Asebter amenzawi

Ahlam Mosteghanemi d taselwayt n yiseɣ n Tfaska Tagraɣlant tis 11 n Usaru Agmuḍan n Geneve

GENEVE – Tettwafren tneggalt (katiba riwa’iyya) Ahlam Mosteghanemi d taselwayt n yiseɣ deg teẓrigt tis 11 n Tfaska Tagraɣlant n Usaru Agmuḍan (carqi) (FIFOG) n Geneve ad d-yilin gar 11 d 17 Yebrir n 2016 deg Geneve, Lausanne (Sswis), ɣef wakken ay d-nnan deg udeg unṣib n tfaska-a.

Nnan-d yimsuddsen (munaḍḍimin) d akken Mosteghanemi tettwafren-d imi ay tesɛa « tazrirt (ta’tir) deg umaḍal ineslem » yerna d tamarut « mechuṛen deg Ugmuḍ (carq) ».

Taẓrigt n 2016 n Tfaska-a tella-d s usentel n « Tlelli d ussikel », yerna tettili-d d ttiɛad n ssinima ay d-yettuɣalen yal aseggas i lmend n usmal n tenḍa d udiwenni (ḥiwar) gar yidelsan. Tafaska-a sɛeddayen-d deg-s isura seg yal ṣṣenf yerna ḥeddṛen deg-s yinebgawen ama n tmura n Ugmuḍ, ama n tmura n Utaram (ɣarb).

Menɣir Geneve d Lausanne, Tafaska-a ad terzu daɣ ɣef wazal n 20 n temdinin niḍen n temnaḍin tifṛensiswalin n Sswis d Fṛansa.

Taseqqamut n usnefru (taḥkim) ad ilin deg-s 5 n yimaslaḍen (aɛḍa’) yerna ad tefk Arraz n FIFOG n Wureɣ d win n uẓref i yisura imxeyyren n tfaska-a.

Menɣir asɛeddi n yisura, tafaska-a ad d-ilin deg-s daɣ yisaragen, iskasiyen, tizikknin d tnemsal (waracat) n ussileɣ (takwin) deg usliẓri.

Deg tfaska n FIFOG n 2015, frurin-d sin n yisura idzayriyen, yerna wi d « L’Oranais » (Awehṛani, 2014) n Lyes Salem, yewwin « Arraz Uzzig » n Jury-Metrage, d « Cinema Chkoupi » (2013) n Bahia Allouache, yewwin arraz n « Une certaine image ».

Ilindi, 9 n yisura idzayriyen ay yettekkan deg umsizwer n tfaska-a.