Asebter amenzawi

Talɣuɣa Tagrakalant tis 13 n tcirfust (ddaw 19): Lezzayer teggra ɣer deffir

TASKENDRIT – D taɣlamt tamaṣrit n tcirfust (ddaw 19) ay d-yefrurin deg telɣuɣa tagrakalant ay la d-yettilin deg Teskendrit, deg tgara n wass wis 3 n wurar.

Deg temlilit-nnes tamezwarut, terna Maṣer taɣlamt taṭerkit s 24 ɣer 18, sakkin terna Tunes s 19 ɣer 14 uqbel ma terna Luṛdun s 44 ɣer 9.

Seg yidis-nnes, taɣlamt tadzayrit terna taxṣimt-nnes tuṛdunit s 21 ɣer 11, maca texṣer mgal Tgelda Tasaɛudit s 24 ɣer 21, am wakken ay terna texṣer mgal Tunes s 27 ɣer 15. Taswiɛt-a, Lezzayer attan d tis 4 s 3 n tenqiḍin.

Lezzayer ad d-tuɣal ɣer wurar ass n lexmis deg temlilit mgal Maṣer (ɣef s12:00 n wass) d Ṭṭerk (ɣef s5:30 n tmeddit).

Taẓrigt-a (ṭabɛa) tis 13 n Telɣuɣa Tagrakalant n tcirfust n ddaw 19 n yiseggasen la d-tettili gar 15 d 29 Fuṛaṛ deg Teskendrit, yerna ttekkant deg-s 6 n tmura, nitenti d Maṣer (tamurt timsuddest), Lezzayer, Luṛdun, Tagelda Tasaɛudit, Ṭṭerk d Tunes.

Tuzzya tamezwarut d tin n tkemmucin, yerna ad ɛeddint deg-s 6 n teɣlamin ɣer tuzzya tis snat.

Deg tuzzya tamezwarut, timliliyin n uɛeddi ɣezzifit 45 n tedqiqin (3 n yiḥricen n 15 n tedqiqin). Ma d taneggarut ad d-tili deg 60 n tedqiqin (3 n yiḥricen n 20 n tedqiqin).

Ahil n wass n lexmis, 18 Fuṛaṛ (akud n Lezzayer):

       s9:00 : Ṭṭerk - Tunes

       s10:30 : Tagelda Tasaɛudit – Luṛdun

       s12:00 : Maṣer - Lezzayer

       s4s00 : Luṛdun - Tunes

       s5:30 : Lezzayer - Ṭṭerk

       s7s00 : Tagelda Tasaɛudit – Maṣer

Asettef : Tinqiḍin Ass

1- Maṣer 9 3

2- Ṭṭerk 6 3

-- Tunes 6 3

4- Lezzayer 3 3

5- Tagelda Tasaɛudit 3 3

6- Luṛdun 0 3