ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙ ⵡⵉⵙ 20 ⵏ ⵜⴻⵍⵖⵓⵖⴰ ⵏ ⵜⵛⵉⵔⵜ ⵏ ⵓⴹⴰⵔ: ⵔⵛ ⵖⵉⵍⵉⵣⴰⵏ ⵜⴻⵛⴽⵓⵏⵟⴻⴹ, ⴷⵔⴱ ⵜⴰⴵⵏⴰⵏⵜ ⵜⵓⵍⵉ-ⴷ ⴷⴻⴳ ⵓⵙⴻⵜⵜⴻⴼ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵙⵙⴰⵡⴻⴹ ⵔⵛ ⵖⵉⵍⵉⵣⴰⵏ ⴰⴷ ⵜⴻⵛⴽⵓⵏⵟⴻⴹ ⴷⴻⴳ ⵓⵎⴽⴰⵏ-ⵏⵏⴻⵙ ⵎⵉ ⵜⴻⵔⵏⴰ ⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⵙ 1 ⵖⴻⵔ 0, ⴰⵙⵙ ⵏ ⵙⵙⴻⴱⵜ, ⴷⴻⴳ ⵜⴳⴰⵔⴰ ⵏ ⵡⴰⵙⵙ ⵡⵉⵙ 20 ⵏ ⵜⴻⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴷⵔⴱ ⵜⴰⴵⵏⴰⵏⵜ ⵜⵓⵖⴰⵍ-ⴷ ⵖⴻⵔ ⵓⵎⴽⴰⵏ ⵡⵉⵙ 3 ⴷⴻⴳ ⵓⵙⴻⵜⵜⴻⴼ, ⴷⴻⴼⴼⵉⵔ ⵎⴰ ⵜⴼⵓⴽ ⵜⵉⵎⵍⵉⵍⵉⵜ-ⵏⵏⴻⵙ ⵙ 1 ⵖⴻⵔ 1 ⵎⴳⴰⵍ ⵓⵙⵎ ⵍⵃⴻⵕⵕⴰⵛ.

ⵜⴰⵖⵍⴰⵎⵜ ⵏ ⵖⵉⵍⵉⵣⴰⵏ ⵜⴻⵔⴱⴻⵃ-ⴷ ⵉⵙⵡⵉ-ⵏⵏⴻⵙ ⵙ ⵜⵉⴰⵉⴱⵉⴰ ⴰⵢ ⵉⵡⵜⴻⵏ ⵜⵉⵢⵉⵜⴰ ⵏ ⵜⴻⵎⵇⴰⵙⵉⵜ ⵎⴳⴰⵍ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⴷⴻⴳ ⵜⴻⴷⵇⵉⵇⵜ ⵜⵉⵙ 27, ⵢⴻⵔⵏⴰ ⵍⴻⵎⵎⴻⵔ ⵎⴰⵛⵉ ⴷ ⴰⵄⴻⵙⵙⴰⵙ ⴰⵣⴻⴷⴷⵉⵏⴻ ⴷⵧⵓⴽⵀⴰ ⴰⵢ ⴷ-ⵢⴻⴹⴹⴼⴻⵏ ⵜⵉⵢⵉⵜⴰ ⵏ ⵜⴻⵎⵇⴰⵙⵉⵜ ⵜⵉⵙ ⵙⵏⴰⵜ ⵏ ⵜⵉⴰⵉⴱⵉⴰ ⴷⴻⴳ ⵜⴻⴷⵇⵉⵇⵜ ⵜⵉⵙ 48, ⵜⵉⵍⵉ ⵜⴻⵔⵏⴰ ⵖⵉⵍⵉⵣⴰⵏ ⵉⵙⵡⵉ ⵡⵉⵙ ⵙⵉⵏ ⵎⴳⴰⵍ ⵢⵉⴽⴰⵏⴰⵕⵉⵢⴻⵏ.

ⵙⵙⴰⵡⴹⴻⵏ ⵢⵉⵖⵉⵍⵉⵣⴰⵏⵉⵢⴻⵏ ⴰⴷ ⴼⴰⴽⴻⵏ ⵓⵔⴰⵔ ⵙ ⵢⵉⵡⴻⵏ ⵏ ⵢⵉⵙⵡⵉ, ⵓⵍⴰ ⵎⴰ ⵢⴻⵜⵜⵡⴰⵥⵥⴻⵄ ⵓⵎⴰⵔⵉⵔ-ⵏⵙⴻⵏ ⵎⴻⴷⴷⴰⵀⵉ ⴷⴻⴳ ⵕⵕⴱⴻⵄ ⵏ ⵜⵙⴰⵄⴻⵜ ⴰⵏⴻⴳⴳⴰⵔⵓ ⵏ ⵜⴻⵎⵍⵉⵍⵉⵜ.

ⴷ ⴰⵛⵓ ⴽⴰⵏ, ⵔⵛ ⵖⵉⵍⵉⵣⴰⵏ ⵎⴰⵣⴰⵍ-ⵉⵜⵜ ⴷⴻⴳ ⵢⵉⵎⵓⴽⴰⵏ ⵉⵏⴻⴳⴳⵓⵔⴰ ⵏ ⵓⵙⴻⵜⵜⴻⴼ ⴰⵢⴷⴻⴳ ⵜⴻⵣⵎⴻⵔ ⴰⴷ ⵜⴻⵖⵍⵉ ⵖⴻⵔ ⵜⴻⵎⵖⵓⵏⵜ ⵜⵉⵙ ⵙⵏⴰⵜ, ⵢⴻⵔⵏⴰ ⵔⵔⴱⴻⵃ-ⴰ-ⵏⵏⴻⵙ ⵢⴻⵙⵙⴻⵔⴱⴻⵃ-ⴰⵙ-ⴷ ⴽⴰⵏ ⵢⵉⵡⴻⵜ ⵏ ⵜⴻⵏⵇⵉⴹⵜ.