ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⴷⴷⵓ ⵏ ⵓⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⵉ ⵓⵚⴻⴳⴳⴻⵎ ⵏ ⵢⵉⵖⵔⴻⵎ ⵏ ⵡⴰⵔⴻⴳⵍⴰ (ⵜⵉⴷⴷⵓⴽⵍⴰ)

ⵡⴰⵔⴻⴳⵍⴰ – ⵢⴻⴱⴷⴰ ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵚⵚⴻⵏⵄⴰ ⵏ ⵓⵚⴻⴳⴳⴻⵎ ⵏ ⵢⵉⵖⴻⵔⵎⴰⵏ ⴷⴻⴳ ⵡⴰⵔⴻⴳⵍⴰ ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵢⵉⵖⵔⴻⵎ ⴰⵇⴱⵓⵔ ⵏ ⵡⴰⵔⴻⴳⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵉⴷⴷⵓⴽⵍⴰ ⵏ ⵢⵉⵖⵔⴻⵎ-ⴰ.

ⴰⵙⵙⵉⵍⴻⵖ-ⴰ ⵢⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ ⵡⴰⵀⵉⵍ ⵏ ⵓⴷⵀⴰⵍ (ⴷⴰⵄⵎ) ⵏ ⵓⵃⵓⴷⴷⵓ ⴷ ⵓⵇⴻⵢⵢⴻⵎ ⵏ ⵜⴳⴻⵎⵎⵉ (ⵜⵓⵔⴰⵜ) ⴰⴷⴻⵍⵙⴰⵏ ⵏ ⵍⴷⵣⴰⵢⴻⵔ, ⴰⵢ ⴷ-ⵢⴻⴱⴷⴰ ⵓⵖⵍⵉⴼ ⵏ ⵢⵉⴷⵍⴻⵙ ⵙ ⵍⴻⵎⵄⴰⵡⵏⴰ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴰⵣⴰⵍ ⵏ 40 ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵓⵙⵙⵉⵍⴻⵖ-ⴰ ⴰⵢⴷⴻⴳ ⴰⴷ ⴷ-ⵍⴻⵎⴷⴻⵏ ⵜⵜⴻⵊⵕⵉⴱⴰ ⵜⴰⵇⴱⵓⵔⵜ ⵏ ⵍⴻⴱⵏⵉ ⴷ ⵡⴰⵎⴻⴽ ⴰⴷ ⴷ-ⵅⴻⴷⴷⵎⴻⵏ ⵜⵉⵏⴻⴳⵡⴰ ⵏ ⵍⴻⴱⵏⵉ ⵜⵉⵇⴱⵓⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵏ ⵢⵉⵖⵔⴻⵎ ⴰⵇⴱⵓⵔ ⵏ ⵡⴰⵔⴻⴳⵍⴰ, ⵀⴰⵙⵙⴻⵏ ⴱⵧⵓⴳⵀⴰⴱⴰ.

ⴰⵙⵙⵉⵍⴻⵖ-ⴰ ⴰⴷ ⵢⴻⵟⵟⴻⴼ 18 ⵏ ⵡⴰⵢⵢⵓⵔⴻⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵖⴻⴼ 3 ⵏ ⵢⵉⵃⵔⵉⵛⴻⵏ. ⴰⵎⴻⵣⵡⴰⵔⵓ ⴷ ⴰⵙⵃⵓⵍⴼⵓ ⴷ ⵓⵡⴻⵀⵀⵉ ⵏ ⵢⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵜ-ⴰ ⴰⴽⴽⴻⵏ ⴰⴷ ⵙⵙⴻⵇⴷⴰⵛⴻⵏ ⵜⵉⵏⴻⴳⵡⴰ ⵏ ⵍⴻⴱⵏⵉ ⴰⵢ ⴷ-ⵢⴻⵜⵜⵡⴰⵅⴷⴰⵎⴻⵏ ⴷⵉⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵜⴻⵎⵍⵉⵍⵉⵢⵉⵏ, ⵜⵉⵙⴰⵔⴰⴳⴻⵏ ⴷ ⵜⵓⴼⴼⵖⵉⵡⵉⵏ ⵖⴻⵔ ⵓⵏⵔⴰⵔ (6 ⵏ ⵡⴰⵢⵢⵓⵔⴻⵏ), ⴰⴽⴽⴻⵏ ⴰⴷ ⴰⵙⴻⵏ-ⴷ-ⵙⵙⴻⴽⵏⴻⵏ ⵉ ⵎⴻⴷⴷⴻⵏ ⴷ ⴰⴽⴽⴻⵏ ⴰⵇⴻⵢⵢⴻⵎ ⴷ ⵓⵚⴻⴳⴳⴻⵎ ⵏ ⵜⴳⴻⵎⵎⵉ-ⴰ ⵜⴰⴷⴻⵍⵙⴰⵏⵜ ⵢⴻⵙⵄⴰ ⴰⵣⴰⵍ.

ⴰⵃⵔⵉⵛ ⵡⵉⵙ ⵙⵉⵏ ⴷ ⴰⵀⴻⵢⵢⵉ ⵏ ⵡⴰⵀⵉⵍ ⵏ ⵓⵙⵙⵉⵍⴻⵖ ⵙ ⵓⵎⵄⴰⵡⴻⵏ ⴷ ⵢⵉⵎⴰⵡⵍⴰⵏ ⵏ ⵚⵚⴻⵏⵄⴰ, ⴳⴰⵔ-ⴰⵙⴻⵏ ⵓⵍⴰ ⴷ ⵉⵙⴷⴰⵡⴰⵏⴻⵏ (ⴵⴰⵎⵉⵄⵉⵢⵢⵉⵏ).

ⵎⴰ ⴷ ⴰⵃⵔⵉⵛ ⵡⵉⵙ 3 ⴷ ⵜⵉⵣⵔⴰⵡⵉⵏ (ⴷⵉⵔⴰⵙⴰⵜ) ⵉ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⵉⵍⴻⵖ ⴷ ⵜⵓⴼⴼⵖⴰ ⵖⴻⵔ ⵓⵏⵔⴰⵔ ⴰⴽⴽⴻⵏ ⴰⴷ ⵙⴼⴻⵄⵍⴻⵏ ⴰⵢⴻⵏ ⴰⴷ ⴷ-ⵍⴻⵎⴷⴻⵏ.

ⴰⵙⵙⵉⵍⴻⵖ-ⴰ ⴰⴷ ⵢⴻⵟⵟⴻⴼ, ⵙ ⵓⵊⴻⵎⵎⴰⵍ, 9 ⵏ ⵡⴰⵢⵢⵓⵔⴻⵏ ⵢⴻⵔⵏⴰ ⴰⴷ ⴷ-ⵢⵉⵍⵉ ⵙ ⵓⵎⵄⴰⵡⴻⵏ ⴷ ⵢⵉⵖⴻⵔⴱⴰⵣⴻⵏ ⵏ ⵚⵚⴻⵏⵄⴰ. ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⴷⴻⴳ-ⵙ ⴰⴷ ⴷ-ⴰⵡⵉⵏ ⴰⴳⴻⵔⴷⴰⵙ ⵏ ⵍⵍⵙⴰⵙ ⴷⴻⴳ ⵍⴻⴱⵏⵉ ⴰⵎⴻⵏⵙⴰⵢ (ⵜⴰⵇⵍⵉⴷⵉ) ⴷ ⵜⵏⴻⴳⵡⴰ ⵏ ⵍⴻⴱⵏⵉ ⵜⵉⴷⵉⴳⴰⵏⵉⵏ (ⵎⴰⵃⴰⵍⵉⵢⵢⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴳⵀⴰⴱⴰ.