Asebter amenzawi

Ass umaɣṛaṣ: ad nebges afus deg wfus akken ad nqabel acqiṛṛew

EL WAD- Aselway n Tegduda Abdelaziz Bouteflika yessawel ass n laxmis akken ad nexdem s wass aɣelnaw n umaɣṛaṣ akk d ugerruj-agi amaynut amendawan yettwaqeblen ussan-agi sɣur tamurt-nneɣ, lsas ara iqablen icqeṛṛiwen".

"Xedmet n tedyant-agi tamuqrant akk d ugerruj-agi amendawan akken ad ilin d ifadden iɣelnawiyen ara d iqablen icqeṛṛiwen n lawan-agi akken ad nesseǧhed tadukkli taɣelnawt, ad nḥader ɣef wayen akk d-ǧǧan yimaɣṛaṣen d ukemmel n lebni-nsen deg webrid unegmu adamsan anmettan", id-yenna uselway Bouteflika deg yizen-ines almend n was aɣelnaw umaɣṛaṣ, d-yeɣṛa s yisem-is di El Wad wemciweṛ di tselwit n Tegduda Mohamed Ali Boughazi.

" Lezzayer tesnerni tamendawt-ines d afud i webrid amagday akk d izerfan d tlelliyin, ladɣa awekked n weɣṛef azzayri s tinekkit-ines d yizamulen iɣelnawiyen", id-iwekked umuqṛan n ddewla d-ifahmen belli asurrif-agi "d awekked n izenzaɣ n tegrawla n umenzu n nubambeṛ d cfawat n tidmi n yimeɣṛaṣen yellan deffir n tlelli n tmurt".