ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴻⵔⵏⴰ ⵎⴰⵚⴻⵔ ⵢⴻⵔⵏⵓ ⵜⴻⵔⴱⴻⵃ ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴽⵓⴱⴰ ⵏ 2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵔⵏⴰ ⵜⴻⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵏ ⵢⵉⵔⴳⴰⵣⴻⵏ (ⵉⵍⴻⵎⵥⵉⵢⴻⵏ) ⵏ ⵜⴽⵓⴱⴰ ⵎⴰⵚⴻⵔ ⵢⴻⵔⵏⵓ ⵜⴻⵔⴱⴻⵃ-ⴷ ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴽⵓⴱⴰ (ⴰⵙⵓⵔⵉⴼ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵙ ⵓⴳⵎⵓⴹ ⵏ 45 ⵏ ⵜⵏⴰⵍⵉⵢⵉⵏ ⵖⴻⵔ 38 ⴷⴻⴳ ⵜⵏⴻⴳⴳⴰⵔⵓⵜ ⵏ ⵜⴻⵖⵍⴰⵎⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵣⴻⵇⵇⴰ ⵏ ⵀⴰⵔⵛⵀⴰ-ⵀⴰⵛⴻⵏⴻ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵙ ⵡⴰⵢⴰ, ⵙⵙⴰⵡⴹⴻⵏ 3 ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ, ⵣⵉⵏ ⴻⴷⴷⵉⵏⴻ ⵀⴻⵔⵧⵓⵉ, ⵓⴳⵧ ⴷⴰⵏⵉⴻⵍ ⴳⴰⵎⴱⴻⵔⵧⵏⵉ ⴷ ⴰⴽⵔⴰⵎ ⴱⵧⵓⵏⴰⴱⵉ, ⴰⴷ ⵔⴻⴱⵃⴻⵏ ⵜⵉⵎⵍⵉⵍⵉⵜ-ⵏⵙⴻⵏ ⵜⴰⵡⴻⵄⵕⴰⵏⵜ ⵎⴳⴰⵍ ⵜⴻⵖⵍⴰⵎⵜ ⵜⴰⵎⴰⵚⵔⵉⵜ ⴰⵢⴷⴻⴳ ⵍⵍⴰⵏ ⵎⵧⴰⵜⴰⵣ ⵎⴻⴷⵀⴰⵜ, ⵏⵧⵓⵔⴻⴷⵉⵏⴻ ⵏⵧⵓⵔⴻⴷⵉⵏⴻ ⴷ ⵎⵧⴽⵀⵜⴰⵔ ⵡⴰⴼⴰⴻⵢ.

ⵏⴰⵇⴰⵍ ⴷ ⵎⴰⵚⴻⵔ ⴰⵢ ⴷ-ⵢⴻⴱⴷⴰⵏ ⵓⵔⴰⵔ ⵙ ⵓⴳⵎⵓⴹ ⵢⴻⵍⵀⴰⵏ, ⵉⵎⵉ ⴰⵢ ⵜⴻⵡⵡⴻⴹ ⵖⴻⵔ 17 ⵏ ⵜⵏⴰⵍⵉⵢⵉⵏ, ⵎⴰⵛⴰ ⵙⵙⴰⵡⴹⴻⵏ ⵢⵉⴷⵣⴰⵢⵔⵉⵢⴻⵏ ⴰⴷ ⴷ-ⵔⴻⴼⴷⴻⵏ ⵉⵎⴰⵏ-ⵏⵙⴻⵏ ⵢⴻⵔⵏⵓ ⵔⴻⴱⵃⴻⵏ ⴰⵎⵢⴰⴳⴻⵔ ⵙ 45 ⵖⴻⵔ 38.

« ⵉⵎⴻⵏⵖⵉ ⵢⴻⵍⵍⴰ-ⴷ ⵢⴻⵡⵄⴻⵕ ⵙⴻⴳ ⵜⴰⵣⵡⴰⵔⴰ ⵖⴻⵔ ⵜⴳⴰⵔⴰ. ⵉⵏⴰⴷⴷⴰⵍⴻⵏ-ⵏⵏⴻⵖ ⵢⴻⵔⵏⴰ ⵓⵙⵡⵉⵔ-ⵏⵙⴻⵏ ⵢⴻⵔⵏⴰ ⵙⵙⴰⵡⴹⴻⵏ ⴰⴷ ⴱⴻⴷⴷⴻⵏ ⴷⴻⴳ ⵡⵓⴷⴻⵎ ⵏ ⵢⵉⵎⴰⵚⵔⵉⵢⴻⵏ ⴰⵢ ⵉⵄⴻⵔⴹⴻⵏ ⴰⴷ ⴷ-ⵓⵖⴰⵍⴻⵏ. ⵙ ⵡⵓⴳⴰⵔ ⵏ ⵓⵅⴻⴷⴷⵉⵎ ⴷ ⵓⵙⵍⵓⵎⵎⴻⵙ, ⴰⴷ ⵙⵙⵉⵡⴹⴻⵏ ⴰⴷ ⴷⴷⵓⵏ ⵖⴻⵔ ⵙⴷⴰⵜ. ⵜⵜⵀⴻⵏⵏⵉⵖ ⴰⴽⴽ ⵜⴰⵖⵍⴰⵎⵜ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⴽⵓⴱⵉ ⵙⴰⵍⴰⵣⴰⵔ ⴳⵓⵣⵎⴰⵏ, ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ.

ⵎⴰ ⴷ ⵜⵓⵏⴻⵙ, ⵜⴻⴹⴹⴻⴼ ⴰⵎⴽⴰⵏ ⵡⵉⵙ 3 ⴷⴻⴳ ⵜⴻⵇⴱⵓⵛⵜ-ⴰ ⵏ ⵜⴻⵖⵍⴰⵎⵉⵏ ⴷⴻⴼⴼⵉⵔ ⵎⴰ ⵜⴻⵔⵏⴰ ⵍⵓⵕⴷⵓⵏ ⵙ 45 ⵏ ⵜⵏⴰⵍⵉⵢⵉⵏ ⵖⴻⵔ 41.

ⴷⴻⴳ ⵢⵉⵎⴻⵏⵖⵉ ⴰⵜⴻⵔⵔⴰⵙⴰⵏ (ⴼⴰⵔⴷⵉ), ⴷ ⴰⵜⵓⵏⵙⵉ ⴼⴰⵔⴻⵙ ⴼⴻⵔⵊⴰⵏⵉ (ⴷ ⵡⵉⵙ 8 ⴷⴻⴳ ⵓⵎⴰⴹⴰⵍ) ⴰⵢ ⵉⵔⴻⴱⵃⴻⵏ ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵎⵉ ⵢⴻⵔⵏⴰ, ⴷⴻⴳ ⵜⵏⴻⴳⴳⴰⵔⵓⵜ, ⴰⵎⴰⵚⵔⵉ ⵎⵧⴽⵀⵜⴰⵔ ⵡⴰⴼⴰⴻⵢ ⵙ 15 ⵖⴻⵔ 9 ⵏ ⵜⵏⴰⵍⵉⵢⵉⵏ.