Asebter amenzawi

Ǧelfa: 3 ay yemmuten deg yiwen n usehwu n ubrid

ǦELFA – 3 n yimdanen ay yemmuten deg yiwen n usehwu (ḥadit) n ubrid ay d-yellan deg yiḍ n lḥedd d letniyen deg Ǧelfa, ɣef wakken ay aɣ-d-yenna Uḥuddu Aɣarim.

Asehwu-a yella-d deg ubrid aɣelnaw 1u, deg uḥric yeqqnen Ḥasi Beḥbaḥ d Ɛin Wessara, deg umkan n Gueltet Esstel, deg ugafa (camal) n Ǧelfa, anda yiwet n tkeṛṛust tafessast tudef udem s udem deg yiwen n ukamyun, ɣef wakken ay d-yenna Uḥuddu Aɣarim.

Sin n yirgazen, yiwen yesɛa 18 n yiseggasen, ma d wayeḍ 44, d yiwet n tmeṭṭut, ay yemmuten deg tkeṛṛust-nni, yernu wwin tifekkiwin-nsen ɣer usbiṭar n Ahmed-Bouguerra n Ḥasi Beḥbaḥ, ɣef wakken ay aɣ-d-nnan.

Amkan n Geltet Esstel d yiwen seg yimukan aydeg d-ḍerrun aṭas n yisehwa deg twilayt n Ǧelfa, ɣef wakken ay aɣ-d-xebbren.