ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵇⵙⴻⵏⵟⵉⵏⴰ 2015: ⵙⴰⴱⴻⵔ ⴰⵢⴻⵛⵀⴻ, ⴷ ⴰⵏⴰⵥⵓⵔ ⴰⵎⴻⵄⴷⵓⵕ ⵢⴻⵜⵜⴻⴽⴽⵙⴻⵏ ⴹⴹⵉⵇ ⵙⴻⴳ ⵍⵅⴰⵟⴻⵔ ⴷⴻⴳ ⵓⵎⴻⵣⴳⵓⵏ
ⵇⵙⴻⵏⵟⵉⵏⴰ– ⵢⴻⵙⵙⴽⴻⵏ-ⴷ ⵙⴰⴱⴻⵔ ⴰⵢⴻⵛⵀⴻ, ⴰⵙⵙ ⵏ ⵍⴰⵕⴻⴱⵄⴰ, ⵙ ⵓⵎⵓⵏⵓⵍⵓⴳ-ⵏⵏⴻⵙ ⵏ « ⴰⵄⴻⵙⵙⴰⵙ », ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵇⵙⴻⵏⵟⵉⵏⴰ, ⴷ ⴰⴽⴽⴻⵏ ⵓⵍⴰ ⴰⵎⴻⵄⴷⵓⵕ ⵓⵔ ⵢⴻⵍⵍⵉ ⴰⵔⴰ ⴷ ⴰⵎⴷⴰⵏ « ⵉⵡⴻⵃⵍⴻⵏ » ⴷⴻⴳ ⵢⵉⵡⴻⵏ ⵓⵎⴽⴰⵏ, ⵡⴰⵏⴰⴳ ⵢⴻⵣⵎⴻⵔ ⴰⴷ ⵢⴻⵙⵙⴻⵡⵍⵉⵡⴻⵍ ⴰⴽⴽ ⴰⵎⴰⴹⴰⵍ ⵙ ⵛⵛⵖⴻⵍ-ⵏⵏⴻⵙ ⵉⴼⴰⵣⴻⵏ.
ⵙ ⵓⵎⵓⵏⵓⵍⵓⴳ ⵏ « ⵍⵄⴻⵙⵙⴰⵙ », ⴰⵏⴰⵥⵓⵔ ⵙⴰⴱⴻⵔ ⴰⵢⴻⵛⵀⴻ ⵢⴻⵙⵙⴻⴹⵙ-ⴷ ⵉⵎⴼⴻⵕⵕⴵⴻⵏ ⵖⴻⴼ ⴽⵔⴰ ⵏ ⵜⴻⵎⵙⴰⵍ ⵏ ⵜⵎⴻⴷⴷⵓⵔⵜ, ⵢⴻⵔⵏⴰ ⵓⵍⴰ ⵎⴰ ⴷ ⴰⵎⴻⵄⴷⵓⵕ ⴰⵢ ⵢⴻⵍⵍⴰ, ⵓⵔ ⵢⵓⴼⵉ ⴰⵔⴰ ⴰⴽⴽ ⴰⵄⴻⵡⵡⵉⵇ ⴰⴽⴽⴻⵏ ⴰⴷ ⵢⴻⴳ ⵛⵛⵖⴻⵍ-ⵏⵏⴻⵙ.
ⴰⵣⴻⴼⴼⴰⵏ-ⴰ (ⴼⴰⵏⵏⴰⵏ ⴽⵓⵎⵉⴷⵉ) ⵢⴻⵍⵀⴰ-ⴷ, ⴷⴻⴳ ⵓⵎⵓⵏⵓⵍⵓⴳ-ⵏⵏⴻⵙ, ⵙ ⵢⵉⵡⴻⵜ ⵏ ⵜⴻⵎⵙⴰⵍⵜ ⵢⴻⵇⵇⵏⴻⵏ ⵖⴻⵔ ⵜⴻⴳⵏⵉⵜ-ⵏⵏⴻⵙ ⵏ ⵓⵎⴻⵄⴷⵓⵕ, ⵢⴻⴳⵍⴻⵎ-ⴷ (ⵡⴰⵚⴰⴼⴰ) ⵜⴰⵎⴻⴷⴷⵓⵔⵜ ⵏ ⵢⴰⵍ ⴰⵙⵙ ⴰⵢⴷⴻⴳ ⵢⴻⵍⵍⴰ ⵓⵎⴻⵄⴷⵓⵕ, ⵢⵉⵔ ⵜⴰⵎⵓⵖⵍⵉ ⵏ ⵎⴻⴷⴷⴻⵏ ⴷ ⵜⵎⵓⵖⵍⵉⵡⵉⵏ ⵜⵓⵛⵛⵉⴹⵉⵏ ⴰⵢⵢⴻⵙ ⵜⴻⵏ-ⵜⵜⵡⴰⵍⵉⵏ « ⵡⵉⴷ ⵉⵚⴻⵃⵃⴰⵏ », ⵢⴻⵔⵏⴰ ⵓⵍⴰ ⵎⴰ ⵜⴰⵎⵙⴰⵍⵜ-ⴰ ⵇⴻⵔⵔⵃⴻⵜ, ⵎⴰⵛⴰ ⵢⴻⵙⵙⴰⵡⴻⴹ ⴰⵢⴻⵛⵀⴻ ⴰⴷ ⴷ-ⵢⴻⵙⵙⴻⴹⵙ ⵢⴻⵙ-ⵙ ⴰⴳⴷⵓⴷ ⵙⴻⴳⵎⵉ ⴰⵢ ⵢⴻⴱⴷⴰ ⵓⵎⵓⵏⵓⵍⵓⴳ ⴰⵔⵎⵉ ⴰⵢ ⵉⴼⵓⴽ.
ⴰⵀⴰⵏⴰⵢ (ⵄⴰⵔⴹ) ⵏ ⴰⵢⴻⵛⵀⴻ ⵢⴻⵍⵍⴰ-ⴷ ⴷⴻⴳ ⵓⴷⵍⴰⴳ (ⴷⵉⴽⵓⵔ) ⴷ ⴰⵃⴻⵔⴼⵉ ⴰⵢⴷⴻⴳ ⵜⴻⵍⵍⴰ ⵜⴷⴰⴱⵓⵜ ⵏ ⵜⵏⴰⵔⵉⵜ ⴷ ⵓⴽⴻⵔⵙⵉ. ⵢⴻⴱⴷⴰ ⴰⵢⴻⵛⵀⴻ ⴰⵎⵓⵏⵓⵍⵓⴳ-ⵏⵏⴻⵙ ⵙ ⵜⵓⵜⵜⵔⴰ ⵏ ⵡⴰⵎⴻⴽ ⴰⵢ ⵢⴻⵣⵎⴻⵔ ⴰⴷ ⵢⵓⵖⴰⵍ ⵓⵎⴻⵄⴷⵓⵕ ⴷ ⴰⵄⴻⵙⵙⴰⵙ ⴷⴻⴳ ⴽⵔⴰ ⵏ ⵜⴻⵕⵎⵉⵙⵜ.
ⵙⴷⴰⵜ ⵓⴳⴷⵓⴷ ⵢⴻⵕⵡⴰⵏ ⵜⴰⴹⵙⴰ, ⵢⴻⵃⴽⴰ-ⴷ ⴰⵢⴻⵛⵀⴻ, ⵙⴻⴳ ⵜⵏⴰⵔⵉⵜ-ⵏⵏⴻⵙ (ⵎⴰⴽⵜⴰⴱ) ⴰⵎⴻⴽ « ⴰⵢ ⵢⴻⵅⵍⴻⵄ ⵢⵉⵡⴻⵏ ⵏ ⵓⵎⴰⴽⴰⵔ » ⵎⵉ ⵢⵓⴷⴻⴼ ⵖⴻⵔ ⵜⴻⵕⵎⵉⵙⵜ-ⵏⵏⵉ (ⵛⴰⵔⵉⴽⴰ) ⴰⴽⴽⴻⵏ ⴰⴷ ⴷ-ⵢⴰⴽⵉⵔ, ⵙⴰⴽⴽⵉⵏ ⵢⵓⴼⴰ ⴰⵄⴻⵙⵙⴰⵙ ⴷ ⴰⵎⴻⵄⴷⵓⵕ, ⵢⴻⵔⵏⴰ ⵖⴰⵙ ⴰⴽⴽⴻⵏ, ⵢⵓⴳⴰⴷ, ⵢⴻⵔⵡⴻⵍ.
ⵢⴻⴱⴷⴻⵔ-ⴷ ⴷⴰⵖ ⵓⵣⴻⴼⴼⴰⵏ ⵜⴰⴳⵏⵉⵜ ⵔⵇⵉⵇⴻⵏ ⴰⵢⴷⴻⴳ ⴷⴷⵔⴻⵏ ⵢⵉⵎⴻⵄⴷⴰⵕ ⴷ ⵛⵡⵉⵟ-ⵏⵏⵉ ⵏ ⵢⵉⴷⵔⵉⵎⴻⵏ ⵏ ⵍⴻⵎⵄⴰⵡⵏⴰ ⴰⵢ ⴰⵙⴻⵏ-ⵜⵜⴰⴽⴼⴻⵏ.
ⴷⴻⴳ ⵓⵎⵓⵏⵓⵍⵓⴳ-ⵏⵏⴻⵙ ⵢⴻⵞⵞⵓⵕⴻⵏ ⴷ ⴰⵜⵜⵉⵀⵉ ⴷ ⵓⵇⴻⵚⵚⴻⵔ, ⴰⵢⴷⴻⴳ ⵍⵍⴰⵏⵜ ⴽⵔⴰ ⵏ ⵜⴻⵏⵇⵉⴹⵉⵏ ⵏ ⵜⴻⵇⵙⴻⵃ, ⵉⵡⴻⵜ-ⴷ ⵓⵣⴻⴼⴼⴰⵏ ⴷⴻⴳ « ⵡⵉⴷ ⵉⵚⴻⵃⵃⴰⵏ » ⵓⵔ ⵢⴻⴳⴳⵓⵎⴰⵏ ⴰⴷ ⵃⴻⵙⴱⴻⵏ ⴰⵎⴻⵄⴷⵓⵕ ⴷ ⴰⵎⴷⴰⵏ « ⵏ ⵎⴻⵏⵡⴰⵍⴰ », ⴰⵢ ⵉⵣⴻⵎⵔⴻⵏ ⴰⴷ ⵉⵃⴻⵎⵎⴻⵍ, ⴰⴷ ⵢⴻⴽⵕⴻⵀ ⵏⴻⵖ ⴰⴷ ⵢⴻⵔⴼⵓ ⴰⵎ ⵡⴰⴽⴽ ⵡⵉⵢⴰⴹ.
ⵙ ⵓⵎⵓⵏⵓⵍⵓⴳ-ⵏⵏⴻⵙ ⴰⵢⴷⴻⴳ ⵢⴻⵔⵡⵉ ⵜⴰⵇⴰⵄⴻⵜ, ⵢⴻⵙⵙⴽⴻⵏ-ⴷ ⴰⵢⴻⵛⵀⴻ ⴰⵎⴻⴽ ⵉⵎⴻⵄⴷⴰⵕ ⵜⴻⵔⵔⴰ-ⵜⴻⵏ ⵜⵎⴰⵔⴰ ⴰⴷ ⵇⵇⵉⵎⴻⵏ ⴷ « ⵉⵎⴰⵜⵜⴰⵔⴻⵏ » ⵢⴻⵣⴳⴰⵏ ⵙⵙⵓⵜⵓⵔⴻⵏ ⵍⴻⵎⵄⴰⵡⵏⴰ ⴷ ⵢⵉⵣⴻⴼⴰⵏ, ⵢⴻⵔⵏⴰ ⵢⴻⵙⵙⴻⴹⵍⴻⵎ ⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⴰⵢ ⵢⴻⵔⵔⴰⵏ « ⴰⵙⵙ ⵏ ⵓⵎⴻⵄⴷⵓⵕ » ⴷ ⴰⵙⵙ ⵏ « ⵓⴼⵓⵍⴽⵍⵓⵕ » ⴰⴽⴽⴻⵏ ⴰⴷ ⴷ-ⵙⵍⵓⴼⴼⵥⴻⵏ ⴰⵢⴻⵏ « ⴰⵢ ⴷ-ⴽⴻⵙⴱⴻⵏ » ⵣⵓⵏⴰ ⵢⵉⵎⴻⵄⴷⴰⵕ, ⵜⵉⵍⵉ ⴰⵛⴻⵎⵎⴰ ⵓⵔ ⵉⵣⴰⴷ.
ⴷⴻⴼⴼⵉⵔ ⵓⵎⵓⵏⵓⵍⵓⴳ-ⵏⵏⵉ, ⵢⴻⵏⵏⴰ-ⴷ ⵙⴰⴱⴻⵔ ⴰⵢⴻⵛⵀⴻ ⴷ ⴰⴽⴽⴻⵏ ⴰⵀⴰⵏⴰⵢ ⵏ ⵜⴰⴹⵙⴰ ⵢⴻⵍⵍⴰ-ⴷ ⴷ ⵜⵜⴰⵡⵉⵍ ⵉ « ⵜⵔⵓⵥⵉ ⵏ ⵢⵉⴼⴻⵔⴳⴰⵏ ⴷ ⵓⵙⵙⵉⵡⴻⴹ ⵏ ⵜⴻⴱⵕⴰⵜⵉⵏ ».
