ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⵜⵉⵏⵉⵙ ⵏ ⵢⵉⵍⴻⵎⵥⵉⵢⴻⵏ ⵏ 2016: ⵉⴱⴱⵧⵓ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ

ⵜⵓⵏⴻⵙ – ⵜⵄⴻⴷⴷⴰ ⵜⵎⴰⵔⵉⵔⵜ ⵏ ⵓⵜⵉⵏⵉⵙ ⵜⴰⴷⵣⴰⵢⵔⵉⵜ ⵉⵏⴻⵙ ⵉⴱⴱⵧⵓ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⵉⵍⴻⵎⵥⵉⵢⴻⵏ (ⵙⴻⴳ 8 ⵖⴻⵔ 13 ⴼⵓⵕⴰⵕ) ⵎⵉ ⵜⴻⵙⵙⴰⵡⴻⴹ ⴰⴷ ⵜⴻⵔⵏⵓ ⵜⴰⵎⴰⵔⵉⵔⵜ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵏⵉⵛⵧⵍⴻ ⵒⴻⵜⵛⵀⴻⵢ ⴷⴻⴳ ⵙⵉⵏ ⵏ ⵢⵉⵃⵔⵉⵛⴻⵏ (6-2, 6-1) ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵓⵏⴻⵙ ⵜⴰⵎⴰⵏⴻⵖⵜ.

ⵉⵏⴻⵙ ⵉⴱⴱⵧⵓ ⵜⴻⵙⵙⴰⵡⴻⴹ ⴷⴰⵖ ⴰⴷ ⵜⵄⴻⴷⴷⵉ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴷⴻⴳ ⵡⵓⵔⴰⵔ ⴰⵙⵍⴰⴳ, ⵎⵉ ⵜⵓⵔⴰⵔ ⵖⴻⵔ ⵢⵉⴷⵉⵙ ⵏ ⵜⴻⵔⴼⵉⵇⵜ-ⵏⵏⴻⵙ ⵜⴰⵜⵓⵏⵙⵉⵜ ⵛⵀⵉⵔⴰⵣ ⴱⴻⵛⵀⵔⵉ, ⵎⴳⴰⵍ ⵜⴻⵅⵚⵉⵎⵉⵏ-ⵏⵙⴻⵏⵜ ⵜⵉⵎⴻⵕⵕⵓⴽⵉⵢⵉⵏ ⵍⵉⵍⵢⴰ ⵀⴰⴷⴰⴱ ⴷ ⵙⴰⵍⵎⴰ ⵣⵉⵧⵓⵜⵉ ⴷⴻⴳ ⵜⴻⵎⵍⵉⵍⵉⵜ ⴰⵢ ⵉⴼⵓⴽⴻⵏ ⵙ 6-2 ⴷ 6-1.

ⴷⴻⴳ ⵜⵓⵣⵣⵢⴰ ⵜⴰⵎⴻⵣⵡⴰⵔⵓⵜ ⵏ ⵜⴻⵍⵖⵓⵖⴰ-ⴰ, ⵉⴱⴱⵧⵓ ⵜⴻⵜⵜⵡⴰⵄⴼⴰ ⵙⴻⴳ ⵡⵓⵔⴰⵔ. ⵎⴰ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ, ⵜⴻⵙⵙⴰⵡⴻⴹ ⴰⴷ ⵜⴻⵔⵏⵓ ⵜⴰⵜⵓⵏⵙⵉⵜ ⵎⴰⵢⵙⵙⴰ ⵜⴻⴱⵧⵓⵔⴱⵉ (6-0, 6-0), ⵢⴻⵔⵏⴰ ⵜⴻⵔⵏⴰ ⵏⴰⴷⵉⵏⴻ ⴷⴻ ⵠⵉⵍⵍⵉⴻⵔⵙ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ (6-0, 6-0), ⴰⵎ ⵡⴰⴽⴽⴻⵏ ⴰⵢ ⵜⵄⴰⵡⴻⴷ ⵜⴻⵔⵏⴰ-ⵜⵜ ⵉⴱⴱⵧⵓ ⴷⴻⴳ ⵜⵓⵣⵣⵢⴰ ⵜⵉⵙ 3 (6-0, 6-0).

ⵉⴱⴱⵧⵓ, ⵢⴻⵍⵍⴰⵏ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⴷⴻⴳ ⵜⴻⵍⵖⵓⵖⴰ ⵢⴻⵣⵔⵉⵏ, ⴷ ⵏⴻⵜⵜⴰⵜ ⴰⵢ ⴷ ⵜⴰⴷⵣⴰⵢⵔⵉⵜ ⵜⴰⵡⵃⵉⴷⵜ ⴰⵢ ⴷ-ⵢⴻⵡⵡⵉⵏ ⵉⴳⵎⴰⴹ ⵢⴻⵍⵀⴰⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ 4-ⵏⵏⵉ ⵏ ⵢⵉⵎⴰⵔⵉⵔⴻⵏ ⵉⴷⵣⴰⵢⵔⵉⵢⴻⵏ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ ⵏ ⵓⵙⴻⴳⴳⴰⵙ-ⴰ ⵅⴻⵚⵔⴻⵏ ⵢⴻⵔⵏⴰ ⵜⵜⵡⴰⴼⵙⴻⵏ ⴰⴽⴽ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ.