Asebter amenzawi

Illizi: 7 n yimettanen d 7 n yimejraḥ deg usehwu n ubrid sdat In Amennas

ILLIZI – 7 n yimdanen ay yemmuten yerna jerḥen 7 niḍen deg yiwen n usehwu n ubrid ay d-yellan ass n ttlata deg yiḍ deg wakal n tɣiwant n In Amennas (Illizi), ɣef wakken ay d-yenna Uḥuddu Aɣarim ass n laṛebɛa.

Yella-d usehwu-a deg ubrid aɣelnaw wis 3, 25 n yikilumitren ɣef In Amennas, deg ubrid yettawin ɣer Uhanet. Deg usehwu-a, d snat n tkeṛṛusin tifessasin ay yemyewwaten udem s udem. 6 n yimdanen mmuten imir-nni kan, ma d wis 7 yemmut ass n laṛebɛa taṣebḥit seg lejruḥ-nnes, ɣef wakken ay aɣ-d-nnan.

Tifekkiwin n teɣtas (ḍaḥaya) atenti deg usbiṭar anagdud n In Amennas anda ay llan daɣ yimejraḥ, ɣef leḥsab n Uḥuddu Aɣarim.

Ma d tamsetla (darak) taɣelnawt terẓem tasestant (taḥqiq) akken ad tẓer d acu ay d ssebba n usehwu-a.