Asebter amenzawi

Askasi di Wahṛan ɣef usnerni n wazal n Yennayer

WAHṚAN- Yiwen n wass azerwan ɣef usentel n "usemɣeṛ n tmaɣṛa n Yennayer" ad tettwasuddes, ass n ssebt di Wahṛan, sɣuṛ aseqqamu unnig n timmuzɣa akken ad d-heggin tagnitt iwatan i wezraw n usettef aɣelnaw n tmaɣṛa-yagi d-yettilin almend n useggas amaynut amaziɣ.

Ugar useqqamu unnig n timmuzɣa, timlilit-agi tettwaheggi daɣen akk d weɣlif usegmi aɣelnaw akk d weɣlif n Yedles, s lemɛiwna akk d wammas unadi asenzikan anmettan adelsan (CRASC) yellan di Wahṛan akk d wammas unadi asenẓarmezruyan asenzikan d umazrayan (CNRPAH).

Lecɣal n temlilit-agi ara d-yessemlillen imnadiyen imusnawen akk d imassanen di tsenmettant, di tsezikant akk d imazrayen ad d-ilin di snat n trebbuyaɛ.

Asentel amezwaru "Seg usurrif usettef "ad yili d tagnitt i waṭaṣ ara d-yemmeslayen ɣef yiberdan d tmuɣliwin iwatan ara yessiwḍen s asettef ugerruj-agi .

Ger wid ara d-yemmeslayen yella Mourad Mahmoudi, amaray amatu n tseqqamutt tazzayrit i usegmi d Yedles di Unesco neɣ Slimane Hachi, Anemhal n CNRPAH yellan deffir usettef n waṭaṣ ikaramen yerzan agerruj aɣelnaw.

Lawan n beddu n tmesbaniyin n Yennayer yezrin di Lezzayer, amaray amatu n useqqamu unnig n timmuzɣa, Si El Hachemi Assad, ibder-d tikti usettef-agi n useggas amaynut amaziɣ.