ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵔⵓⵙⵢⴰ ⴰⴷ ⵜⵄⴰⵡⴻⵏ ⵄⵉⵔⴰⵇ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⴷⴰⵄⴻⵛ

ⴱⴻⵖⴷⴰⴷ – ⵜⵡⴻⴽⴽⴻⴷ-ⴷ ⵔⵓⵙⵢⴰ ⴷ ⴰⴽⴽⴻⵏ ⴰⴷ ⵜⵄⴰⵡⴻⵏ ⵄⵉⵔⴰⵇ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ). ⵉ ⵓⵙⵎⴻⴽⵜⵉ, ⵜⴰⴳⵔⴰⵡⵜ-ⴰ ⵜⴰⵔⴻⴱⵔⴰⴱⵜ ⵜⴻⵙⵙⴰⵡⴻⴹ ⴰⴷ ⵜⴻⴹⴹⴻⴼ ⵜⵉⵎⵏⴰⴹⵉⵏ ⴷ ⵜⵉⵎⴻⵇⵔⴰⵏⵉⵏ ⵙⴻⴳ ⵄⵉⵔⴰⵇ.

ⴷⴻⴳ ⵜⴻⵔⵣⵉ-ⵏⵏⴻⵙ ⵖⴻⴼ ⴱⴻⵖⴷⴰⴷ, ⵢⴻⵙⵙⴰⵡⴻⵍ ⵓⵏⵎⴰⵣⵓⵍ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵔⵓⵙⵉ, ⴷⵎⵉⵜⵔⵉ ⵔⵧⴳⵧⵣⵉⵏ, ⴰⵙⵙ ⵏ ⵍⴻⵅⵎⵉⵙ, ⴷ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵄⵉⵔⴰⵇ, ⵢⴻⵔⵏⴰ ⴳⴰⵏ ⴰⵎⵜⴰⵡⴰ (ⵉⵜⵜⵉⴼⴰⵇ) ⵉ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ.

« ⵎⵓⵙⴽⵓ ⵜⴻⵣⵎⴻⵔ ⴰⴷ ⴷ-ⵜⵉⵍⵉ ⵉ ⵍⵎⴻⵏⴷ ⵏ ⵢⵉⵎⴹⴻⴱⴱⵔⴻⵏ ⵉⵄⵉⵔⴰⵇⵉⵢⴻⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵙ ⵓⵎⴱⴰⴷⴷⴻⵍ ⵏ ⵡⵓⵎⵍⴰⵏ (ⵉⵙⵜⵉⵅⴱⴰⵔⴰⵜ), ⴰⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⴷ ⵜⵓⴽⵛⵉ ⵏ ⵜⵜⴰⵡⵉⵍ ⴰⵙⴻⵔⴷⴰⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵔⵧⴳⵧⵣⵉⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⵓⵛⵔⵉⴽ ⴰⵢ ⵉⴳⴰ ⴷ ⵓⵏⴻⵖⵍⴰⴼ ⴰⵄⵉⵔⴰⵇⵉ ⵏ ⵜⵖⴰⵡⵙⵉⵉⵡⵏ ⵏ ⵓⵣⵖⴰⵔ, ⵉⴱⵔⴰⵀⵉⵎ ⴰⵍ-ⵊⴰⴰⴼⴰⵔⵉ.

ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵎⵓⵙⴽⵓ ⴰⴷ ⴷ-ⵜⵄⴰⵡⴻⵏ ⵄⵉⵔⴰⵇ ⵍⴻⵎⵎⴻⵔ « ⴰⵏⴰⴱⴰⴹ ⴰⵄⵉⵔⴰⵇⵉ ⴰⴷ ⴷ-ⵢⴻⵙⵙⵓⵜⴻⵔ ⴰⵢⴰ ⵙ ⵡⵓⴷⴻⵎ ⵓⵏⵚⵉⴱ ».

ⵔⵧⵣⵧⴳⵉⵏ ⵢⴻⵔⵣⴰ ⵖⴻⴼ ⵄⵉⵔⴰⵇ ⴷ ⵢⵉⵡⴻⵜ ⵏ ⵜⵎⴰⴳⵍⴰ (ⵡⴰⴼⴷ) ⵏ ⵡⴰⵣⴰⵍ ⵏ 100 ⵏ ⵢⵉⵎⴹⴻⴱⴱⵔⴻⵏ ⴷ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵉⴷⴰⵎⵙⴰⵏⴻⵏ, ⵉⵙⴻⵔⴷⴰⵙⴰⵏⴻⵏ ⴷ ⵢⵉⴷⵔⵉⵎⴰⵏⴻⵏ ⵉⵔⵓⵙⵉⵢⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵔⵓⵙⵢⴰ ⴷ ⵄⵉⵔⴰⵇ ⵎⵙⴻⴼⵀⴰⵎⴻⵏⵜ ⴰⴷ ⵙⴵⴻⵀⴷⴻⵏⵜ ⴰⵎⵄⴰⵡⴻⵏ ⴷⴻⴳ ⵢⵉⵏⵓⵔⴰⵔ ⵏ ⵓⵎⴻⵙⵏⵉ, ⴰⴷⴰⵡⵉ ⴷ ⵜⴻⵎⵙⴰⴼⴳⴰ ⵜⴰⵖⴰⵔⵉⵎⵜ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵄⵉⵔⴰⵇⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⴰⴽⴽⴻⵏ ⴰⵎⵜⴰⵡⴰ-ⴰ ⴰⵢ ⴷ-ⵢⴻⵍⵍⴰⵏ ⴷ ⵔⵓⵙⵢⴰ ⵢⴻⵔⵣⴰ ⴷⴰⵖ ⴰⵒⵉⵜⵕⵓⵍ, ⵜⵔⵉⵙⵉⵜⵉ, ⴰⵎⴰⵏ ⴷ ⵜⴻⵎⴳⵓⵔⵉ (ⵚⵉⵏⴰⵄⴰ).

ⵎⴰⵙⵙ ⵔⵧⴳⵧⵣⵉⵏ ⵢⴻⵡⵡⴻⴹ ⵖⴻⵔ ⴱⴻⵖⴷⴰⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⴻⵔⵣⵉ ⵏ ⵙⵉⵏ ⵏ ⵡⵓⵙⵙⴰⵏ, ⵢⴻⵔⵏⴰ ⵢⴻⵎⵍⴰⵍ ⴷⴰⵖ ⴷ ⵓⵙⴻⵍⵡⴰⵢ ⴰⵄⵉⵔⴰⵇⵉ ⴼⵓⴰⴷ ⵎⴰⵙⵧⵓⵎ ⴷ ⵓⵙⴻⵍⵡⴰⵢ ⵏ ⵓⵎⵏⵉ (ⴱⴰⵔⵍⴰⵎⴰⵏ) ⵙⴰⵍⵉⵎ ⴰⵍ-ⵊⵓⴱⵧⵓⵔⵉ.