ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵜⵜⴰⵏⵜ ⵏ ⵀⴰⵉⴽⴻⵍ: ⵎⴰⵚⴻⵔ ⴷ ⵓⵎⴰⴹⴰⵍ ⴰⵄⵕⴰⴱ ⵙⵕⵓⵃⴻⵏ ⴰⵔⴳⴰⵣ ⴷ ⴰⵎⴻⵇⵔⴰⵏ ⴷⴻⴳ ⵜⵖⴻⵎⵙⴰ (ⴱⵧⵓⵜⴻⴼⵍⵉⴽⴰ)

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ– ⵢⵓⵣⴻⵏ, ⴰⵙⵙ ⵏ ⵍⴰⵕⴻⴱⵄⴰ, ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⵉⵡⴻⵜ ⵏ ⵜⴻⴱⵕⴰⵜ ⵏ ⵓⵄⴻⵣⵣⵉ ⵉ ⵓⵎⵜⵉⵍ-ⵏⵏⴻⵙ ⴰⵎⴰⵚⵔⵉ ⴰⴱⴷⴻⵍⴼⴻⵜⵜⴰⵀ ⴰⵍ-ⵙⵉⵙⵙⵉ, ⵉ ⵍⵎⴻⵏⴷ ⵏ ⵡⴰⵡⵡⴰⴹ ⵖⴻⵔ ⵍⴻⵄⴼⵓ ⵏ ⵕⴻⴱⴱⵉ ⵏ ⵓⵏⴻⵖⵎⴰⵙ ⴷ ⵓⵎⴰⵔⵓ ⴰⵎⴰⵚⵔⵉ ⵎⵧⵀⴰⵎⴻⴷ ⵀⴰⵙⵙⴰⵏⵉⵏⴻ ⵀⴰⵉⴽⴻⵍ, ⵢⴻⵔⵏⴰ ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⵙ ⵕⵕⵡⴰⵃ ⵏ ⵀⴰⵉⴽⴻⵍ, ⵎⴰⵚⴻⵔ ⴷ ⵓⵎⴰⴹⴰⵍ ⴰⵄⵕⴰⴱ ⵙⵕⵓⵃⴻⵏ ⴰⵔⴳⴰⵣ ⵢⴻⵍⵍⴰⵏ ⴷ « ⵜⴰⵇⴰⵛⵓⵛⵜ ⴷⴻⴳ ⵜⵖⴻⵎⵙⴰ ». « ⵙ ⵍⴻⵃⵣⴻⵏ ⴷ ⴰⵎⴻⵇⵔⴰⵏ ⴰⵢ ⵉⵃⵓⵣⴰⵏ ⵓⵍ-ⵉⵏⵓ ⵙ ⵜⴻⵍⵇⴻⵢ ⴰⵢ ⵉⵢⵉ-ⴷ-ⵢⴻⵡⵡⴻⴹ ⵢⵉⵙⴰⵍⵉ ⵏ ⵜⵎⴻⵜⵜⴰⵏⵜ ⵏ ⵓⵎⴰⵔⵓ ⴷ ⵓⵏⴻⵖⵎⴰⵙ ⴰⵎⴻⵇⵔⴰⵏ ⵎⵧⵀⴰⵎⴻⴷ ⵀⴰⵙⵙⴰⵏⵉⵏⴻ ⵀⴰⵉⴽⴻⵍ. ⴷⴻⴳ ⵜⴻⵙⵡⵉⵄⵜ-ⴰ ⵏ ⵍⵇⴻⵔⵃ, ⵜⵜⵄⴻⵣⵣⵉⵖ-ⴽ ⵙ ⴽⴻⵞⵞ, ⵙ ⵡⴰⵔⵔⴰⵡ ⵏ ⵓⵖⵔⴻⴼ ⴰⵎⴰⵚⵔⵉ, ⵙ ⵢⵉⵙⴻⵎ ⵏ ⵓⵖⵔⴻⴼ ⴷ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵍⴷⵣⴰⵢⴻⵔ ⴷ ⵢⵉⵙⴻⵎ-ⵉⵏⵓ ⵓⴷⵎⴰⵡⴰⵏ, ⵢⴻⵔⵏⴰ ⴷⴻⵄⵄⵓⵖ ⴱⴰⴱ ⵏ ⵍⵇⴻⴷⵔⴰ ⴰⴷ ⴰⵙ-ⵢⴻⵔⵥⴻⵇ ⵕⵕⴻⵃⵎⴰ ⵢⴻⵔⵏⴰ ⴰⴷ ⵜ-ⵢⴻⵎⵎⴰⴳⴻⵔ ⴷⴻⴳ ⵍⴵⴻⵏⵏⴻⵜ-ⵏⵏⴻⵙ ⵜⴰⵡⴻⵡⵄⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵏⵏⴻⵙ (ⵔⵉⵙⴰⵍⴰ). « ⵎⴰⵚⴻⵔ ⴷ ⵓⵖⵍⴰⵏ ⴰⵄⵕⴰⴱ ⵙⵕⵓⵃⴻⵏ ⴰⵔⴳⴰⵣ ⵢⴻⵍⵍⴰⵏ ⴷ ⵜⴰⵇⴰⵛⵓⵛⵜ ⴷⴻⴳ ⵜⵎⵓⵙⵙⵏⵉ ⴷ ⵜⵖⴻⵎⵙⴰ, ⴷ ⵡⵉⵏ ⴰⵢ ⵢⴻⴼⴽⴰⵏ ⵜⴰⵎⴻⴷⴷⵓⵔⵜ-ⵏⵏⴻⵙ ⵉ ⵜⵎⵓⵔⵜ-ⵏⵏⴻⵙ ⴷ ⵓⵖⵍⴰⵏ ⴰⵄⵕⴰⴱ. ⴰⵔⴳⴰⵣ-ⴰ ⵢⴻⵜⵜⵎⴻⵢⵢⵉⵣ ⵜⵉⵎⵙⴰⵍ ⵢⴻⵔⵏⴰ ⵢⴻⴽⴽⴰⵜ ⵙⴻⴳ ⵡⵓⵍ ⵖⴻⴼ ⵜⵍⵓⴼⴰ ⵜⵓⵣⵔⵉⴼⵉⵏ (ⵛⴰⵔⵄⵉⵢⵢⴰ) ⴷⴻⴳ ⵓⵎⴰⴹⴰⵍ. ⵀⴰⵙⵙⴰⵏⵉⵏⴻ ⵀⴰⵉⴽⴻⵍ ⵢⵓⵔⴰ-ⴷ ⴰⵟⴰⵙ ⵏ ⵢⵉⴷⵍⵉⵙⴻⵏ ⵢⴻⵙⵏⴻⵔⵏⴰⵏ ⵜⵉⵎⵎⴻⵕⴽⴰⵏⵜⵉⵜ ⵏ ⵜⴻⵎⴽⴰⵔⴹⵉⵢⵉⵏ (ⵎⴰⴽⴰⵜⵉⴱ) ⵜⴰⵄⵕⴰⴱⵉⵏ ⴷ ⵓⵎⴰⴹⴰⵍ ⵢⴻⵔⵏⴰ ⵢⴻⵍⵍⴰ ⴷ ⵜⴰⵍⴰ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵜⵎⵓⵙⵙⵏⵉ ⵉ ⵜⵙⵓⵜⴰ ⴰⵢ ⴷ-ⵢⴻⵜⵜⴻⴷⴷⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ. « ⵜⵜⴰⵔⵔⴰⵖ ⵜⴰⵊⵎⵉⵍⵜ ⵉ ⵡⴰⵣⴰⵍⴻⵏ-ⵏⵏⴻⵙ ⵉⵀⴻⴳⴳⴰⵔⴻⵏ (ⵏⴰⴱⵉⵍⴰ), ⵉⵎⴻⵏⵣⴰⵢⴻⵏ-ⵏⵏⴻⵙ ⴷ ⵜⵜⴻⵊⵕⵉⴱⴰ-ⵏⵏⴻⵙ ⵜⴰⵙⴻⵔⵜⴰⵏⵜ, ⵢⴻⵔⵏⴰ ⵜⵜⵇⴰⴷⴰⵔⴻⵖ ⵉⵙⴻⵎ-ⵏⵏⴻⵙ ⴰⴷ ⴷ-ⵢⴻⵇⵇⵉⵎⴻⵏ ⵢⴻⵏⵇⴻⵛ ⵉ ⵍⴻⴱⴷⴰ ⴷⴻⴳ ⵛⵛⴼⴰⵡⴰⵜ-ⵏⵏⴻⵖ ⵖⴻⴼ ⵡⴰⴽⴽ ⴰⵢⴻⵏ ⴰⵢ ⴷ-ⵢⴻⵡⵡⵉ ⴷⴻⴳ ⵓⵅⴻⵎⵎⴻⵎ ⴰⵙⴻⵔⵜⴰⵏ ⴷ ⵓⵅⴻⴱⴱⴻⵔ ⴷⴻⴳ ⵓⵎⴰⴹⴰⵍ ⴰⵄⵕⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ. « ⵍⴷⵣⴰⵢⴻⵔ ⵜⴻⵃⵣⴻⵏ ⵖⴻⴼ ⵕⵕⵡⴰⵃ ⵏ ⵓⵔⴳⴰⵣ-ⴰ ⴰⵎⴻⵇⵔⴰⵏ ⵢⴻⵍⵍⴰⵏ ⴷ ⴰⵎⴻⴷⴷⴰⴽⴻⵍ ⵏ ⵓⵙⴻⵍⵡⴰⵢ ⴰⵎⴻⵕⵃⵓⵎ ⵊⴰⵎⴰⵍ ⴰⴱⴷⴻⵏⵏⴰⵙⴻⵔ, ⵢⴻⵔⵏⴰ ⵎⴰⵣⴰⵍ ⵜⴻⵛⴼⴰ ⵖⴻⴼ ⵓⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉⵢⴻⵏ ⵓⵣⵔⵉⴼⴻⵏ ⴷⴻⴳ ⵜⴻⴼⵔⵉⵇⵜ ⴷ ⵓⵎⴰⴹⴰⵍ, ⴷ ⵓⴱⴷⴰⴷ-ⵏⵏⴻⵙ ⴰⵔⵓⵡⵜⵉⵍ (ⵖⴰⵢⵔ ⵎⴰⵛⵔⵓⵟ) ⵢⴻⵣⴳⴰⵏ ⵖⴻⵔ ⵢⵉⴷⵉⵙ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵜⵓⵔⴱⵉⵃⵜ ⴷ ⵢⵉⵣⴻⵔⴼⴰⵏ ⵏ ⵓⵖⵔⴻⴼ ⴰⴷⵣⴰⵢⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ. « ⵜⵜⴰⵔⵔⴰⵖ ⵜⴰⵊⵎⵉⵍⵜ ⵉ ⵓⵔⴳⴰⵣ-ⴰ ⵢⴻⵍⵍⴰⵏ ⴷ ⵜⴰⵇⴰⵛⵓⵛⵜ ⵢⴻⵔⵏⴰ ⵜⵜⵄⴻⵣⵣⵉⵖ ⵙⴻⴳ ⵡⵓⵍ ⵜⴰⵡⴰⵛⵓⵍⵜ-ⵏⵏⴻⵙ, ⵡⵉⴷ ⴰⵢ ⴰⵙ-ⵢⴻⵜⵜⵉⵍⵉⵏ ⴷ ⵎⴰⵚⴻⵔ ⴰⴽⴽⴻⵏ ⵎⴰ ⵜⴻⵍⵍⴰ, ⵜⵉⵏ ⴰⵢ ⴷ-ⵢⵓⵔⵡⴻⵏ, ⵙ ⵜⴻⵖⵣⴻⴼ ⵏ ⵓⵎⴻⵣⵔⵓⵢ-ⵏⵏⴻⵙ, ⵉⵎⴷⴰⵏⴻⵏ ⴰⵢ ⴷ-ⵢⵓⴼⵔⴰⵔⴻⵏ, ⵡⵉⴷ ⵢⴻⵍⵍⴰⵏ ⴷ ⵓⵍ ⵏ ⵓⵖⵍⴰⵏ ⴰⵄⵕⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ. « ⵕⵕⵡⴰⵃ ⵏ ⵓⵔⴳⴰⵣ-ⴰ ⵢⴻⵙⵙⴻⵃⵣⴻⵏ-ⵉⵢⵉ ⵙ ⵜⴻⵍⵇⴻⵢ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⵃⵣⴻⵏ ⴰⴳⴳⴰⴳⴻⵏ (ⵎⵓⵜⴰⵇⵇⴰⴼⵉⵏ) ⴷ ⵢⵉⵏⴻⵖⵎⴰⵙⴻⵏ ⵏ ⵓⵎⴰⴹⴰⵍ ⴰⵄⵕⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵢ ⵢⴻⴷⵄⴰⵏ ⴱⴰⴱ ⵏ ⵍⵇⴻⴷⵔⴰⵏ ⴰⴷ ⵢⴻⵕⵃⴻⵎ ⵡⵉⵏ ⵢⴻⵎⵎⵓⵜⴻⵏ ⵢⴻⵔⵏⴰ ⴰⴷ ⴷ-ⵢⴰⵣⴻⵏ ⵚⵚⴱⴻⵔ ⵉ ⵜⵡⴰⵛⵓⵍⵜ-ⵏⵏⴻⵙ ⴷ ⵢⵉⵎⴻⴷⴷⵓⴽⴰⵍ-ⵏⵏⴻⵙ ⴰⵎⴰ ⴷⴻⴳ ⵎⴰⵚⴻⵔ, ⴰⵎⴰ ⴷⴻⴳ ⵓⵎⴰⴹⴰⵍ ⴰⵄⵕⴰⴱ ⵏⴻⵖ ⴷⴻⴳ ⵓⵎⴰⴹⴰⵍ ⴰⴽⴽⴻⵏ ⵎⴰ ⵢⴻⵍⵍⴰ.