Asebter amenzawi

Tesfugel Tmehla n Tɣellist Taɣelnawt ass n umeɣrus

LEZZAYER TAMANEɣT– Yesselwi unemhal amatu n tɣellist taɣelnawt, ajiniṛal amajuṛ Abdelghani Hamel, ass n laṛebɛa deg Lezzayer Tamaneɣt, yiwet n tfugla (ḥafl) i usmekti n wass aɣelnaw n umeɣrus (18 Fuṛaṛ).

Yeḥdeṛ deg tfugla-a uselway n Useqqamu n Uɣlan, Abdelkader Bensalah, imjahden d temjahdin, igensasen (mumattilin) n tmetti taɣarimt, isdawanen, inmezruyen, imnadiyen deg umezruy n umussu aɣelnaw, ikataren n tɣellist taɣelnawt d yineɣmasen, ɣef wakken ay d-yenna ulɣu (bayan) n Tmehla n Tamatut n Tɣellist Taɣelnawt.

I lmend n waya, iga-d umaru amatu n Tuddsa Taɣelnawt n Warraw n Yimeɣrusen, Tayeb El Houari, yiwen n usarag ɣef uzamul ay yesɛa usfugel n wass-a « akken ad yili d tajmilt i yimeɣrusen (cuhada’) », ɣef wakken ay d-yebder ulɣu-nni.

Iwekked-d Mass El Houari ɣef wazal ay yesɛa uḥraz n wayen ay d-ḥeṛṛen yimeɣrusen seg umgaru (ḥarb) n uslelli aɣelnaw yerna ad d-ttwalemdent temsirin akken ad yettwaḍmen urkad d tɣellist deg tmurt.

Yerra daɣ Mass El Houari tajmilt i Yigen (ǧayc) Aɣelnaw Aɣerfan d tfekkiwin niḍen n tɣellist ɣef dduṛ-nsent deg uḥuddu n nnfeɛ n tmurt « deg yiwet n tegnit aydeg llan wuguren n tɣellist, ladɣa deg tmura tinaragin (muǧawira) ».

Rran daɣ tajmilt, deg tfugla-a, i Mass Bensalah d kra n yimjahden imestaɣen (mutaqaɛidin) n Tɣellist Taɣelnawt.