ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰ ⴷ-ⵢⴻⵜⵜⵉⵍⵉ ⵓⵙⵜⴻⵄⵕⴻⴼ ⴰⵙⴻⵔⵜⴰⵏ ⵙ ⵜⴻⵎⵙⴰⵍⵜ ⵏ ⵜⴻⵔⵎⵉⵜⵉⵏ ⵜⵉⵎⵉⵖⵙⵉⵏ ⵏ ⴼⵕⴰⵏⵙⴰ ⴷⴻⴳ ⵔⴻⴳⴳⴰⵏ
ⵡⴻⵀⵕⴰⵏ – ⵜⴰⵎⵙⴰⵍⵜ ⵏ ⵜⴻⵔⵎⵉⵜⵉⵏ (ⵜⴰⴵⴰⵔⵉⴱ) ⵜⵉⵎⵉⵖⵙⵉⵏ ⴰⵢ ⵜⴳⴰ ⴼⵕⴰⵏⵙⴰ ⴷⴻⴳ ⵓⵏⵥⵓⵍ ⵏ ⵍⴻⵣⵣⴰⵢⴻⵔ ⵜⴻⵡⵡⴻⴹ « ⵖⴻⵔ ⵜⴻⴳⵏⵉⵜ ⵏ ⵓⵙⵜⴻⵄⵕⴻⴼ ⴰⵙⴻⵔⵜⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴻⵀⵕⴰⵏ, ⵜⴽⴻⵔⵡⴰⵜ ⴼⴰⵜⵉⵎⴰ ⵣⵧⵀⵔⴰ ⴱⴻⵏⴱⵔⴰⵀⴰⵎ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷ ⵜⴻⵖⵜⴰⵙ (ⴹⴰⵃⴰⵢⴰ) ⵏ ⵜⴻⵔⵎⵉⵜⵉⵏ ⵜⵉⵎⵉⵖⵙⵉⵏ ⴰⵢ ⵜⴳⴰ ⴼⵕⴰⵏⵙⴰ ⴰⵙⵙ ⵏ 13 ⴼⵓⵕⴰⵕ 1960 ⴷⴻⴳ ⵔⴻⴳⴳⴰⵏ, ⵜⴻⵏⵏⴰ-ⴷ ⵜⴱⵓⴳⴰⵟⵓⵜ ⴱⴻⵏⴱⵔⴰⵀⴰⵎ ⴷ ⴰⴽⴽⴻⵏ ⵜⴰⵎⵙⴰⵍⵜ-ⴰ « ⵜⴻⵡⵄⴻⵕ, ⵓⵔ ⴼⴻⵙⵙⵓⵙⴻⵜ ⴰⵔⴰ ⵉ ⴼⴻⵔⵔⵓ ⵢⴻⵔⵏⴰ ⵍⴰ ⵜⴻⵜⵜⴻⴷⴷⵓ ⵙ ⵍⴻⵄⵇⴻⵍ », ⴷ ⴰⵛⵓ ⴽⴰⵏ, ⵜⴻⵏⵏⴰ-ⴷ ⴷ ⴰⴽⴽⴻⵏ « ⵜⴻⵡⵡⴻⴹ ⵖⴻⵔ ⵜⴻⴳⵏⵉⵜ ⵏ ⵓⵙⵜⴻⵄⵕⴻⴼ ⴰⵙⴻⵔⵜⴰⵏ, ⴷⴻⴼⴼⵉⵔ ⵎⴰ ⵢⴻⵍⵍⴰ-ⴷ ⵓⵙⵜⴻⵄⵕⴻⴼ ⵓⵙⵙⵏⴰⵏ, ⴰⵜⵡⵉⵍⴰⵏ ⴷ ⵡⵓⵙⴹⵉⴼ ».
ⵜⴰⴽⴻⵔⵡⴰⵜ ⴱⴻⵏⴱⵔⴰⵀⴰⵎ ⵜⴻⵏⵏⴰ-ⴷ, ⴷⴻⴳ ⵓⵎⵢⴰⴳⴻⵔ-ⴰ ⴰⵢ ⴷ-ⵜⴳⴰ ⵜⵉⴷⴷⵓⴽⵍⴰ ⵏ « ⵎⴻⵛⵀⴰⴰⵍ ⵛⵀⴰⵀⵉⴷ » ⴷⴻⴳ ⵓⵏⵎⴰⴳⴻⵔ ⵏ ⵓⵖⵎⵉⵙ ⵏ « ⴻⵍ ⴷⵊⵧⵓⵎⵀⵧⵓⵔⵉⴰ », ⴷ ⴰⴽⴽⴻⵏ ⴰⵙⵜⴻⵄⵕⴻⴼ-ⴰ ⴰⴷ ⵢⴻⵙⵙⵉⵡⴻⴹ ⵖⴻⵔ ⴼⴻⵔⵔⵓ ⵏ ⵜⴻⵎⵙⴰⵍⵜ-ⴰ, ⵢⴻⵔⵏⴰ ⵜⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵜⴰⵙⴻⵇⵇⴰⵎⵓⵜ ⵜⵓⵅⵍⵉⴹⵜ (ⵜⴰⴷⵣⴰⵢⵔⵉⵜ-ⵜⴰⴼⵕⴻⵏⵙⵉⵙⵜ) ⴷ-ⵢⴻⵍⵀⴰⵏ ⵙ ⵜⴻⵎⵙⴰⵍⵜ-ⴰ ⵢⴻⵜⵜⵓⵏⴻⴼⴽ-ⴰⵙ ⵓⵣⵔⴻⴼ ⴰⴷ ⵜⴻⴷⵍⵓ ⵖⴻⴼ ⵍⴻⴽⵡⴰⵖⴻⴹ ⵉⵙⴻⵔⵜⴰⵏⴻⵏ ⴷ ⵢⵉⵙⴻⵔⴷⴰⵙⴰⵏⴻⵏ ⵓⴼⴼⵉⵔⴻⵏ ⵢⴻⵇⵇⵏⴻⵏ ⵖⴻⵔ ⵜⴻⵎⵙⴰⵍⵜ-ⴰ ⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⴽⵛⴻⴼ ⴰⴽⴽ ⵡⴰⵢⴻⵏ ⵢⴻⴹⵔⴰⵏ ⴷⴻⴳ ⵜⵡⴰⵖⵉⵜ-ⴰ.
« ⴰⵙⵜⴻⵄⵕⴻⴼ ⴰⵙⴻⵔⵜⴰⵏ ⵙ ⵜⴻⵔⵎⵉⵜⵉⵏ ⵜⵉⵎⵉⵖⵙⵉⵏ (ⵏⴰⵡⴰⵡⵉⵢⵢⴰ) ⴰⵢ ⵉⴳⴰ ⵓⵙⴻⵀⵔⴰⵙ (ⵎⵓⵙⵜⴰⵄⵎⵉⵔ) ⴰⴼⵕⴻⵏⵙⵉⵙ ⴷⴻⴳ ⵓⵏⵥⵓⵍ ⵏ ⵍⴻⵣⵣⴰⵢⴻⵔ ⴷ ⵍⵖⴻⵍⵍⴰ ⵏ ⵡⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⵏ ⵓⵅⴻⴷⴷⵉⵎ ⴰⵎⴻⵇⵔⴰⵏ ⴰⵢ ⴷ-ⵢⴻⵍⵍⴰⵏ ⴷ ⵡⴰⵟⴰⵙ ⵏ ⵢⵉⴷⵉⵙⴰⵏ, ⴳⴰⵔ-ⴰⵙⴻⵏ ⵜⵉⵖⵜⴰⵙ ⵢⴻⵏⴹⴻⵔⵔⴻⵏ ⵙⴻⴳ ⵢⵉⵟⴻⵔⴹⵉⵇⴻⵏ-ⵏⵏⵉ ⴷ ⵢⵉⵎⴰⵣⵣⴰⵢⴻⵏ ⵏ ⵓⵙⴰⴹⵓⴼ ⵉⴼⵕⴻⵏⵙⵉⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵜⴱⵓⴳⴰⵟⵓⵜ ⴱⴻⵏⴱⵔⴰⵀⴰⵎ ⴰⵢ ⵉⴳⴰⵏ ⴰⵙⴰⵔⴰⴳ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵎⵏⴰⴷⵉ ⴽⴰⴷⵀⴻⵎ ⴻⵍ ⴰⴱⵧⵓⴷⵉ ⵏ ⵜⴻⵙⴷⴰⵡⵉⵜ ⵏ ⵡⴻⵀⵕⴰⵏ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 56 ⵏ ⵜⴻⵔⵎⵉⵜⵉⵏ ⵜⵉⵎⵉⵖⵙⵉⵏ ⵜⵉⴼⵕⴻⵏⵙⵉⵙⵉⵏ ⴷⴻⴳ ⵔⴻⴳⴳⴰⵏ (ⴰⴷⵔⴰⵔ).
ⵎⴰ ⴷ ⴻⵍ ⴰⴱⵧⵓⴷⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵢⴻⵏ ⴰⵢ ⵉⴳⴰ ⵓⵙⴻⵀⵔⴰⵙ ⴰⴼⵕⴻⵏⵙⵉⵙ ⴷⴻⴳ ⵓⵏⵥⵓⵍ ⵏ ⵍⴻⵣⵣⴰⵢⴻⵔ « ⵎⴰⵛⵉ ⴷ ⵜⵉⵔⵎⵉⵜⵉⵏ ⴽⴰⵏ, ⵡⴰⵏⴰⴳ ⴷ ⵉⵙⵟⴻⵔⴹⵉⵇⴻⵏ ⵉⵎⵉⵖⵙⴻⵏ ⵢⴻⵙⵙⴻⵅⵍⴰⵄⴻⵏ ⵎⴳⴰⵍ ⵢⵉⵎⴷⴰⵏⴻⵏ, ⵡⴰⵔ ⵎⴰ ⵍⵍⴰⵏⵜ-ⴷ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⵓⵇⴱⴻⵍ ⵡⴰⵢⴰ », ⵢⴻⵔⵏⴰ ⵉⴳⴰ ⴰⵢⴰ ⵡⴰⵔ ⵎⴰ ⵢⴻⴼⴽⴰ ⴰⵣⴰⵍ ⵉ ⵜⴻⴳⵏⵉⵜ ⵏ ⵓⵏⴻⵣⵡⵓ (ⵎⴰⵏⴰⵅ), ⴰⵎⴽⴰⵏ ⴷ ⵜⵎⴻⴷⴷⵓⵔⵜ ⵜⴰⴳⴰⵎⴰⵏⵜ ⵏ ⵜⴻⵎⵏⴰⴹⵜ-ⴰ ⵢⴻⵜⵜⵡⴰⵣⴻⴷⵖⴻⵏ.
ⴷⴻⴳ ⵜⴳⴰⵔⴰ ⵏ ⵓⵙⴰⵔⴰⴳ-ⴰ, ⵢⴻⵔⵔⴰ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵏ « ⵎⴻⵛⵀⴰⴰⵍ ⵛⵀⴰⵀⵉⴷ », ⵎⵧⵀⴰⵎⴻⴷ ⴰⴱⴱⴰⴷ, ⵜⴰⵊⵎⵉⵍⵜ ⵉ ⵜⴱⵓⴳⴰⵟⵓⵜ ⴼⴰⵜⵉⵎⴰ ⵣⵧⵀⵔⴰ ⴱⴻⵏⴱⵔⴰⵀⴰⵎ ⴷ ⵓⵎⵏⴰⴷⵉ ⴽⴰⴷⵀⴻⵎ ⴻⵍ ⴰⴱⵧⵓⴷⵉ ⵖⴻⴼ ⵢⵉⵏⴰⴷⵉⵢⴻⵏ-ⵏⵙⴻⵏ ⵖⴻⴼ ⵢⵉⵟⴻⵔⴹⵉⵇⴻⵏ ⵉⵎⵉⵖⵙⴻⵏ ⵏ ⵓⵏⵥⵓⵍ ⵢⴻⵔⵏⴰ ⵢⴻⴼⴽⴰ ⵜⴰⵣⴰⵍⵖⵉ (ⵎⵉⴷⴰⵍⵉⵢⵢⴰ) ⵏ ⵓⵖⵍⵉⴼ ⵏ ⵢⵉⵎⵊⴰⵀⴷⴻⵏ ⵉ ⵓⵏⴻⵎⵀⴰⵍ (ⵎⵓⴷⵉⵔ) ⴰⵎⴰⵜⵓ ⵏ ⵓⵖⵎⵉⵙ ⴰⵢⴰⵍⵍⴰⵙ ⵏ ⴻⵍ ⴷⵊⵧⵓⵎⵀⵧⵓⵔⵉⴰ, ⴱⵧⵓⵣⵉⴰⵏⴻ ⴱⴻⵏⴰⵛⵀⵧⵓⵔ.
