ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵙⴼⵓⴳⴻⵍ ⵜⵎⴻⵀⵍⴰ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⵙⵙ ⵏ ⵓⵎⴻⵖⵔⵓⵙ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵙⵙⴻⵍⵡⵉ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⴼⵓⴳⵍⴰ (ⵃⴰⴼⵍ) ⵉ ⵓⵙⵎⴻⴽⵜⵉ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵎⴻⵖⵔⵓⵙ (18 ⴼⵓⵕⴰⵕ).
ⵢⴻⵃⴷⴻⵕ ⴷⴻⴳ ⵜⴼⵓⴳⵍⴰ-ⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵉⵎⵊⴰⵀⴷⴻⵏ ⴷ ⵜⴻⵎⵊⴰⵀⴷⵉⵏ, ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⵉⵙⴷⴰⵡⴰⵏⴻⵏ, ⵉⵏⵎⴻⵣⵔⵓⵢⴻⵏ, ⵉⵎⵏⴰⴷⵉⵢⴻⵏ ⴷⴻⴳ ⵓⵎⴻⵣⵔⵓⵢ ⵏ ⵓⵎⵓⵙⵙⵓ ⴰⵖⴻⵍⵏⴰⵡ, ⵉⴽⴰⵜⴰⵔⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷ ⵢⵉⵏⴻⵖⵎⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ (ⴱⴰⵢⴰⵏ) ⵏ ⵜⵎⴻⵀⵍⴰ ⵏ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.
ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵡⴰⵔⵔⴰⵡ ⵏ ⵢⵉⵎⴻⵖⵔⵓⵙⴻⵏ, ⵜⴰⵢⴻⴱ ⴻⵍ ⵀⵧⵓⴰⵔⵉ, ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵓⵣⴰⵎⵓⵍ ⴰⵢ ⵢⴻⵙⵄⴰ ⵓⵙⴼⵓⴳⴻⵍ ⵏ ⵡⴰⵙⵙ-ⴰ « ⴰⴽⴽⴻⵏ ⴰⴷ ⵢⵉⵍⵉ ⴷ ⵜⴰⵊⵎⵉⵍⵜ ⵉ ⵢⵉⵎⴻⵖⵔⵓⵙⴻⵏ (ⵛⵓⵀⴰⴷⴰ’) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⵏⵏⵉ.
ⵉⵡⴻⴽⴽⴻⴷ-ⴷ ⵎⴰⵙⵙ ⴻⵍ ⵀⵧⵓⴰⵔⵉ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵃⵔⴰⵣ ⵏ ⵡⴰⵢⴻⵏ ⴰⵢ ⴷ-ⵃⴻⵕⵕⴻⵏ ⵢⵉⵎⴻⵖⵔⵓⵙⴻⵏ ⵙⴻⴳ ⵓⵎⴳⴰⵔⵓ (ⵃⴰⵔⴱ) ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵢⴻⵔⵏⴰ ⴰⴷ ⴷ-ⵜⵜⵡⴰⵍⴻⵎⴷⴻⵏⵜ ⵜⴻⵎⵙⵉⵔⵉⵏ ⴰⴽⴽⴻⵏ ⴰⴷ ⵢⴻⵜⵜⵡⴰⴹⵎⴻⵏ ⵓⵔⴽⴰⴷ ⴷ ⵜⵖⴻⵍⵍⵉⵙⵜ ⴷⴻⴳ ⵜⵎⵓⵔⵜ.
ⵢⴻⵔⵔⴰ ⴷⴰⵖ ⵎⴰⵙⵙ ⴻⵍ ⵀⵧⵓⴰⵔⵉ ⵜⴰⵊⵎⵉⵍⵜ ⵉ ⵢⵉⴳⴻⵏ (ⴵⴰⵢⵛ) ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵜⴼⴻⴽⴽⵉⵡⵉⵏ ⵏⵉⴹⴻⵏ ⵏ ⵜⵖⴻⵍⵍⵉⵙⵜ ⵖⴻⴼ ⴷⴷⵓⵕ-ⵏⵙⴻⵏⵜ ⴷⴻⴳ ⵓⵃⵓⴷⴷⵓ ⵏ ⵏⵏⴼⴻⵄ ⵏ ⵜⵎⵓⵔⵜ « ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜ ⴰⵢⴷⴻⴳ ⵍⵍⴰⵏ ⵡⵓⴳⵓⵔⴻⵏ ⵏ ⵜⵖⴻⵍⵍⵉⵙⵜ, ⵍⴰⴷⵖⴰ ⴷⴻⴳ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵎⵓⴵⴰⵡⵉⵔⴰ) ».
ⵔⵔⴰⵏ ⴷⴰⵖ ⵜⴰⵊⵎⵉⵍⵜ, ⴷⴻⴳ ⵜⴼⵓⴳⵍⴰ-ⴰ, ⵉ ⵎⴰⵙⵙ ⴱⴻⵏⵙⴰⵍⴰⵀ ⴷ ⴽⵔⴰ ⵏ ⵢⵉⵎⵊⴰⵀⴷⴻⵏ ⵉⵎⴻⵙⵜⴰⵖⴻⵏ (ⵎⵓⵜⴰⵇⴰⵄⵉⴷⵉⵏ) ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.
