ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵏ ⵢⵉⵎⴻⵏⵖⵉ ⵙ ⵓⴳⴻⵙⵜⵓⵔ ⵏ 2016: ⴷ ⴰⵜⵓⵏⵙⵉ ⴼⴻⵔⵊⴰⵏⵉ ⴰⵢ ⵉⵔⴻⴱⵃⴻⵏ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴷ ⴰⵜⵓⵏⵙⵉ ⴼⴰⵔⴻⵙ ⴼⴻⵔⵊⴰⵏⵉ (ⵡⵉⵙ 8 ⴷⴻⴳ ⵓⵙⴻⵜⵜⴻⴼ ⴰⵎⴰⴹⴰⵍⴰⵏ) ⴷ ⵏⴻⵜⵜⴰ ⴰⵢ ⵉⵔⴻⴱⵃⴻⵏ ⴰⵙⵓⵔⵉⴼ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴽⵓⴱⴰ (ⵉⵍⴻⵎⵥⵉⵢⴻⵏ, ⵉⵇⵛⵉⵛⴻⵏ) ⵎⵉ ⵢⴻⵔⵏⴰ ⴰⵎⴰⵚⵔⵉ ⵎⵧⴽⵀⵜⴰⵔ ⵡⴰⴼⴰⴻⵢ (ⵡⵉⵙ 23 ⴷⴻⴳ ⵓⵎⴰⴹⴰⵍ) ⵙ ⵓⴳⵎⵓⴹ ⵏ 15 ⵏ ⵜⵏⴰⵍⵉⵢⵉⵏ ⵖⴻⵔ 9, ⴷⴻⴳ ⵜⵏⴻⴳⴳⴰⵔⵓⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵣⴻⵇⵇⴰ ⵏ ⵀⴰⵔⵛⵀⴰ-ⵀⴰⵛⴻⵏⴻ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵜⵉⵣⴰⵍⵖⵉⵡⵉⵏ ⵏ ⵓⴱⵕⵓⵏⵣ ⵡⵡⵉⵏ-ⵜⴻⵏⵜ ⵢⵉⴷⵣⴰⵢⵔⵉⵢⴻⵏ, ⴰⴽⵔⴰⵎ ⴱⵧⵓⵏⴰⴱⵉ (ⴰⵢ ⵉⵅⴻⵚⵔⴻⵏ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵎⴳⴰⵍ ⵡⴰⴼⴰⴻⵢ, 15-14) ⴷ ⵣⵉⵏ ⴻⴷⴷⵉⵏⴻ ⵀⴻⵔⵧⵓⵉ (ⴰⵢ ⵉⵅⴻⵚⵔⴻⵏ ⵎⴳⴰⵍ ⴼⴻⵔⵊⴰⵏⵉ ⵙ 15 ⵖⴻⵔ 6).

ⴷⴻⴳ ⵜⴻⵣⵡⴰⵔⴰ ⵏ ⵜⵏⴻⴳⴳⴰⵔⵓⵜ-ⵏⵏⵉ ⵏ ⵜⴽⵓⴱⴰ, ⴼⴻⵔⵊⴰⵏⵉ (ⵢⴻⵍⵍⴰⵏ ⴷ ⴰⵍⵖⵓⵖ ⵏ ⵜⴻⴼⵔⵉⵇⵜ ⵏ ⵜⴽⵓⴱⴰ ⵏ ⵢⵉⵎⴻⵇⵔⴰⵏⴻⵏ) ⴷⵉⵏⴷⵉⵏ ⴽⴰⵏ ⵉⴳⴰ ⴰⴳⵎⵓⴹ ⵢⵓⴳⴰⵔⴻⵏ ⵡⵉⵏ ⵏ ⵡⴰⴼⴰⴻⵢ ⵙ 8 ⵖⴻⵔ 5, ⵙⴰⴽⴽⵉⵏ, ⵉⴽⴻⵎⵎⴻⵍ ⵢⴻⵙⵙⴰⵡⴻⴹ ⴰⴳⵎⵓⴹ-ⵏⵏⴻⵙ ⵖⴻⵔ 15 ⵖⴻⵔ 9.

ⵎⴰ ⴷ ⵉⴷⵣⴰⵢⵔⵉⵢⴻⵏ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵉⵔⵉⴼ-ⴰ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ, ⵓⴳⵧ ⴳⴰⵎⴱⴻⵔⵧⵏⵉ ⴷ ⵀⴰⵎⵣⴰ ⴽⴰⵙⴷⵉ, ⵜⵜⵡⴰⴼⵙⴻⵏ (ⵓⵇⵚⵓ) ⴷⴻⴳ ⵜⵉⵙ 4 ⵏ ⵜⵏⴻⴳⴳⴰⵔⵓⵜ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵛⵢⵍ ⵎⴰⴰⵣⵉⵣ ⴷ ⴰⵏⵉⵙ ⵎⴰⵉⵔⵉ ⴼⴼⵖⴻⵏ ⴷⴻⴳ ⵜⵉⵙ 8 ⵏ ⵜⵏⴻⴳⴳⴰⵔⵓⵜ.

ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵏ ⵜⴻⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵏ ⵓⴳⴻⵙⵜⵓⵔ (ⵜⴰⵎⴻⵣⵣⵓⴳⵜ [ⵉⵅⵜⵉⵚⴰⵚ] ⵏ ⵜⴽⵓⴱⴰ), ⴰⴽⵓⴱⵉ ⵙⴰⵍⴰⵣⴰⵔ ⵎⴰⵙⵙⵧ ⴳⵓⵣⵎⴰⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵖⵍⴰⵎⵜ-ⵏⵏⴻⵙ ⵍⴰ ⵜⴻⵜⵜⴻⴷⴷⵓ ⵖⴻⵔ ⵙⴷⴰⵜ ⴰⴽⴽⴻⵏ ⵢⴻⵍⵀⴰ ⵢⴻⵔⵏⴰ ⵉⵏⴰⴷⴷⴰⵍⴻⵏ-ⵏⵏⴻⵙ ⵙⵙⴻⵍⵀⴰⵏ ⴰⵙⵡⵉⵔ-ⵏⵙⴻⵏ ⵖⴻⴼ ⵍⴻⵃⵙⴰⴱ ⵏ ⵓⵙⵓⵔⵉⴼ ⵢⴻⵣⵔⵉⵏ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ.