ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴳⵔⴰⵡ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵏ ⵜⵛⵉⵔⵜ ⵏ ⵓⴹⴰⵔ: ⵜⵉⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵡⴰⵟⴰⵙ ⵏ ⵡⵓⴷⵎⴰⵡⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴰⵟⴰⵙ ⵏ ⵡⵓⴷⵎⴰⵡⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵍⴻⵣⵣⴰⵢⴻⵔ ⵓⵎⵉ ⵔⵔⴰⵏ ⵜⴰⵊⵎⵉⵍⵜ ⵢⴻⵔⵏⵓ ⴼⴽⴰⵏ-ⴰⵙⴻⵏ ⵜⴰⵣⴰⵍⵖⵉ (ⵎⵉⴷⴰⵍⵉⵢⵢⴰ) ⵏ ⵜⴻⴽⵍⴰⵍⵉⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵔⵉⵜ ⵏ ⵓⴹⴰⵔ ⵎⵉ ⴷ-ⵢⴻⵍⵍⴰ ⵓⴳⵔⴰⵡ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
8 ⵏ ⵡⵓⴷⵎⴰⵡⴻⵏ ⵓⵎⵉ ⵜⴻⵜⵜⵓⵏⴻⴼⴽ ⵜⵣⴰⵍⵖⵉ ⵖⴻⴼ ⵓⵜⵜⴻⴽⴽⵉ-ⵏⵙⴻⵏ ⴰⵎⴻⵇⵔⴰⵏ ⴷⴻⴳ ⵓⵙⵙⴻⵔⴱⴻⵃ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵖⴻⵍⵏⴰⵡⵜ.
ⵉⵎⴷⴰⵏⴻⵏ-ⴰ ⴷ ⵎⵧⵀⴰⵎⴻⴷ ⴷⴻⵀⴰⵎⵛⵀⵉ, ⴰⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵜⴰⵎⵏⴰⴹⴰⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵇⵙⴻⵏⵟⵉⵏⴰ, ⵙⴰⵉⴷ ⴳⵓⵉⴷⵧⵓⵛⵀⴻ, ⴷ ⴰⵎⴰⵙⵍⴰⴹ (ⵄⵓⴹⵡ) ⵏ ⵜⵙⴻⵇⵇⴰⵎⵓⵜ ⵏ ⵜⵓⴳⵔⵉⵏⵜ ⵏ ⵜⴻⵎⵖⵓⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵙⴰⴷⵓⵔⴰⵏⵜ, ⴰⵎⴻⵕⵃⵓⵎ ⵎⴻⵔⵣⵧⵓⴳ ⵀⴰⵎⴻⵏⴰ, ⴷ ⴰⵎⴰⵙⵍⴰⴹ ⴰⵇⴱⵓⵔ ⵏ ⵜⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵢⵧⵓⵛⴻⴼ ⴻⵍ ⴽⴻⵏⵣ, ⴷ ⴰⵎⴰⵍⴰⵍ ⵏ ⵓⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴰⵇⴱⵓⵔ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ, ⵎⵧⵀⴰⵎⴻⴷ ⴱⵉⵛⵀⴰⵔⵉ ⴷ ⵎⵧⴽⵀⵜⴰⵔ ⴰⵎⴰⵍⵧⵓ ⵢⴻⵍⵍⴰⵏ ⴷ ⵉⵏⴻⴼⵔⴰⵢⴻⵏ ⵉⴳⵔⴰⵖⵍⴰⵏⴻⵏ ⵉⵇⴱⵓⵔⴻⵏ.
ⵜⵓⵖⴰⵍ ⴷⴰⵖ ⵜⴻⵊⵎⵉⵍⵜ ⵉ ⵙⵉⵏ ⵏ ⵢⵉⵏⴻⵖⵎⴰⵙⴻⵏ ⵢⴻⵔⵏⴰ ⵡⵉ ⴷ ⵙⴰⵉⴷ ⵙⴻⵍⵀⴰⵏⵉ, ⴷ ⴰⵏⴻⵖⵎⴰⵙ ⴰⵇⴱⵓⵔ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴷ ⵎⴻⵙⵙⴰⵧⵓⴷ ⴽⴰⴷⵔⵉ, ⴰⵏⴻⵎⵀⴰⵍ ⴰⵇⴱⵓⵔ ⵏ ⵓⵖⵎⵉⵙ ⴰⵎⴻⵙⵎⴰⵍⴰⵙ (ⵓⵙⴱⵓⵄⵉ) ⵏ ⵡⴰⴷⴷⴰⵍ, ⴻⵍ ⵎⵧⵓⵏⵜⴰⴽⵀⴻⴱ.
ⵜⴰⴼⵓⴳⵍⴰ-ⴰ ⵏ ⵜⵓⴽⵛⵉ ⵏ ⵜⵣⴰⵍⵖⵉⵡⵉⵏ ⵏ ⵜⴻⴽⵍⴰⵍⵉⵜ ⵜⴻⵍⵍⴰ-ⴷ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴰⴷⵣⴰⵢⵔⵉ, ⵎⵓⵙⵜⴰⵒⵀⴰ ⴱⴻⵔⵔⴰⴼ.
ⵜⴻⵖⵜⴻⵙ (ⵇⴰⵔⵔⴰⵔⴰ) ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴰⴷ ⴷ-ⵜⴻⵙⵙⴻⴱⴷⴻⴷ ⵜⴰⵣⴰⵍⵖⵉ ⵏ ⵜⴻⴽⵍⴰⵍⵉⵜ ⵉ ⵓⴵⴰⵣⵉ ⵏ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⵔⴱⴻⵃ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵍⴻⵣⵣⴰⵢⴻⵔ.
ⵜⴰⴼⵉⴷⵉⵕⴰⵍⵉⵜ ⵜⴻⴱⵖⴰ ⴰⴷ ⵜⴻⵔⵔ ⴰⴵⴰⵣⵉ-ⴰ ⴷ ⵜⴰⵏⴰⵎⵉⵜ ⴰⴷ ⴷ-ⵢⴻⵜⵜⵉⵍⵉⵏ ⵢⴰⵍ ⵜⵉⴽⴽⴻⵍⵜ ⴰⵢⴷⴻⴳ ⴰⴷ ⵜⴻⴳ ⴰⴳⵔⴰⵡ-ⵏⵏⴻⵙ ⴰⵎⴰⵜⵓ ⵉ ⵢⵉⵔⵉⵔⵉ ⵏ ⵜⴻⵊⵎⵉⵍⵜ ⵉ ⵢⵉⵎⴷⴰⵏⴻⵏ ⵢⴻⵍⵍⴰⵏ ⴷ ⴰⵣⴰⵎⵓⵍ ⵙ ⵓⵎⴰⵀⵉⵍ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ.
