Asebter amenzawi

Slimani gar 10 n yimsiswiyen imxeyyren n Tuṛuft

LEZZAYER TAMANEɣT - Yers-d umarir agraɣlan adzayri, Islam Slimani, gar 10 n yimsiswiyen imxeyyren akk n telɣuɣiwin tuṛufiyin n tcirt n uḍar.

Deg temlilit-nnes taneggarut aydeg terbeḥ teɣlamt-nnes n Sporting Lisbun mgal Nacional Madeira (deg telɣuɣa n Puṛtugal), yessadef Slimani 2 n yiswan, yerna d ta ay d timlilit-nnes tis 4 aydeg ad yeg aya deg tsemhuyt-a (mawsim). S waya, yewweḍ ugmuḍ-nnes n yiswan ɣer 18 deg tsemhuyt-a.

Seg yidis-nnes, Suarez yesɛan 23 n yiswan, yusa-d deg umkan wis 2, yerna yugar-it Uṛjentini Gonzalo Higuan ala s yiwen n yiswi (24).

Suarez yecrek amkan-nnes d umenṭag abrizili n Benfica (Puṛtugal), Jonas Jonsavic, deg wakud aydeg Apuṛtugali Cristiano (Real Madrid) yeḍḍef amkan wis 4 s 21 n yiswan, ɣer yidis n umenṭag apuluni n Bayern Munich, Robert Livandovski.

Deffir yimariren-a, ad d-yas Ugabuni n Dortmund, Emric Obamyang (20 n yisewan) d Karim Benzema (Real Madrid) d Jimy Vardi (Leicester City) s 19 n yiswan i yiwan.