ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵔⴱⴻⵃ-ⴷ ⵓⵎⴰⵔⵓ ⴱⵔⴰⵀⵉⵎ ⵎⴻⵜⵉⴱⴰ ⴰⵔⵔⴰⵣ ⴰⵙⴻⴽⵍⴰⵏ ⵏ ⴱⴻⵓⵔ ⴼⵎ

ⵒⴰⵔⵉⵙ – ⵢⴻⵔⴱⴻⵃ-ⴷ ⵓⵎⴰⵔⵉ ⴰⴷⵣⴰⵢⵔⵉ ⴱⵔⴰⵀⵉⵎ ⵎⴻⵜⵉⴱⴰ « ⴰⵔⵔⴰⵣ ⵏ ⴱⴻⵓⵔ ⴼⵎ ⴰⴳⵔⴰⴽⴰⵍ » ⵏ 2016 ⵖⴻⴼ ⵓⴷⵍⵉⵙ-ⵏⵏⴻⵙ ⵏ « ⵓⵔ ⵙⵜⵓⴼⴰⵖ ⴰⵔⴰ ⴰⴷ ⵇⴻⵚⵚⵔⴻⵖ ⵢⵉⴷ-ⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵅⴻⴱⴱⵔⴻⵏ ⵢⵉⵍⵖⴰⴳⴷⵓⴷⴻⵏ (ⵉⵄⵍⴰⵎ) ⵉⴼⵕⴻⵏⵙⵉⵙⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵜⴻⴷⵢⴰⵏⵜ ⵏ « ⵍⵎⴻⵖⵔⴻⴱ ⵏ ⵢⵉⴷⵍⵉⵙⴻⵏ » ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ ⴼⵕⴰⵏⵙⴰ.

ⵢⴻⵜⵜⵓⵏⴻⴼⴽ ⵡⴰⵔⵔⴰⵣ-ⴰ ⵉ ⵍⵎⴻⵏⴷ ⵏ ⵜⴻⵥⵔⵉⴳⵜ ⵜⵉⵙ 22 ⵏ ⵍⵎⴻⵖⵔⴻⴱ ⵏ ⵢⵉⴷⵍⵉⵙⴻⵏ ⴰⵢ ⴷ-ⵢⴻⵍⵍⴰⵏ ⴳⴰⵔ 13 ⴷ 14 ⴼⵓⵕⴰⵕ ⴷⴻⴳ ⵀôⵜⴻⵍ ⴷⴻ ⵠⵉⵍⵍⴻ ⵏ ⵒⴰⵔⵉⵙ, ⴷⴻⴳ ⴼⵕⴰⵏⵙⴰ.

ⵜⴰⴷⵢⴰⵏⵜ-ⴰ ⵏ « ⵍⵎⴻⵖⵔⴻⴱ ⵏ ⵢⵉⴷⵍⵉⵙⴻⵏ » ⵜⴳⴰ-ⵜⵜ ⵜⵉⴷⴷⵓⴽⵍⴰ ⵏ « ⵛⵧⵓⵒ ⴷⴻ ⵙⵧⵍⴻⵉⵍ » ⵙ ⵜⵉⵛⵛⵓⵔⴽⴰ ⴷ ⵜⴻⵔⴳⴰ ⵏ ⵜⵍⵉⵥⵔⵉ ⵏ ⵜⵠ 5 ⵎⵧⵏⴷⴻ, ⵢⴻⵔⵏⴰ ⵢⴰⵍ ⴰⵙⴻⴳⴳⴰⵙ ⵜⵜⴰⴽⴼⴻⵏ ⴷⴻⴳ-ⵙ ⴰⵔⵔⴰⵣ ⵏ ⴱⴻⵓⵔ ⴼⵎ ⵉ ⴽⵔⴰ ⵏ ⵓⵎⴻⵙⴽⴰⵔ ⴰⴼⵕⴻⵏⵙⵉⵙ-ⴰⵎⵖⴰⵔⴱⵉ ⴰⵢ ⴷ-ⵢⵓⵔⴰⵏ ⵓⵏⴳⴰⵍ ⵙ ⵜⵓⵜⵍⴰⵢⵜ ⵜⴰⴼⵕⴻⵏⵙⵉⵙⵜ.

ⴰⴷⵍⵉⵙ ⵏ « ⵓⵔ ⵙⵜⵓⴼⴰⵖ ⴰⵔⴰ ⴰⴷ ⵇⴻⵚⵚⵔⴻⵖ ⵢⵉⴷ-ⴽ » ⵢⴻⴼⴼⴻⵖ-ⴷ ⴷⴻⴳ 2015 ⴷⴻⴳ ⵜⴻⵥⵔⵉⴳⵉⵏ ⵏ ⵎⴰⵓⵛⵧⵏⴷⵓⵉⵜ, ⵢⴻⵔⵏⴰ ⴷ ⵡⴰ ⴰⵢ ⴷ ⴰⴷⵍⵉⵙ ⵡⵉⵙ ⵙⵉⵏ ⵏ ⴱⵔⴰⵀⵉⵎ ⵎⴻⵜⵉⴱⴰ. ⴷⴻⴳ ⵡⵓⵏⴳⴰⵍ-ⴰ, ⵎⴻⵜⵉⴱⴰ ⵢⴻⵃⴽⴰ-ⴷ ⵢⵉⵡⴻⵜ ⵏ ⵜⴻⵃⴽⴰⵢⵜ ⵏ ⵜⵉⴷⴻⵜ ⵖⴻⴼ ⴱⴰⴱⴰ-ⵙ ⴰⵢ ⴷ-ⵢⵓⵙⴰⵏ ⴰⴷ ⵢⴻⵔⵣⵓ ⴼⴻⵍⵍ-ⴰⵙ ⴷⴻⴳ ⴼⵕⴰⵏⵙⴰ, ⵙⴰⴽⴽⵉⵏ, ⵓⵇⴱⴻⵍ ⵎⴰ ⵢⵓⵖⴰⵍ ⵖⴻⵔ ⵍⴻⵣⵣⴰⵢⴻⵔ, ⵢⴻⴵⴵⴰ-ⴰⵙ-ⴷ ⴰⵜⵉⴽⵉ ⴷ ⵢⵉⵡⴻⵏ ⵏ ⵢⵉⵣⴻⵏ ⵖⴻⴼ ⵜⴷⴰⴱⵓⵜ (ⵟⴰⵡⵉⵍⴰ) ⴰⵏⴷⴰ ⴰⵢ ⴰⵙ-ⴷ-ⵢⵓⵔⴰ: « ⵓⵔ ⵙⵜⵓⴼⴰⵖ ⴰⵔⴰ ⴰⴷ ⵇⴻⵚⵚⵔⴻⵖ ⵢⵉⴷ-ⴽ ». ⴰⴷⵍⵉⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴻⵙⴽⴰⵔ, ⴷ ⴰⵏⴰⴷⵉ ⵖⴻⴼ ⵜⵓⵎⴰⵙⵜ ⵢⴻⵔⵏⴰ ⴷ ⵜⴰⵃⴽⴰⵢⵜ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵍⵇⴻⵍⵍⴰ ⵏ ⵡⴰⵡⴰⵍ ⴳⴰⵔ ⴱⴰⴱⴰ-ⵙ ⴷ ⵎⴻⵎⵎⵉ-ⵙ, ⵢⴻⵔⵏⴰ, ⵙ ⵜⵎⵓⵖⵍⵉ ⵜⴰⵡⴻⵙⵄⴰⵏⵜ, ⴷ ⵍⵇⴻⵍⵍⴰ ⴷⴰⵖ ⵏ ⵡⴰⵡⴰⵍ ⴳⴰⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ.

ⴱⵔⴰⵀⵉⵎ ⵎⴻⵜⵉⴱⴰ ⵉⵍⵓⵍ ⴷⴻⴳ ⵍⴻⵣⵣⴰⵢⴻⵔ ⵢⴻⵔⵏⴰ ⵢⴻⵙⵄⴰ, ⵉⵎⵉⵔ-ⴰ, 37 ⵏ ⵢⵉⵙⴻⴳⴳⴰⵙⴻⵏ. ⵢⴻⴷⴷⴰ ⵖⴻⵔ ⴼⵕⴰⵏⵙⴰ ⵖⴻⵔ 15 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⴰ ⴷⵉⵏ ⴰⵢ ⵜ-ⵎⴰⵣⴰⵍ ⵢⴻⴷⴷⴻⵔ. ⵓⵏⴳⴰⵍ-ⵏⵏⴻⵙ ⴰⵎⴻⵣⵡⴰⵔⵓ, « ⵏⴻⴽⴽ ⴷ ⵢⴻⵎⵎⴰ » (ⵜⵉⵥⵔⵉⴳⵉⵏ ⵏ ⵎⴰⵓⵛⵧⵏⴷⵓⵉⵜ, 2015) ⴷ ⵜⴰⵃⴽⴰⵢⵜ ⵏ ⵜⴰⵢⵔⵉ ⴰⵢⴷⴻⴳ ⵢⵓⵖⴰⵍ ⵡⴰⵡⴰⵍ ⴷ ⴰⵡⴻⵣⵖⵉ ⴳⴰⵔ ⵢⵉⵡⴻⵏ ⵏ ⵓⵇⵛⵉⵛ ⴷ ⵢⴻⵎⵎⴰ-ⵙ.