ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⴷⴷⵓ ⵏ ⵜⵣⵉⴽⴽⴻⵏⵜ ⵏ « ⵜⵥⵓⵔⵉ ⵏ ⵓⴷⵍⵉⵙ ⵉⵙⵍⴰⵎⴰⵏ » ⴷⴻⴳ ⵜⴻⵙⴷⴰⵡⵉⵜ ⵏ ⵍⴻⵣⵣⴰⵢⴻⵔ 1ⵓⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵜⴻⵙⴷⴰⵡⵉⵜ ⵏ ⵍⴻⵣⵣⴰⵢⴻⵔ 1ⵓⵜ, ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵏ ⵜⵙⵓⴽⴰⵏ (ⵏⵓⵙⴰⵅ) ⵏ ⵢⵉⴷⵍⵉⵙⴻⵏ ⵉⵙⵍⴰⵎⴰⵏⴻⵏ ⵢⵓⵔⴰⵏ ⵙ ⵓⴼⵓⵙ ⵓⵎⵉ ⵙⴻⵎⵎⴰⵏ « ⵜⴰⵥⵓⵔⵉ ⵏ ⵓⴷⵍⵉⵙ ⵉⵙⵍⴰⵎⴰⵏ », ⵢⴻⵔⵏⴰ ⵜⵉⵙⵓⴽⴰⵏ-ⴰ ⵡⵡⵉⵏ-ⵜⴻⵏⵜ-ⵉⴷ ⵙⴻⴳ ⵜⴻⵙⴷⴰⵡⵉⵜ ⵜⴰⵀⵓⵍⴰⵏⴷⵉⵜ ⵏ ⵍⴻⵉⴷⴻⵏ.

ⵜⴰⵣⵉⴽⴽⴻⵏⵜ-ⴰ ⵜⴳⴰ-ⵜⵜ ⵜⵎⴰⵀⴻⵍⵜ ⵏ ⵜⴳⴻⵍⴷⴰ ⵏ ⵜⵎⵓⴷⴰ ⵏ ⵡⴰⴷⴷⴰ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⴰ ⵍⵍⴰⵏⵜ ⴷⴻⴳ-ⵙ ⴰⵣⴰⵍ ⵏ 40 ⵏ ⵜⵙⵓⴽⴰⵏ ⵏ ⵢⵉⴷⵍⵉⵙⴻⵏ ⵏ ⵍⴻⵇⵔⴰⵏ ⵢⴻⵜⵜⵡⴰⵔⴻⵇⵎⴻⵏ ⴷ ⵢⵉⴷⵍⵉⵙⴻⵏ ⵓⵙⵙⵏⴰⵏⴻⵏ ⵢⴻⵜⵜⵡⴰⵛⴻⴱⴱⵃⴻⵏ ⵙ ⵜⵓⴳⵏⵉⵡⵉⵏ ⵜⵉⵅⵜⴰⵜⴰⵙⵉⵏ ⵏⴻⵖ ⵙ ⵔⵔⵇⵓⵎⴰⵜ.

ⴰⵃⵔⵉⵛ ⴰⵎⴻⵣⵡⴰⵔⵓ ⵏ ⵜⵣⵉⴽⴽⴻⵏⵜ-ⴰ ⴷ ⵡⵉⵏ ⵓⵎⵉ ⵙⴻⵎⵎⴰⵏ « ⵜⴰⴽⴰⵍⵉⴳⵕⴰⴼⵉⵜ ⵏ ⵍⴻⵇⵔⴰⵏ », ⵢⴻⵔⵏⴰ ⵍⵍⴰⵏ ⴷⴻⴳ-ⵙ ⵢⵉⴼⴻⵜⵜⵉⵜⴻⵏ ⵏ ⵢⵉⵙⴻⴱⵜⴰⵔ (ⵚⴰⴼⴰⵃⴰⵜ) ⵏ ⵜⵙⵓⴽⴰⵏ ⵏ ⵍⴻⵇⵔⴰⵏ ⵏ ⵍⵇⴻⵔⵏ ⵡⵉⵙ 8, ⵜⵜⵡⴰⵔⵓⵏ ⵙ ⵜⵉⵔⴰⵡⵜ ⵜⴰⴽⵓⴼⵉⵜ, ⴷ ⵜⵙⵓⴽⴰⵏ ⵏ ⵍⴻⵇⵔⴰⵏ ⵏ ⵍⵇⴻⵔⵏ ⵡⵉⵙ 12 ⴷ 14 ⴰⵢ ⴷ-ⵢⵓⵙⴰⵏ ⵙⴻⴳ ⵎⴻⵕⵕⵓⴽ ⴷ ⵍⵀⴻⵏⴷ.

ⵍⵍⴰⵏ ⴷⴰⵖ ⵢⵉⴷⵍⵉⵙⴻⵏ ⵉⵎⵉⴷⵔⵓⵙⴻⵏ (ⵏⴰⴷⵉⵔⴰ) ⵢⴻⵇⵇⵏⴻⵏ ⵖⴻⵔ ⵜⵓⵙⵙⵏⴰ ⴷⴻⴳ ⵜⵣⵉⴽⴽⴻⵏⵜ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴽⴰⵔⴹⵉⵜ (ⵎⴰⴽⵜⴰⴱⴰ) ⵏ ⵜⴻⵙⴷⴰⵡⵉⵜ, ⴳⴰⵔ-ⴰⵙⴻⵏ ⵜⴰⵙⵓⵖⴻⵍⵜ ⵏ ⵓⴷⵍⵉⵙ ⵏ ⵢⵉⵎⵖⴰⵏ ⵉⵄⴻⵔⵇⴻⵏ « ⵎⴰⵜⴻⵔⵉⴰ ⵎⴻⴷⵉⵛⴰ » ⴰⵢ ⴷ-ⵢⴻⵜⵜⵡⴰⵔⵓⵏ, ⴷⴻⴳ ⵍⴰⵚⴻⵍ, ⴷⴻⴳ ⵍⵇⴻⵔⵏ 1ⵓ. ⵜⴰⵙⵓⵖⴻⵍⵜ ⵏ ⵓⴷⵍⵉⵙ-ⴰ ⵖⴻⵔ ⵜⴰⵄⵕⴰⴱⵜ ⵜⴻⵍⵍⴰ-ⴷ ⴷⴻⴳ ⵍⵇⴻⵔⵏ ⵡⵉⵙ 10 ⵢⴻⵔⵏⴰ ⴰⵍⴰ ⵢⵉⵡⴻⵜ ⵏ ⵜⵙⵓⴽⵉⵏⵜ ⴰⵢ ⴷ-ⵢⴻⴳⴳⵔⴰⵏ ⵙⴻⴳ-ⵙ.

ⴷⴻⴳ ⵓⵃⵔⵉⵛ-ⴰ ⵏ ⵜⵣⵉⴽⴽⴻⵏⵜ, ⵍⵍⴰⵏ ⵢⵉⴷⵍⵉⵙⴻⵏ ⵓⵙⵙⵏⴰⵏⴻⵏ ⵏⵉⴹⴻⵏ ⴰⵎ « ⵓⴷⵍⵉⵙ ⵏ ⵜⴰⵔⵔⴰⵢⵉⵏ ⵜⵉⵙⵏⴰⵊⵢⴰⵏⵉⵏ » ⵏ ⴰⴱⵓ ⴻⵍ ⵇⴰⵙⵉⵎ ⴰⵍ ⵣⴰⵀⵔⴰⵡⵉ (ⵍⵇⴻⵔⵏ ⵡⵉⵙ 15) ⵏⴻⵖ « ⵜⴰⵙⵏⴰⵎⵓⵔⵜ » ⵏ ⴰⵍ ⵉⵙⵜⴰⴽⵀⵜⵉ (ⵍⵇⴻⵔⵏ ⵡⵉⵙ 12).