Asebter amenzawi

Tineggiwin n tɣamsa APS akked Prensa Latina msegzint akken ad sǧehden amedhel

HAVAN – Tanegga Taɣelnawt n tɣamsa APS akked Prensa Latina (PL), d tanegga tagraɣlant yellan deg tmurt n Kuba, msegzin akken ad sǧehden amedhel s ustenyi n yiwen n umtawa gar snat tneggiwin.

Amtawa-a, yestenya-t ass n larebɛa deg tmaneɣt n Kuba, Havan, unemhal amatu n APS, Abdelhamid Kacha, akked uselway n Prensa Latina, Luis Enrique Gonzalez, iswi-s d aseǧhed n yimbiddalen n yisalan, n tewlifin, n yimuhal n tsenselkimt akked taɣult n tasliẓrant.

Am wakken i yura deg uḍris n umtawa, tineggiwin msegzint akken ‘’ad yili unekcum ɣer yisemlen n snat tneggiwin d ilelli rnu-s azref n uẓrag akked usemres n yisalan n usmel i tira n tuzzilin, acu kan yessefk ɣef umsemres ad yefk isem n teɣbalut.