ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵍⵍⵉⵣⵉ: 7 ⵏ ⵢⵉⵎⴻⵜⵜⴰⵏⴻⵏ ⴷ 7 ⵏ ⵢⵉⵎⴻⵊⵔⴰⵃ ⴷⴻⴳ ⵓⵙⴻⵀⵡⵓ ⵏ ⵓⴱⵔⵉⴷ ⵙⴷⴰⵜ ⵉⵏ ⴰⵎⴻⵏⵏⴰⵙ

ⵉⵍⵍⵉⵣⵉ – 7 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⵊⴻⵔⵃⴻⵏ 7 ⵏⵉⴹⴻⵏ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵓⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵢⵉⴹ ⴷⴻⴳ ⵡⴰⴽⴰⵍ ⵏ ⵜⵖⵉⵡⴰⵏⵜ ⵏ ⵉⵏ ⴰⵎⴻⵏⵏⴰⵙ (ⵉⵍⵍⵉⵣⵉ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ ⴰⵙⵙ ⵏ ⵍⴰⵕⴻⴱⵄⴰ.

ⵢⴻⵍⵍⴰ-ⴷ ⵓⵙⴻⵀⵡⵓ-ⴰ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵡⵉⵙ 3, 25 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵉⵏ ⴰⵎⴻⵏⵏⴰⵙ, ⴷⴻⴳ ⵓⴱⵔⵉⴷ ⵢⴻⵜⵜⴰⵡⵉⵏ ⵖⴻⵔ ⵓⵀⴰⵏⴻⵜ. ⴷⴻⴳ ⵓⵙⴻⵀⵡⵓ-ⴰ, ⴷ ⵙⵏⴰⵜ ⵏ ⵜⴽⴻⵕⵕⵓⵙⵉⵏ ⵜⵉⴼⴻⵙⵙⴰⵙⵉⵏ ⴰⵢ ⵢⴻⵎⵢⴻⵡⵡⴰⵜⴻⵏ ⵓⴷⴻⵎ ⵙ ⵓⴷⴻⵎ. 6 ⵏ ⵢⵉⵎⴷⴰⵏⴻⵏ ⵎⵎⵓⵜⴻⵏ ⵉⵎⵉⵔ-ⵏⵏⵉ ⴽⴰⵏ, ⵎⴰ ⴷ ⵡⵉⵙ 7 ⵢⴻⵎⵎⵓⵜ ⴰⵙⵙ ⵏ ⵍⴰⵕⴻⴱⵄⴰ ⵜⴰⵚⴻⴱⵃⵉⵜ ⵙⴻⴳ ⵍⴻⵊⵔⵓⵃ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⵜⵉⴼⴻⴽⴽⵉⵡⵉⵏ ⵏ ⵜⴻⵖⵜⴰⵙ (ⴹⴰⵃⴰⵢⴰ) ⴰⵜⴻⵏⵜⵉ ⴷⴻⴳ ⵓⵙⴱⵉⵟⴰⵔ ⴰⵏⴰⴳⴷⵓⴷ ⵏ ⵉⵏ ⴰⵎⴻⵏⵏⴰⵙ ⴰⵏⴷⴰ ⴰⵢ ⵍⵍⴰⵏ ⴷⴰⵖ ⵢⵉⵎⴻⵊⵔⴰⵃ, ⵖⴻⴼ ⵍⴻⵃⵙⴰⴱ ⵏ ⵓⵃⵓⴷⴷⵓ ⴰⵖⴰⵔⵉⵎ.

ⵎⴰ ⴷ ⵜⴰⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⵜⴻⵔⵥⴻⵎ ⵜⴰⵙⴻⵙⵜⴰⵏⵜ (ⵜⴰⵃⵇⵉⵇ) ⴰⴽⴽⴻⵏ ⴰⴷ ⵜⵥⴻⵔ ⴷ ⴰⵛⵓ ⴰⵢ ⴷ ⵙⵙⴻⴱⴱⴰ ⵏ ⵓⵙⴻⵀⵡⵓ-ⴰ.