ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵔⵥⴰⵎ ⵏ ⵜⵎⴻⵙⵔⵉⵜ ⵜⵉⵙ 10 ⵏ ⵢⵉⵙⴰⴼⴰⵔⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵔⵥⴻⵎ ⵜⵎⴻⵙⵔⵉⵜ (ⵚⴰⵍⵓⵏ) ⵜⵉⵙ 10 ⵏ ⵢⵉⵙⴰⴼⴰⵔⴻⵏ ⴷ ⵢⵉⴼⴰⵔⵉⵙⴻⵏ ⵉⵎⵙⴰⴼⴰⵔⴻⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵇⵚⴻⵔ ⵏ ⵜⵣⵉⴽⴽⵏⵉⵏ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⵙ ⵓⵜⵜⴻⴽⴽⵉ ⵏ 95 ⵏ ⵢⵉⵎⵣⵉⴽⴽⵏⴻⵏ, ⴳⴰⵔ-ⴰⵙⴻⵏ 70 ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴷⵣⴰⵢⵔⵉⵢⵉⵏ ⵏ ⵢⵉⵙⴰⴼⴰⵔⴻⵏ.
ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⴷⵢⴰⵏⵜ-ⴰ, ⵓⵙⴰⵏ-ⴷ ⴰⵟⴰⵙ ⵙⴻⴳ ⵢⵉⵅⴻⴷⴷⴰⵎⴻⵏ ⵏ ⵜⴷⴰⵡⵙⴰ (ⵚⵉⵃⵃⴰ), ⴰⵎⴰ ⴷ ⵡⵉⴷ ⵏ ⵓⵃⵔⵉⵛ ⵓⵙⵍⵉⴳ, ⴰⵎⴰ ⴷ ⵡⵉⴷ ⵏ ⵓⵃⵔⵉⵛ ⴰⵏⴰⴳⴷⵓⴷ, ⴷ ⴽⵔⴰ ⵏ ⵜⵉⴷⴷⵓⴽⵍⵉⵡⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⵔⴰⵔ ⵏ ⵜⴷⴰⵡⵙⴰ ⴷ ⵜⴻⵕⵎⵉⵙⵉⵏ ⵏ ⵜⴻⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ.
ⴳⴰⵔ ⵢⵉⵎⵣⵉⴽⴽⵏⴻⵏ, ⵍⵍⴰⵏⵜ ⵜⴻⵕⵎⵉⵙⵉⵏ ⵏ ⵢⵉⵙⴰⴼⴰⵔⴻⵏ, ⵜⵉⴷ ⵏ ⵓⵙⵙⴻⵎⵜⴻⵔ (ⵉⵙⵜⵉⵛⴰⵔⴰ) ⴷ ⵜⵉⴷⴷⵓⴽⵍⵉⵡⵉⵏ, ⵢⴻⵔⵏⴰ ⵜⴻⵍⵍⴰ-ⴰⵙⴻⵏ-ⴷ ⵜⴻⴷⵢⴰⵏⵜ-ⴰ ⴷ ⵜⴰⴳⵏⵉⵜ ⴰⴽⴽⴻⵏ ⴰⴷ ⴷ-ⵇⴻⴷⴷⵎⴻⵏ ⵜⵉⵖⴰⵡⵙⵉⵡⵉⵏ-ⵏⵙⴻⵏ ⵜⵉⵏⴻⴳⴳⵓⵔⴰ ⴷⴻⴳ ⵜⴻⵎⴳⵓⵔⵉ (ⵚⵉⵏⴰⵄⴰ) ⵏ ⵢⵉⵙⴰⴼⴰⵔⴻⵏ ⴷ ⵜⵜⴰⵡⵉⵍⴰⵜ ⵏ ⵜⴻⵙⵏⴰⵊⵢⴰ.
ⵜⴰⴷⵢⴰⵏⵜ ⴰⵎ ⵜⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵢⵉⵙⴰⴼⴰⵔⴻⵏ ⵉⴷⵣⴰⵢⵔⵉⵢⴻⵏ, ⵍⴰⴷⵖⴰ ⵉⵎⵉ ⴰⵎⴽⴰⵏ-ⵏⵙⴻⵏ ⴷⴻⴳ ⵙⵙⵓⵇ ⵙⵉⵎⴰⵍ ⵍⴰ ⵢⴻⵜⵜⵉⵎⵖⵓⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵢⵉⵏⴻⴳⵎⵉ (ⵎⴰⵅⴱⴰⵔ) ⵏ ⵓⵎⵙⴻⴳⵔⴰⵡ ⴰⵙⴰⴼⴰⵔⴰⵏ ⴰⴷⵣⴰⵢⵔⵉ, ⵏⵧⵓⵔⴻⴷⴷⵉⵏⴻ ⴱⵧⵓⴽⵀⴰⵔⵉ, ⴰⵢ ⴷ-ⵉⴱⴻⴷⵔⴻⵏ ⴷⴰⵖ ⴽⵔⴰ ⵏ ⵢⵉⵄⴻⵡⵡⵉⵇⴻⵏ ⴰⵢ ⴷ-ⵜⴻⵜⵜⵎⴰⴳⴰⵔ ⵜⴻⵎⴳⵓⵔⵉ-ⴰ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⴱⴰⴱ ⵏ ⵍⵍⵓⵣⵉⵏ ⵏ ⵢⵉⵙⴰⴼⴰⵔⴻⵏ ⵏ ⵇⵙⴻⵏⵟⵉⵏⴰ, ⵜⵧⵓⴼⵉⴽ ⴻⵍ ⵀⴰⴷⵊ ⵎⵓⵙⵜⴰⵒⵀⴰ, ⴷⴰⴽⴽⴻⵏ ⵢⴻⵍⵍⴰ-ⴷ ⵓⵙⵓⵔⵉⴼ ⵢⴻⵍⵀⴰⵏ ⵖⴻⵔ ⵙⴷⴰⵜ ⴷⴻⴳ ⵓⵏⵔⴰⵔ ⵏ ⵓⴼⴰⵔⴻⵙ ⵏ ⵢⵉⵙⴰⴼⴰⵔⴻⵏ ⴷⴻⴳ ⵍⴷⵣⴰⵢⴻⵔ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵜⵉⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴰⴷ ⵙⵙⴻⵕⵡⵓⵏⵜ ⵙⵙⵓⵇ ⴰⵖⴻⵍⵏⴰⵡ ⵏ ⵢⵉⵙⴰⴼⴰⵔⴻⵏ, ⴰⵎ ⵡⴰⴽⴽⴻⵏ ⴰⵢ ⵙⵙⴰⵡⴹⴻⵏⵜ ⴰⴷ ⵙⵙⴰⴵⴰⵡⴻⵏⵜ ⵓⵍⴰ ⵖⴻⵔ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⴻⴼⵔⵉⵇⵉⵢⵉⵏ.
