ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵔⵔⵉⴳ (ⵍⴳⴰⵣ) : ⵍⴻⵣⵣⴰⵢⴻⵔ ⵜⴻⴼⴽⴰ ⴰⵣⴰⵍ ⵉ ⵓⵎⴻⵏⵣⴰⵢ ⵏ ⴱⴻⴹⴹⵓ ⵏ ⵢⵉⵎⵉⵀⵉⵜⴻⵏ ⴳⴰⵔ ⵓⵏⴼⴰⵔⴰⵙ ⴰⴽⴽⴻⴷ ⵓⵎⵙⵓⴷⴻⵔ (ⴽⵀⴻⴱⵔⵉ)
ⵍⴻⵣⵣⴰⵢⴻⵔ - ⵍⴻⵣⵣⴰⵢⴻⵔ ⵜⴻⵣⴳⴰ ⵜⴻⵟⵟⴻⴼ ⴷⴻⴳ ⵓⵎⴻⵏⵣⴰⵢ ⵏ ⴱⴻⴹⴹⵓ ⵏ ⵢⵉⵎⵉⵀⵉⵜⴻⵏ ⴳⴰⵔ ⵓⵏⴼⴰⵔⴰⵙ ⴰⴽⴽⴻⴷ ⵓⵎⵙⵓⴷⴻⵔ, ⴰⴽⴽⴻⵏ ⴰⴷ ⵜⵉⵍⵉ ⵜⵏⴻⴼⵍⵉⵜ ⵜⵓⵎⵎⵉⴷⵜ ⵏ ⵜⴻⵎⴳⵓⵔⵉ ⵏ ⵡⵓⵔⵔⵉⴳ (ⵍⴳⴰⵣ) ⴰⴽⴽⴻⴷ ⵓⵎⴻⵏⵣⴰⵢ ⵏ ⵓⵎⵜⴰⵡⵉ ⵏ ⵓⵣⴰⵍ-ⵉⵙ ⴰⴽⴽⴻⴷ ⵡⵉⵏ ⵏ ⵓⵒⵉⵟⵔⵓⵍ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⵜⴰⵡⴰⵢⴻⵏ ⵖⴻⵣⵣⵉⴼⴻⵏ ⴷⴻⴳ ⵓⴽⵓⴷ, ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⴻⵥⵡⴻⵔ, ⵙⴰⵍⴰⵀ ⴽⵀⴻⴱⵔⵉ.
‘’ⴰⵏⴼⴰⵔⴰⵙ ⴰⴽⴽⴻⴷ ⵓⵎⵙⵓⴷⴻⵔ (ⵏ ⵡⵓⵔⵔⵉⴳ) ⵢⴻⵙⵙⴻⴼⴽ ⴼⴻⵍⵍ-ⴰⵙⴻⵏ ⴰⴷ ⴽⴻⵎⵍⴻⵏ ⴷⴻⴳ ⴱⴻⴹⴹⵓ ⵏ ⵓⵎⵉⵀⵉ ⵉ ⵣⴻⵎⵔⴻⵏ ⴰⴷ ⵢⵉⵍⵉ ⴰⴽⴽⴻⴷ ⵓⴳⵣⴰⵢ ⴰⴽⴽⴻⵏ ⴰⴷ ⵜⵉⵍⵉ ⵜⵏⴻⴼⵍⵉⵜ ⵜⵓⵎⵎⵉⴷⵜ ⵏ ⵜⴻⵎⴳⵓⵔⵉ’’, ⵉ ⴷ-ⵢⴻⵏⵏⴰ ⵎⴰⵙⵙ ⴽⵀⴻⴱⵔⵉ ⴷⴻⴳ ⵢⵉⵏⴰⵡ-ⵉⵙ ⴷⴻⴳ ⵜⴻⵎⵍⵉⵍⵉⵜ ⵜⵉⵙ 5 ⵏ ⵜⵉⴷⴷⵓⴽⵍⴰ ⵜⴰⵣⵣⴰⵢⵔⵉⵜ ⵏ ⵜⴻⵎⴳⵓⵔⵉ ⵏ ⵡⵓⵔⵔⵉⴳ (ⴰⵉⴳ), ⵉ ⴷ-ⵢⴻⴹⵔⴰⵏ ⴰⵙⵙ ⵏ ⵜⵜⵍⴰⵜⴰ ⴰⴽⴽⴻⴷ ⵍⴰⵔⴻⴱⵄⴰ ⴷⴻⴳ ⵜⵎⴰⵏⴻⵖⵜ, ⵙ ⵜⵉⵍⵉⵏ ⵏ ⵢⵉⴳⴻⵏⵙⴰⵙⴻⵏ ⵏ ⵜⴻⵕⵎⵉⵙⵉⵏ ⵜⵉⵖⴻⵍⵏⴰⵡⵉⵏ ⴰⴽⴽⴻⴷ ⵜⴱⴻⵕⵕⴰⵏⵉⵢⵉⵏ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵓⵃⵔⵉⵛ-ⴰ ⴰⴽⴽⴻⴷ ⵢⵉⵎⴰⵣⵣⴰⴳⴻⵏ.
ⵉ ⵍⵎⴻⴷ ⵏ ⵡⴰⵢⴰ, ⵢⴻⵎⵎⴻⵙⵍⴰⵢ-ⴷ ⴷⴰⵖ ⵖⴻⴼ ⵓⵣⴰⵍ ⵢⵓⴷⵔⴻⵏ ⵢⴻⵍⵍⴰⵏ ⵜⵓⵔⴰ ⴷⴻⴳ ⵡⵓⵍⵣⵓⵣ ⴰⴳⵔⴰⵖⵍⴰⵏ ⵏ ⵓⵒⵉⵟⵔⵓⵍ ‘’ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⴰⵖ-ⵢⴻⵙⵙⴻⴽⵛⴻⵎ ⵛⵛⴻⴽ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵚⵍⴰⵃ ⵢⴻⵚⵍⴻⵏ ⵓⵎⵜⴰⵡⴰ ⴰⵖⴻⵣⴼⴰⵏ ⴷⴻⴳ ⵓⴽⵓⴷ ⴰⴽⴽⴻⴷ ⵓⵙⴻⵎⵙⴰⵡⵉ ⵏ ⵓⵣⴰⵍ ⵏ ⵡⵓⵔⵔⵉⴳ ⵖⴻⴼ ⵡⵉⵏ ⵏ ⵓⵒⵉⵟⵔⵓⵍ’’.
