ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⴷ-ⵜⵜⵡⴰⵙⵙⵓⵖⵍⴻⵏ ⵢⵉⴷⵍⵉⵙⴻⵏ ⵏ ⵔⴰⵛⵀⵉⴷ ⵎⵉⵎⵧⵓⵏⵉ ⵖⴻⵔ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ (ⴰⵎⵢⴰⴳⴻⵔ)
ⴱⵓⵎⴻⵔⴷⴰⵙ – ⵏⵏⴰⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⵖⴻⴼ ⵓⵏⴻⴳⴳⴰⵍ ⵔⴰⵛⵀⵉⴷ ⵎⵉⵎⵧⵓⵏⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⴱⵓⵎⴻⵔⴷⴰⵙ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵜⵡⴰⵙⵙⵓⵖⵍⴻⵏ ⵢⵉⵅⴻⴷⴷⵉⵎⴻⵏ ⵏ ⵓⵎⴻⵕⵃⵓⵎ-ⴰ ⵖⴻⵔ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ.
« ⵢⴻⵙⵙⴻⴼⴽ ⴰⴷ ⴷ-ⵏⴻⵙⵙⵓⵖⴻⵍ ⵉⵅⴻⴷⴷⵉⵎⴻⵏ ⵏ ⵓⵎⴻⵕⵃⵓⵎ ⵢⴻⵔⵏⴰ ⴰⴷ ⵜⴻⵏ-ⵉⴷ-ⵏⵀⴻⵢⵢⵉ ⵉ ⵜⵙⵓⵜⵉⵡⵉⵏ ⴰⵢ ⴷ-ⵉⴳⴻⵎⵎⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵜⵜⴻⴽⴽⵉⵢⴻⵏ ⵏ ⵓⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⴱⵓⴷⵡⴰⵡ, ⴰⵏⴷⴰ ⴰⵢ ⴷ-ⵉⵍⵓⵍ ⵔⴰⵛⵀⵉⴷ ⵎⵉⵎⵧⵓⵏⵉ, ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 21 ⵏ ⵜⵎⴻⵜⵜⴰⵏⵜ-ⵏⵏⴻⵙ.
ⵖⴻⴼ ⵍⴻⵃⵙⴰⴱ ⵏ ⵓⵏⴻⴳⴳⴰⵍ (ⴽⴰⵜⵉⴱ ⵔⵉⵡⴰ’ⵉ) ⴷⵊⵉⵍⴰⵍⵉ ⴽⵀⴻⵍⵍⴰⵙ, « ⴷ ⴰⵣⵓⵍⴰⵍ ⵎⵉ ⴰⴷ ⵏⵥⴻⵔ ⵜⵉⵎⵓⵔⴰ ⵏⵉⴹⴻⵏ ⵏ ⵓⵎⴰⴹⴰⵍ ⵜⵜⴼⴰⵕⴰⵙⴻⵏⵜ ⵙⴻⴳ ⵡⴰⵢⴻⵏ ⴰⵢ ⴷ-ⵢⴻⵙⵏⵓⵍⴼⴰ ⵓⵏⴻⴳⴳⴰⵍ-ⴰ ⵓⴻⵔⵏⴰ ⵙⵙⵓⵖⵓⵍⴻⵏⵜ-ⵜ-ⵉⴷ ⵖⴻⵔ ⵜⵓⵜⵍⴰⵢⵉⵏ-ⵏⵙⴻⵏⵜ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵏⴻⴽⴽⵏⵉ, ⴷⴻⴳ ⵍⴻⵣⵣⴰⵢⴻⵔ, ⴰⵇⵍ-ⴰⵖ ⴽⴰⵏ ⵍⴰ ⵏⴻⵜⵜⴼⴻⵕⵕⵉⴵ ⴷⴻⴳ ⵓⵄⵔⴰⵇ ⵏ ⵢⵉⵅⴻⴷⴷⵉⵎⴻⵏ ⵏ ⵢⵉⵡⴻⵏ ⵙⴻⴳ ⵢⵉⵔⴳⴰⵣⴻⵏ ⵉⵎⴻⵇⵔⴰⵏⴻⵏ ⵏ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵓⵎⵢⴰⴳⴻⵔ-ⴰ.
« ⴳⴰⵔ ⴰⴽⴽ ⵉⵅⴻⴷⴷⵉⵎⴻⵏ ⴰⵢ ⴷ-ⵢⵓⵔⴰ ⵙ ⵜⴻⴼⵕⴻⵏⵙⵉⵙⵜ, ⴰⵍⴰ 3 ⵏ ⵡⵓⵏⴳⴰⵍⴻⵏ ⴰⵢ ⴷ-ⵢⴻⵜⵜⵡⴰⵙⵙⵓⵖⵍⴻⵏ ⵖⴻⵔ ⵜⴰⵄⵕⴰⴱⵜ », ⴰⵢ ⴷ-ⵢⴻⵔⵏⴰ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵙⴷⴰⵡⴰⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵎⵧⵀⴰⵎⴻⴷ ⵙⴰⵔⵉ ⴷⴰⴽⴽⴻⵏ ⵜⴰⵖⵓⵔⵉ ⵏ ⵡⵓⵏⴳⴰⵍ ⵏ ⵎⵉⵎⵧⵓⵏⵉ « ⵍⵎⴻⵃⵏⴰ ⵉ ⵜⵓⴷⴻⵔⵜ » ⵜⴻⵙⵙⴽⴰⵏⴰⵢ-ⴷ ⴷⴰⴽⴽⴻⵏ ⴰⵎⴰⵔⵓ-ⴰ ⴷ ⵢⵉⵡⴻⵏ ⵙⴻⴳ ⵢⵉⵎⴻⵇⵔⴰⵏⴻⵏ ⵏ ⵜⵙⴻⴽⵍⴰ ⵜⴰⴷⵣⴰⵢⵔⵉⵜ ⵙ ⵓⵖⴰⵏⵉⴱ-ⵏⵏⴻⵙ ⴰⵎⴻⴷⵢⴰⵣⴰⵏ, ⵉⴵⴻⵀⴷⴻⵏ ⴰⵢⴷⴻⴳ ⴰⵙⴰⴹⴻⵏ (ⴰⴱⵟⴰⵍ) ⵏ ⵡⵓⵏⴳⴰⵍ ⵙⵄⴰⵏ ⵜⴻⵍⵇⴻⵢ ⵜⴰⵙⵏⴰⴼⵙⴰⵏⵜ, ⵢⴻⵔⵏⴰ ⵓⵍⴰ ⵎⴰ ⵔⴰⵛⵀⵉⴷ ⵎⵉⵎⵧⵓⵏⵉ ⵢⴻⵏⴽⴻⵔ-ⴷ ⴷⴻⴳ ⵜⵡⴻⵏⵏⴰⴹⵜ ⵜⴰⵏⵎⴻⵜⵜⵉⵜ ⵓⵔ ⴰⵙ-ⵉⴳⵉⵏ ⴰⵔⴰ ⴰⴼⵓⴷ ⴰⴽⴽⴻⵏ ⴰⴷ ⴷ-ⵢⴻⵙⵏⵓⵍⴼⵓ, ⵎⴰⵛⴰ ⵢⴻⵡⵡⴻⴹ ⵖⴻⵔ ⵓⵙⵡⵉⵔ ⵉⴼⴰⵣⴻⵏ ⴷⴻⴳ ⵜⵙⴻⴽⵍⴰ.
« ⵉⴹⵔⵉⵙⴻⵏ ⵏ ⵔⴰⵛⵀⵉⴷ ⵎⵉⵎⵧⵓⵏⵉ ⴰⴷ ⵇⵇⵉⵎⴻⵏ ⴳⴰⵔ ⵢⵉⴹⵔⵉⵙⴻⵏ ⵓⵛⴱⵉⵃⴻⵏ ⵏ ⵜⵙⴻⴽⵍⴰ ⵜⴰⴷⵣⴰⵢⵔⵉⵜ ⵙ ⵜⵓⵜⵍⴰⵢⵜ ⵜⴰⴼⵕⴻⵏⵙⵉⵙⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ (ⵎⵓⴷⴰⵅⴰⵍⴰ), ⵢⴻⵏⵏⴰ-ⴷ ⵢⵉⵎⵙⴻⴹⵔⵓ ⵏ ⵜⵎⴻⵣⴳⵓⵏⵉⵏ ⵧⵎⴰⵔ ⴼⴻⵜⵎⵧⵓⵛⵀⴻ ⴷⴰⴽⴽⴻⵏ ⵢⴻⵙⵙⴻⴼⴽ ⴰⵢⵜ ⵓⵎⴻⵣⴳⵓⵏ ⴰⴷ ⴷ-ⵔⵔⴻⵏ ⵍⵡⴻⵍⵀⴰ-ⵏⵙⴻⵏ ⵖⴻⵔ ⵓⵅⴻⴷⴷⵉⵎ ⵏ ⵎⵉⵎⵧⵓⵏⵉ, ⵢⴻⵔⵏⵓ ⴰⴷ ⴷ-ⵙⵙⴻⵣⴳⴻⵏ ⵉⵅⴻⴷⴷⵉⵎⴻⵏ-ⴰ ⵖⴻⵔ ⵓⵎⴻⵣⴳⵓⵏ.
ⴷⵖⴰ ⵢⴻⵙⵎⴻⴽⵜⵉ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴰⵙⵙⴻⵣⴳⵉ ⵏ ⵡⵓⵏⴳⴰⵍ ⵏ « ⴰⵙⵉⴼ ⵓⵎⵉ ⴱⴻⴷⴷⵍⴻⵏ ⴰⴱⵔⵉⴷ » ⵖⴻⵔ ⵓⵎⴻⵣⴳⵓⵏ ⴷⴻⴳ 2006, ⴷ ⴰⵙⵙⴻⵣⴳⵉ ⴰⵢ ⴷ-ⵢⴻⵍⵍⴰⵏ ⵉⴼⴰⵣ, ⵉⵎⵉ ⵜⴰⵎⴻⵣⴳⵓⵏⵜ-ⵏⵏⵉ ⵜⵄⴻⴷⴷⴰ-ⴷ ⵓⴳⴰⵔ ⵏ 160 ⵏ ⵜⵉⴽⴽⴰⵍ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⵢⴻⵔⵏⴰ ⵜⴻⵔⴱⴻⵃ-ⴷ ⴰⵔⵔⴰⵣ ⴰⵎⴻⵣⵡⴰⵔⵓ ⴷⴻⴳ ⵜⴼⴰⵙⴽⴰ ⵜⴰⵖⴻⵍⵏⴰⵡⵜ ⵏ ⵓⵎⴻⵣⴳⵓⵏ ⴰⵙⴰⴷⵓⵔⴰⵏ (ⵉⵃⵜⵉⵔⴰⴼⵉ).
