ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⵛⵉⴼⵓⴳⵜ ⵏ ⵜⵙⴻⴷⵏⴰⵏ ⵉ ⵓⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ: ⵍⴻⵣⵣⴰⵢⴻⵔ ⵜⴻⴼⴼⴻⵖ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ

ⵢⴰⵧⵓⵏⴷⴻ – ⵜⴻⵅⵚⴻⵔ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴼⵓⴳⵜ ⵏ ⵜⵙⴻⴷⵏⴰⵏ ⵎⴳⴰⵍ ⴽⴰⵎⵔⵓⵏ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴻⵍⵖⵓⵖⴰ ⵏ ⵓⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016, ⴷⴻⴳ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⵢⴰⵧⵓⵏⴷⴻ (ⴽⴰⵎⵔⵓⵏ) ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ, ⵙ 3 ⵏ ⵢⵉⵃⵔⵉⵛⴻⵏ ⵖⴻⵔ 0.

ⵜⵉⵎⴰⵔⵉⵔⵉⵏ ⵜⵉⴷⵣⴰⵢⵔⵉⵢⵉⵏ ⵓⵔ ⵙⵙⴰⵡⴹⴻⵏⵜ ⴰⵔⴰ ⴰⴷ ⵔⵏⵓⵏⵜ ⵜⵉⵅⵚⵉⵎⵉⵏ-ⵏⵙⴻⵏⵜ ⵜⵉⴽⴰⵎⵔⵓⵏⵉⵢⵉⵏ ⴰⵢ ⵢⵓⵖⴰⵍⴻⵏ ⵥⴻⵡⵔⴻⵏⵜ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵢⴻⵔⵏⴰ ⵜⴼⵓⴽ ⵜⴻⵎⵍⵉⵍⵉⵜ ⵙ ⵔⵔⴱⴻⵃ ⵏ ⵜⴽⴰⵎⵔⵓⵏⵉⵢⵉⵏ ⴷⴻⴳ 3 ⵏ ⵢⵉⵃⵔⵉⵛⴻⵏ ⵙ 25-20, 25-17 ⴷ 25-17.

ⵙ ⵡⴰⵢⴰ, ⵜⵉⵎⵍⵉⵍⵉⵜ ⵏ ⵜⵏⴻⴳⴳⴰⵔⵓⵜ ⴰⴷ ⴷ-ⵜⵉⵍⵉ ⴳⴰⵔ ⴽⴰⵎⵔⵓⵏ ⴷ ⵎⴰⵚⴻⵔ ⴰⵙⵙ ⵏ ⵜⵜⵍⴰⵜⴰ.

ⵎⴰ ⴷ ⵜⵉⴷⵣⴰⵢⵔⵉⵢⵉⵏ ⴰⴷ ⵓⵔⴰⵔⴻⵏⵜ, ⴰⵙⵙ ⵏ ⵜⵜⵍⴰⵜⴰ, ⵜⵉⵎⵍⵉⵍⵉⵜ ⵏ ⵓⵙⴻⵜⵜⴻⴼ ⵉ ⵓⵎⴽⴰⵏ ⵡⵉⵙ 3 ⵎⴳⴰⵍ ⴽⴻⵏⵢⴰ ⴰⵢ ⵢⴻⵔⵏⴰⵏ ⵢⴰⴳⵉ ⵍⴻⵣⵣⴰⵢⴻⵔ ⴷⴻⴳ ⵜⵏⴻⴳⴳⴰⵔⵓⵜ ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2015 ⴷⴻⴳ ⵏⴰⵉⵔⵧⴱⵉ (ⵙ 3 ⵏ ⵢⵉⵃⵔⵉⵛⴻⵏ ⵖⴻⵔ 0).

ⵜⴰⵎⵓⵔⵜ ⴰⴷ ⵉⵔⴻⴱⵃⴻⵏ ⴷⴻⴳ ⵜⴻⵍⵖⵓⵖⴰ-ⴰ ⵏ ⵓⵄⴻⴷⴷⵉ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⴷⴻ ⵊⴰⵏⴻⵉⵔⵧ, ⵎⴰ ⴷ ⵜⵉⵙ ⵙⵏⴰⵜ ⴷ ⵜⵉⵙ 3 ⴰⴷ ⵓⵔⴰⵔⴻⵏⵜ ⴷⴻⴳ ⵜⴻⵍⵖⵓⵖⴰ ⵏⵉⴹⴻⵏ ⵏ ⵓⵄⴻⴷⴷⵉ ⴰⴷ ⴷ-ⵢⵉⵍⵉⵏ ⴳⴰⵔ ⵜⵎⵓⵔⴰ ⵏ ⵢⵉⵎⴻⵏⵥⴰⵡⴻⵏ (ⵇⴰⵔⵔⴰⵜ) ⵢⴻⵎⴳⴻⵔⵔⴰⴷⴻⵏ.