ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⴻⵔⵔⵓ ⵏ ⵜⴻⵣⵖⵉⵏⵜ ⵜⴰⵍⵉⴱⵉⵜ : ⴽⵧⴱⵍⴻⵔ ⵉⵣⵓⵍ ‘’ⵜⴰⵍⵍⴰⵍⵜ ⵜⵉⵎⴻⵣⴳⵉⵜ’’ ⵏ ⵍⴻⵣⵣⴰⵢⴻⵔ ⵉ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ (ⵧⵏⵓ)

ⵍⴻⵣⵣⴰⵢⴻⵔ – ⴰⵎⴳⴻⵏⵙⴰⵙ ⴰⵎⵓⵣⴳⴰⵏ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ (ⵧⵏⵓ) ⵉ ⵍⵉⴱⵢⴰ, ⴰⵖⴻⵍⵍⴰ ⵏ ⵜⵓⵖⴷⴰⴹⵜ ⵏ ⵜⴰⵍⵍⴰⵍⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵍⵉⴱⵢⴰ (ⵎⴰⵏⵓⵍ), ⵎⴰⵔⵜⵉⵏ ⴽⵧⴱⵍⴻⵔ, ⵉⵣⵓⵍ‘’ⵜⴰⵍⵍⴰⵍⵜ ⵜⵉⵎⴻⵣⴳⵉⵜ’’ ⵏ ⵍⴻⵣⵣⴰⵢⴻⵔ ⵖⴻⴼ ⵍⵎⴻⴵⵀⵓⴷ ⵏ ⵓⵙⵉⵙⵀⴻⵍ ⵏ ⵜⴻⴱⴷⴰⵎⵎⴰⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⴷⴻⴳ ⵍⵉⴱⵢⴰ.

ⴷⴻⴳ ⵢⵉⵡⴻⵜ ⵏ ⵜⴻⴱⵔⴰⵜ ⵉ ⵢⵓⵣⴻⵏ ⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵎⴰⵙⵙ ⴽⵧⴱⵍⴻⵔ ⵢⴻⵔⵏⴰ ⵉⵣⵓⵍ ⵜⴰⵎⵍⵉⵍⵜ (ⴷⴷⵓⵔ) ⵏ ⵍⴻⵣⵣⴰⵢⴻⵔ ⴷⴻⴳ ⵓⵏⴰⴷⵉ ⵏ ⵢⵉⵡⴻⵜ ⵏ ⵜⵉⴼⵔⴰⵜ ⵉ ⵢⴻⵣⵣⴻⵡⵔⴻⵏ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ ⴰⴽⴽⴻⴷ ⵓⵔⴽⴰⴷ ⵏ ⵍⵉⴱⵢⴰ.

ⴷⴻⴳ ⵜⴻⴱⵔⴰⵜ-ⵏⵏⵉ, ⴰⵎⴳⴻⵏⵙⴰⵙ ⵏ ⵜⵓⴷⴷⵙⴰ ⵢⴻⵏⵏⴰ-ⴷ ⴱⴻⵍⵍⵉ ‘’ⵢⴻⵙⴼⴰⵢⴷⵉ-ⴷ’’ ⵙⴻⴳ ⵓⵎⵛⵉⵡⴻⵔ ⵢⴻⵎⵛⴰⵡⴰⵔ ⴰⴽⴽⴻⴷ ⵎⴰⵙⵙ ⵎⴻⵙⵙⴰⵀⴻⵍ ⴰⴽⴽⴻⴷ ⵢⵉⵎⴰⵙⴰⵢⴻⵏ ⵏⵏⵉⴹⴻⵏ ⵉⵣⵣⴰⵢⵔⵉⵢⴻⵏ ⵉ ⵍⵎⴻⵏⴷ ⵏ ⵜⵉⵔⵣⵉ-ⵙ ⵖⴻⵔ ⵍⴻⵣⵣⴰⵢⴻⵔ, ⵉⵎⵉ ⵜⴻⵍⵍⴰ ‘’ⵜⵎⵓⵙⵏⵉ ⵍⵇⴰⵢⴻⵏ’’ ⵏ ⵓⴽⴰⵔⴰⵎ ⴰⵍⵉⴱⵉ ⵔⵏⵉⵖ ⵡⵡⵉⵖ ‘’ⵜⵉⵇⵇⵉⴹⵉⵏ ⵢⴻⵍⵀⴰⵏ’’ ⵏ ⵜⵎⵓⵖⵍⵉ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⵍⵉⵃⴰⵍⴰ-ⴰ.