Asebter amenzawi

Leḥsab ay d-tḥudd Tgelda Tasaɛudit i yimḥuǧǧen idzayriyen mazal-it d netta kan

LEZZAYER TAMANEɣT– Yenna-d uneɣlaf n tɣawsiwin n ddin, Mohamed Aissa, ass n ssebt deg Lezzayer Tamaneɣt, d akken amḍan (ɛadad) n ay d-tḥudd Tgelda Tasaɛudit i yimḥuǧǧen idzayriyen yeqqim kan 29.000, yerna ur yerni ara, ula ma tettwassemɣer tmesgida tameqrant n Mekka.

Imahilen (acɣal) n ussemɣer n tmesgida n Mekka werɛad ur fuken ara, maca amur n yimḥuǧǧen idzayriyen i useggas n 2016 yeqqim d netta kan yerna ur yettwassemɣar ara, ɣef wakken ay d-yenna uneɣlaf n tɣawsiwin n ddin, ay d-yernan d akken aya yerza ula d imḥuǧǧen n tmura niḍen.

Aneɣlaf yenna-d aya deg yijifeṛ n usfugel (iḥtifal) s umulli amezwaru n tmettant n umassan Mohamed Lakhal Chourafa, yernu yesmekti-d d akken yessuter, seg melmi kan, i uneɣlaf asaɛudi n lḥiǧǧ akken ad smeɣren amur n yimḥuǧǧen idzayriyen.

Tasɣart n yimḥuǧǧen ad d-tili ass n 5 Meɣres, ɣef wakken ay d-ixebber Mass Aissa.