ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵙⴻⵏⵟⵉⵏⴰ: ⴰⵙⵙⴻⵏⵇⴻⵙ ⵏ ⵢⵉⴷⵔⵉⵎⴻⵏ ⵏ ⵜⵖⵉⵡⴰⵏⵉⵏ ⵖⴻⴼ ⵍⴵⴰⵍ ⵏ ⵍⵇⴻⵍⵍⴰ ⵏ ⵓⵚⴻⵔⵔⴻⴼ-ⵏⵙⴻⵏ

ⵇⵙⴻⵏⵟⵉⵏⴰ – ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵜⵡⵉⵍⴰⵢⵜ ⵏ ⵇⵙⴻⵏⵟⵉⵏⴰ, ⴰⴱⴷⴻⵍⴽⵀⴰⵍⴻⴽ ⵙⴰⵢⵧⵓⴷⴰ, ⴷⴰⴽⴽⴻⵏ ⴰⴷ ⵙⵏⴻⵇⵙⴻⵏ ⵉⴷⵔⵉⵎⴻⵏ ⴰⵢ ⵢⴻⵜⵜⵡⴰⴼⵔⴰⵇⴻⵏ ⵖⴻⴼ ⵜⵖⵉⵡⴰⵏⵉⵏ ⵏ ⵇⵙⴻⵏⵟⵉⵏⴰ ⴷⴻⴳ 2016 ⵉⵎⵉ ⵜⵉⵖⵉⵡⴰⵏⵉⵏ ⵓⵔ ⵍⴰ ⵜⵜⵚⴻⵔⵔⵉⴼⴻⵏⵜ ⴰⵔⴰ ⴰⴽⴽ ⴰⵢⴻⵏ ⴰⵢ ⴰⵙⴻⵏⵜ-ⵢⴻⵜⵜⵡⴰⴼⴻⵔⵇⴻⵏ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴼⴼⵉⵔ ⵢⵉⵡⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⵉⵡⴰⵏⵜ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵡⴰⵀⵉⵍⴻⵏ ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⵖⵉⵡⴰⵏⴻⵏ ⵏ ⵉⴱⵏ ⵣⴻⵢⵢⴰⴷ ⴷ ⵎⴻⵙⵙⴰⵧⵓⴷ-ⴱⵧⵓⴷⵊⴻⵔⵉⵧⵓ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⴳⴳⴰⵙ-ⴰ, ⵙⵏⴰⵜ-ⴰ ⵏ ⵜⵖⵉⵡⴰⵏⵉⵏ ⴼⴽⴰⵏ-ⴰⵙⴻⵏⵜ ⵜⴰⵊⴻⵍⵍⴰⴱⵜ ⵏ 36 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.

ⵜⴰⵊⴻⵍⵍⴰⴱⵜ-ⴰ « ⵓⵔ ⵉⵣⴰⴷⴻⵏ ⴰⵔⴰ » ⵜⴻⵍⵍⴰ-ⴷ ⴷ « ⵜⴰⵎⵇⴰⵙⵉⵜ » ⵉ 12-ⵏⵏⵉ ⵏ ⵜⵖⵉⵡⴰⵏⵉⵏ ⵏ ⵇⵙⴻⵏⵟⵉⵏⴰ ⵓⵔ ⵢⴻⵙⵇⴻⴷⵛⴻⵏ ⴰⵔⴰ ⵉⴷⵔⵉⵎⴻⵏ ⴰⵢ ⴰⵙⴻⵏⵜ-ⵢⴻⵜⵜⵡⴰⴼⴻⵔⵇⴻⵏ.

ⵓⴳⴰⵔ ⵏ 80% ⵙⴻⴳ ⵢⵉⴷⵔⵉⵎⴻⵏ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵏ ⵇⵙⴻⵏⵟⵉⵏⴰ ⴷⴻⴳ 2015 ⵓⵔ ⵜⵜⵡⴰⵙⵇⴻⴷⵛⴻⵏ ⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴰⵢⵧⵓⴷⴰ, ⴰⵢ ⴷ-ⵉⴳⵔⴻⵏ ⵜⵉⵖⵔⵉ ⵉ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵄⴰⵡⴷⴻⵏ ⵍⴻⵃⵙⴰⴱ ⵢⴻⵔⵏⴰ ⴰⴷ ⴳⴻⵏ ⴰⵢⴻⵏ ⴰⵢ ⵍⴰ ⵜⵜⵕⴰⵊⵓⵏ ⵢⵉⵎⴻⵣⴷⴰⵖⴻⵏ ⵙⴻⴳ-ⵙⴻⵏ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ ⴷⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵇⵇⵉⵎⴻⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵍⵅⴻⵣⵏⴰⵜ ⵏ ⵜⵖⵉⵡⴰⵏⵉⵏ ⵢⴻⵔⵏⴰ ⵓⵔ ⵜⵜⵡⴰⵚⴻⵔⵔⴰⴼⴻⵏ ⴰⵔⴰ ⵉ ⵓⵙⵏⴻⴼⵍⵉ ⵖⴻⴼ ⵍⴵⴰⵍ ⵏ « ⵜⵙⴻⴽⴽⵉⵔⵉⵏ ⵜⵉⴷⴻⴱⵍⴰⵏⵉⵏ » (ⵉⴵⵔⴰ’ⴰⵜ ⵉⴷⴰⵔⵉⵢⵢⴰ), ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵙⴻⴳ-ⴰ ⴷ ⴰⵙⴰⵡⴻⵏ, ⵜⴰⴷⴱⴻⵍⵜ ⵓⵔ ⵜⴻⵜⵜⵄⴰⵡⴰⴷ ⴰⵔⴰ ⴰⴷ ⵜⴻⵄⴷⴻⵕ ⵜⵉⵖⵉⵡⴰⵏⵉⵏ ⵓⵔ ⵉⵅⴻⴷⴷⵎⴻⵏ ⴰⵔⴰ ⴽⵔⴰ ⵉⵣⴰⴷⴻⵏ ⵙ ⵢⵉⴷⵔⵉⵎⴻⵏ ⴰⵢ ⴰⵙⴻⵏⵜ-ⵢⴻⵜⵜⵓⵏⴻⴼⴽⴻⵏ.