Asebter amenzawi

Arebbi n tzizwa yezmer ad yeɣnew 10.000 imeḍqan n umahil i useggas deg tmurt-nneɣ(imazzayen)

BGAYET - Arebbi n tzizwa, deg useggas yezmer ad yeɣnew 10.000 imeḍqan n umahil akked usekcem n 3 imelyaṛen n yidinaren s wammad n yifarisen i d-yettuddumen seg tament, ɣef wakken i d-yedda deg tezrawin i d-ssassnen yimazzayen ass n lexmis deg tesdawit n Bgayet i lmend n yiwet n temlilit taɣelnawt yerzan aḥric-a.

’Tella yiwet n tezmert tuffirt, tezmer ad teɣnew 10.000 imeḍqan n umahil i useggas, awid ukan ad nqader tarrayin akked yilugan itraren n uṛebbi n tzizwa’’, i d-yenna, i lmend n waya, umsujji Abdelmadjid Bouchouareb, d amsujji yemmuzzeg deg tegmi deg tesnajjit yessemrasen ayen i d-yekkan seg tzizwa akken ad yessejji imdanen.

Yenna-d, i lmend n waya, lfayda i usejji n umdan izemren ad yekk seg yifarisen n teɣrast, ma ncud-iten ɣer lfayda izemren ad tawi deg uḥric n tdamsan, ad tsers amahil-a deg uswir yesɛan azal astratijan.