Asebter amenzawi

Amagger n wecqiṛṛew n temnaḍt n tmazɣa “d asurrif yemmezdin iwatan”

LEZZAYER TAMANAɣT- Aselway n Tegduda Mas Abdelaziz Bouteflika iwekked-d deg yiwen n yizen i uselway atunsi Beji Caid Essebsi almend n wesmekti wis 27 n wesbeddi n tdukkli tamaɣribit taɛṛabt (UMA) belli tlaq tigawt "tucrikt" yersen ɣef usurrif "yemmezdin iwatan" d ayen ilaqen akken ad nqabel iɣeblan akk d wecqiṛṛew yerǧan tamnaḍt-nneɣ.

"d tagnitt iwatan, di lawan-agi deg a d-nettmekti amulli wis 27 n wesbeddi n tiddukkla tamaɣribit taɛṛabt UMA, akken awen-d-azneɣ s yisem n weɣṛef azzayri akk d unabaḍ azzayri akk d yisem-iw, tisnemmar-iw tiḥmayanin d usirem seg Sidi Ṛebbi akken awen-ibudd ugar n wesnerni d gemmu i wegdud atunsi", I yura uselway Bouteflika deg yizen-ines.

"Ad faṛṣeɣ tagnitt-agi anda d-ttuwekkdent tektiwin n yiɣeṛfan imaɣribiyen i tegmatt d tdukkli, akken awen-d-alseɣ i lebɣi iǧahden n Lezzayer akken ad tkemmel asurrif n tigawt-agi tucrikt d tmura timaɣribiyin akken ad nessiweḍ ɣer lebni n usenfar-agi amazray", I yenna umḍebbeṛ n ddewla.