ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵃⵙⴰⴱ ⴰⵢ ⴷ-ⵜⵃⵓⴷⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵉ ⵢⵉⵎⵃⵓⴵⴵⴻⵏ ⵉⴷⵣⴰⵢⵔⵉⵢⴻⵏ ⵎⴰⵣⴰⵍ-ⵉⵜ ⴷ ⵏⴻⵜⵜⴰ ⴽⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⴰⵎⴹⴰⵏ (ⵄⴰⴷⴰⴷ) ⵏ ⴰⵢ ⴷ-ⵜⵃⵓⴷⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵉ ⵢⵉⵎⵃⵓⴵⴵⴻⵏ ⵉⴷⵣⴰⵢⵔⵉⵢⴻⵏ ⵢⴻⵇⵇⵉⵎ ⴽⴰⵏ 29.000, ⵢⴻⵔⵏⴰ ⵓⵔ ⵢⴻⵔⵏⵉ ⴰⵔⴰ, ⵓⵍⴰ ⵎⴰ ⵜⴻⵜⵜⵡⴰⵙⵙⴻⵎⵖⴻⵔ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵎⴻⴽⴽⴰ.

ⵉⵎⴰⵀⵉⵍⴻⵏ (ⴰⵛⵖⴰⵍ) ⵏ ⵓⵙⵙⴻⵎⵖⴻⵔ ⵏ ⵜⵎⴻⵙⴳⵉⴷⴰ ⵏ ⵎⴻⴽⴽⴰ ⵡⴻⵔⵄⴰⴷ ⵓⵔ ⴼⵓⴽⴻⵏ ⴰⵔⴰ, ⵎⴰⵛⴰ ⴰⵎⵓⵔ ⵏ ⵢⵉⵎⵃⵓⴵⴵⴻⵏ ⵉⴷⵣⴰⵢⵔⵉⵢⴻⵏ ⵉ ⵓⵙⴻⴳⴳⴰⵙ ⵏ 2016 ⵢⴻⵇⵇⵉⵎ ⴷ ⵏⴻⵜⵜⴰ ⴽⴰⵏ ⵢⴻⵔⵏⴰ ⵓⵔ ⵢⴻⵜⵜⵡⴰⵙⵙⴻⵎⵖⴰⵔ ⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⴰⵢⴰ ⵢⴻⵔⵣⴰ ⵓⵍⴰ ⴷ ⵉⵎⵃⵓⴵⴵⴻⵏ ⵏ ⵜⵎⵓⵔⴰ ⵏⵉⴹⴻⵏ.

ⴰⵏⴻⵖⵍⴰⴼ ⵢⴻⵏⵏⴰ-ⴷ ⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⵓⵙⴼⵓⴳⴻⵍ (ⵉⵃⵜⵉⴼⴰⵍ) ⵙ ⵓⵎⵓⵍⵍⵉ ⴰⵎⴻⵣⵡⴰⵔⵓ ⵏ ⵜⵎⴻⵜⵜⴰⵏⵜ ⵏ ⵓⵎⴰⵙⵙⴰⵏ ⵎⵧⵀⴰⵎⴻⴷ ⵍⴰⴽⵀⴰⵍ ⵛⵀⵧⵓⵔⴰⴼⴰ, ⵢⴻⵔⵏⵓ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵢⴻⵙⵙⵓⵜⴻⵔ, ⵙⴻⴳ ⵎⴻⵍⵎⵉ ⴽⴰⵏ, ⵉ ⵓⵏⴻⵖⵍⴰⴼ ⴰⵙⴰⵄⵓⴷⵉ ⵏ ⵍⵃⵉⴵⴵ ⴰⴽⴽⴻⵏ ⴰⴷ ⵙⵎⴻⵖⵔⴻⵏ ⴰⵎⵓⵔ ⵏ ⵢⵉⵎⵃⵓⴵⴵⴻⵏ ⵉⴷⵣⴰⵢⵔⵉⵢⴻⵏ.

ⵜⴰⵙⵖⴰⵔⵜ ⵏ ⵢⵉⵎⵃⵓⴵⴵⴻⵏ ⴰⴷ ⴷ-ⵜⵉⵍⵉ ⴰⵙⵙ ⵏ 5 ⵎⴻⵖⵔⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵎⴰⵙⵙ ⴰⵉⵙⵙⴰ.