⵜ ⵉ ⵓⵊⵎⴰⵄ ⵏ ⵡⴰⵎⴰⵏ ⴰⴽⴽⴻⵏ ⴰⴷ ⵏⴻⵙⵙⴻⵏⵇⴻⵙ ⵜⴻⵇⵙⴻⵃ ⵏ ⵍⴰⵜⴻⵕ, ⵎⴰ ⵜⵄⴻⴹⴹⴻⵍ ⵜⴰⴽⴻⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⵏⵧⵓⵉ ⴷⴰⴽⴽⴻⵏ, ⴷⴻⴳ ⵓⴽⴰⵜⴰⵔ ⵏ ⵜⵙⴻⵔⵜⵉⵜ ⵜⴰⵏⵎⴻⵜⵜⵉⵜ ⵏ ⵓⵏⴰⴱⴰⴹ (ⵃⵓⴽⵓⵎⴰ), ⴰⴷ ⵉⴽⴻⵎⵎⴻⵍ ⵓⵄⴰⵡⴻⵏ ⴷⴻⴳ ⵙⵙⵓⵎⴰ ⵏ ⵡⴰⵎⴰⵏ, ⵓⵍⴰ ⵎⴰ ⵜⴰⵎⵓⵔⵜ ⵉⵅⵓⵚⵚ-ⵉⵜⵜ ⵓⴷⵔⵉⵎ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ (ⵃⴰⴼⵍ) ⵏ ⵜⵓⴹⴹⴼⴰ ⵏ ⵡⵓⴳⴳⵓⴳ (ⵙⴰⴷⴷ) ⵏ ⴽⴰⴼ ⴷⴷⵉⵔ, ⴷⴻⴳ ⵜⴻⵎⵏⴰⴹⵜ ⵏ ⵜⵖⵉⵡⴰⵏⵜ ⵏ ⴷⴷⴰⵎⵓⵙ, ⴷⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⵡⴻⵊⴷⴻⵏ 5 ⵏ ⵡⵓⴳⴳⵓⴳⴻⵏ ⵉⵎⴰⵢⵏⵓⵜⴻⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.

ⵓⴳⴳⵓⴳ ⵏ ⴽⴰⴼ ⴷⴷⵉⵔ ⴰⴷ ⵢⴻⴹⵎⴻⵏ « ⵜⴰⴼⵓⵍⵎⴰⵏⵜ ⵢⴻⵎⵎⴷⴻⵏ ⵉ ⵜⴻⵎⵏⴰⴹⵜ ⵜⵓⵜⵔⵉⵎⵜ (ⵖⴰⵔⴱⵉⵢⵢⴰ) ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴰⵏ ⵏ ⵜⵉⵙⵙⵉⵜ ⴷ ⵓⵙⵙⵡⴰⵢ ⵏ ⵡⴰⴽⴰⵍ ⵏ ⵜⴽⴻⵔⵔⴰⵣⵜ ».

ⵍⴻⴱⵏⵉ ⵏ ⵡⵓⴳⴳⵓⴳ-ⴰ ⵢⴻⵜⵜⵡⴰⵡⴻⴽⴽⴻⵍ ⵉ ⵢⵉⵡⴻⵜ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵜⴰⵟⴰⵍⵢⴰⵏⵉⵜ ⴷⴻⴳ 2006, ⵎⴰⵛⴰ ⴰⵙⵎⵉ ⴰⵢ ⵢⴻⵜⵜⵡⴰⴱⵟⴻⵍ ⵍⴻⵄⵇⴻⴷ ⴷ ⵜⴻⵕⵎⵉⵙⵜ-ⴰ ⵖⴻⴼ ⵍⴵⴰⵍ ⵏ ⵙⵙⴻⴱⴱⴰⵜ ⵢⴻⵎⴳⴻⵔⵔⴰⴷⴻⵏ, ⴷ ⵜⴰⵕⵎⵉⵙⵜ ⵏ ⵛⵧⵙⵉⴷⴻⵔ ⴰⵢ ⵉⴽⴻⵎⵎⵍⴻⵏ ⴰⵙⴻⵏⴼⴰⵔ-ⴰ ⴷⴻⴳ 2012 ⵙ ⵙⵙⵓⵎⴰ ⵏ 27 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.