Asebter amenzawi

Urrig (lgaz) : Lezzayer tefka azal i umenzay n beḍḍu n yimihiten gar unfaras akked umsuder (Khebri)

LEZZAYER - Lezzayer tezga teṭṭef deg umenzay n beḍḍu n yimihiten gar unfaras akked umsuder, akken ad tili tneflit tummidt n temguri n wurrig (lgaz) akked umenzay n umtawi n uzal-is akked win n upiṭrul deg wayen yerzan imtawayen ɣezzifen deg ukud, i d-yenna uneɣlaf n Teẓwer, Salah Khebri.

‘’Anfaras akked umsuder (n wurrig) yessefk fell-asen ad kemlen deg beḍḍu n umihi i zemren ad yili akked ugzay akken ad tili tneflit tummidt n temguri’’, i d-yenna Mass Khebri deg yinaw-is deg temlilit tis 5 n Tiddukla tazzayrit n temguri n wurrig (AIG), i d-yeḍran ass n ttlata akked larebɛa deg tmaneɣt, s tilin n yigensasen n teṛmisin tiɣelnawin akked tbeṛṛaniyin yettmahalen deg uḥric-a akked yimazzagen.

I lmed n waya, yemmeslay-d daɣ ɣef uzal yudren yellan tura deg wulzuz agraɣlan n upiṭrul ‘’ur yessefk ara ad aɣ-yessekcem ccek deg wayen yerzan aṣlaḥ yeṣlen umtawa aɣezfan deg ukud akked usemsawi n uzal n wurrig ɣef win n upiṭrul’’.