ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴰⵔⴰⴳ ⴷⴻⴳ ⵏⵏⵄⴰⵎⴰ ⵖⴻⴼ ⵓⵙⵙⴻⴵⵀⴻⴷ ⵏ ⴷⴷⵓⵕ ⵏ ⵜⴻⵎⴽⴰⵔⴹⵉⵢⵉⵏ ⴷⴻⴳ ⵜⵎⴻⵜⵜⵉ
ⵏⵏⵄⴰⵎⴰ– ⵢⴻⵍⵍⴰ-ⴷ ⵢⵉⵡⴻⵏ ⵏ ⵓⵙⴰⵔⴰⴳ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵏⵏⵄⴰⵎⴰ ⵖⴻⴼ ⵓⵙⵙⴻⴵⵀⴻⴷ ⵏ ⴷⴷⵓⵕ ⵏ ⵜⴻⵎⴽⴰⵔⴹⵉⵢⵉⵏ (ⵎⴰⴽⴰⵜⵉⴱ) ⵜⵉⵏⴰⴳⴷⵓⴷⵉⵏ ⴷ ⵓⵙⴷⵓⴽⴽⴻⵍ ⵏ ⵜⴻⵜⵡⵉⵍⵉⵏ-ⵏⵙⴻⵏⵜ, ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵙⴻⴼⵔⴰⴽⴻⵏ ⵏ ⵜⴻⵎⴽⴰⵔⴹⵉⵢⵉⵏ.
ⴷ ⵜⴰⵎⴽⴰⵔⴹⵉⵜ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⵜⴰⴳⴻⵊⴷⴰⵏⵜ ⵏ ⵏⵏⵄⴰⵎⴰ ⴰⵢ ⴷ-ⵉⴳⴰⵏ ⴰⵙⴰⵔⴰⴳ-ⴰ ⵙ ⵓⵎⵄⴰⵡⴻⵏ ⴷ ⵜⴻⵙⴰⵡⵉⵜ ⵏ ⵇⵙⴻⵏⵟⵉⵏⴰ ⵜⵉⵙ 2 (ⴰⴱⴷⴻⵍⵀⴰⵎⵉⴷ ⵎⴻⵀⵔⵉ), ⵢⴻⵔⵏⴰ ⴳⴰⵏ ⴷⴻⴳ-ⵙ ⵜⵉⵙⴻⵎⵙⴰⵍ (ⵡⴰⵔⴰⵛⴰⵜ) ⵉ ⵓⵙⵙⵉⵍⴻⵖ ⵏ ⵢⵉⵏⴻⵎⴽⴰⵔⴹⵉⵢⴻⵏ ⴷ ⵓⵖⴻⵍⵍⴻⵜ ⵏ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵎⴰⵢⵏⵓⵜⵉⵏ ⴷⴻⴳ ⵓⵙⵙⴻⴼⵔⴻⴽ ⵏ ⵜⵣⴻⵖⵡⵉⵏ ⵏ ⵜⵖⵓⵔⵉ, ⴰⵙⵙⴻⴵⵀⴻⴷ ⵏ ⴷⴷⵓⵕ-ⵏⵙⴻⵏⵜ ⴷⴻⴳ ⵓⵊⴱⴰⴷ ⵏ ⵢⵉⵎⴻⵖⵔⵉⵢⴻⵏ ⴷ ⵓⵙⵙⴻⵍⵀⵓ ⵏ ⵓⵙⵡⵉⵔ ⵏ ⵜⵎⵓⵙⵙⵏⵉⵡⵉⵏ ⵏ ⵎⴻⴷⴷⴻⵏ ⴷ ⵢⵉⵔⵉⵔⵉ ⵏ ⴷⴷⵓⵕ ⵏ ⵜⴻⵎⴽⴰⵔⴹⵉⵜ ⴷⴻⴳ ⵓⵣⵔⴰⵄ ⵏ ⵢⵉⴷⵍⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵙⵓⴷⴷⵙⴻⵏ.
ⴷⵖⴰ ⵢⴻⵍⵍⴰ-ⴷ ⵡⴰⵡⴰⵍ ⵖⴻⴼ ⵓⵊⴱⴰⴷ ⵏ ⵢⵉⵎⴻⵖⵔⵉⵢⴻⵏ (ⵇⵓⵔⵔⴰ’) ⵖⴻⵔ ⵜⴻⵎⴽⴰⵔⴹⵉⵢⵉⵏ, ⴰⵙⵙⴻⵇⴷⴻⵛ ⵏ ⵜⴻⵎⴽⴰⵔⴹⵉⵢⵉⵏ ⵜⵓⵎⴹⵉⵏⵉⵏ (ⵔⴰⵇⵎⵉⵢⵢⴰ), ⴰⵛⵜⴰⵍ ⵏ ⵢⵉⴳⴻⵔⴷⴰⵏ ⵖⴻⵔ ⵜⵖⵓⵔⵉ ⴷ ⵓⵖⴻⵍⵍⴻⵜ ⵏ ⵓⴷⵍⵉⵙ ⵉ ⵓⴽⵙⴰⴱ ⵏ ⵜⵎⵓⵙⵙⵏⵉ. ⴰⵙⴰⵔⴰⴳ-ⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵏⴻⵎⴽⴰⵔⴹⵉⵢⴻⵏ ⵙⴻⴳ ⵜⵡⵉⵍⴰⵢⵉⵏ ⵏ ⵏⵏⵄⴰⵎⴰ, ⵜⵍⴻⵎⵙⴰⵏ, Ɣⵉⵍⵉⵣⴰⵏ, ⵛⵛⵍⴻⴼ ⴷ ⵙⵉⴷⵉ ⴱⴻⵍⵄⴻⴱⴱⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ, ⴰⴱⴷⴻⵍⴰⵣⵉⵣ ⴱⴻⵍⵉⵎⴰⵎ.
ⴷⴻⴳ ⵓⵙⴰⵔⴰⴳ ⵏ ⵓⵔⵥⴰⵎ, ⵢⴻⵏⵏⴰ-ⴷ ⴽⴰⵎⴻⵍ ⴱⴻⵜⵜⵧⵓⵛⵀⴻ, ⵏ ⵜⴻⵙⴷⴰⵡⵉⵜ ⵏ ⵇⵙⴻⵏⵟⵉⵏⴰ, ⴷ ⴰⴽⴽⴻⵏ ⴰⵙⵙⴻⴱⴷⴻⴷ ⵏ ⵜⴻⵎⴽⴰⵔⴹⵉⵜ ⵢⴻⵙⵄⴰ ⵛⵛⵓⵔⵓⴹ ⴰⵎ ⵓⵎⴽⴰⵏ ⴰⵏⴷⴰ ⴰⴷ ⴷ-ⵜⴰⵙ ⴷ ⵜⵣⴻⵎⵎⴰⵔ ⵏ ⵜⵎⵓⵙⵙⵏⵉ ⴰⵢ ⵢⴻⵙⵙⴻⴼⴽ ⴰⴷ ⵜⴻⵏⵜ-ⵢⴻⵙⵄⵓ ⵓⵏⴻⵎⴽⴰⵔⴹⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴷⴰⵖ ⵜⴰⵎⴽⴰⵔⴹⵉⵜ ⴰⴷ ⵜⵉⵍⵉ ⴷ ⵜⴰⵎⴻⵕⴽⴰⵏⵜⵉⵜ ⵙⴻⴳ ⵢⵉⴷⵉⵙ ⵏ ⵢⵉⴷⵍⵉⵙⴻⵏ, ⵉⴷⵍⵉⵙⴻⵏ ⵢⴻⵙⵙⴻⴼⴽ ⴰⴷ ⵜⴻⵏ-ⵃⴰⴷⵔⴻⵏ ⵢⴻⵔⵏⴰ ⴰⴷ ⴰⵙⴻⵏ-ⴱⴻⴷⴷⴻⵏ, ⵢⴻⵙⵙⴻⴼⴽ ⴰⴷ ⴳⴻⵏ ⵉⵙⴻⵏⵇⴰⴷ ⴳⴰⵔ ⵢⵉⵎⴻⵖⵔⵉⵢⴻⵏ ⴰⴽⴽⴻⵏ ⴰⴷ ⵥⵔⴻⵏ ⵕⵕⴰⵢ-ⵏⵙⴻⵏ ⴷ ⵡⴰⵢⴻⵏ ⴱⵖⴰⵏ ⵢⴻⵔⵏⴰ ⴰⴷ ⴳⴻⵏ ⵜⵉⴷⵡⵉⵍⵉⵏ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⵉ ⵍⴼⴰⵢⴷⴰ ⵏ ⵢⵉⵅⴻⴷⴷⴰⵎⴻⵏ ⵏ ⵜⴻⵎⴽⴰⵔⴹⵉⵢⵉⵏ.
ⵎⴰ ⴷ ⵜⴰⵙⴷⴰⵡⴰⵏⵜ ⵔⵢⵎⴰ ⴷⵊⵉⴷⴻⵍ ⵏ ⵜⴻⵙⴷⴰⵡⵉⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ ⵜⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵙⵄⵓⵏⵜ ⵜⴻⵎⴽⴰⵔⴹⵉⵢⵉⵏ ⴰⵟⴰⵙ ⵏ ⵢⵉⴷⵍⵉⵙⴻⵏ ⵢⴻⵙⵄⴰⵏ ⴰⵣⴰⵍ ⵢⴻⵔⵏⴰ ⵉⴷⵍⵉⵙⴻⵏ-ⴰ ⴰⴷ ⵉⵍⵉⵏ ⵜⵜⵡⴰⵏⴻⵡⵡⵄⴻⵏ ⴰⴽⴽⴻⵏ ⴰⴷ ⴷ-ⵊⴻⴱⴷⴻⵏⵜ ⴰⵟⴰⵙ ⵏ ⵢⵉⵎⴻⵖⵔⵉⵢⴻⵏ.
ⴰⵎⵢⴰⴳⴻⵔ-ⴰ ⵏ ⵢⵉⵡⴻⵏ ⵡⴰⵙⵙ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵇⴻⴷⴷⴻⵎ ⵏ ⵢⵉⵎⴻⴷⵢⴰⵜⴻⵏ (ⴰⵎⵜⵉⵍⴰ) ⵏ ⵢⵉⴷⴻⴳⴳⴻⵏ ⵏ ⵜⴻⵎⴽⴰⵔⴹⵉⵢⵉⵏ ⵏ ⵉⵏⵜⴻⵔⵏⴻⵜ.
