ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵀⵡⴰ ⵏ ⵓⴱⵔⵉⴷ: 60 ⴰⵢ ⵢⴻⵎⵎⵓⵜⴻⵏ ⴷⴻⴳ ⵡⴰⵢⵢⵓⵔ ⵏ ⵢⴻⵏⵏⴰⵢⴻⵔ ⴷⴻⴳ ⵜⴻⵎⴷⵉⵏⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 60 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⵓ ⵊⴻⵔⵃⴻⵏ 1618 ⵏ ⵡⵉⵢⴰⴹ ⴷⴻⴳ 1367 ⵏ ⵢⵉⵙⴻⵀⵡⴰ ⵏ ⵓⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵢⵢⵓⵔ ⵏ ⵢⴻⵏⵏⴰⵢⴻⵔ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴽⵛⴻⴼ ⵢⵉⵡⴻⵜ ⵏ ⵜⴻⵛⵔⴰⵡⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ.
ⴷ ⵉⵎⴷⴰⵏⴻⵏ ⴰⵢ ⴷ « ⵙⵙⴻⴱⴱⴰ ⵜⴰⵎⴻⵇⵔⴰⵏⵜ ⵏ ⵢⵉⵙⴻⵀⵡⴰ-ⴰ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⴻⵛⵔⴰⵡⵜ-ⴰ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ 98,61% ⵙⴻⴳ ⵢⵉⵙⴻⵀⵡⴰ-ⴰ ⵙⵙⴻⴱⴰ-ⵏⵙⴻⵏ ⴷ ⵜⵓⵛⵛⴹⴰ ⵏ ⵢⵉⵎⴷⴰⵏⴻⵏ, ⵎⴰ ⴷ ⵙⵙⴻⴱⴱⴰⵜ ⵏⵉⴹⴻⵏ ⵇⵇⵏⴻⵏⵜ ⵖⴻⵔ ⵜⴻⴳⵏⵉⵜ ⵏ ⵜⴽⴻⵕⵕⵓⵙⵜ ⵏⴻⵖ ⵏ ⵜⵡⴻⵏⵏⴰⴹⵜ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⵏⴰ-ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷⴰⴽⴽⴻⵏ ⴷⴻⴳ ⵜⴰⵍⵍⵉⵜ ⵏ ⵢⴻⵏⵏⴰⵢⴻⵔ, ⵍⵍⴰⵏ-ⴷ 6199 ⵏ ⵢⵉⵔⴽⴰⴹⴻⵏ ⵏ ⵍⵇⴰⵏⵓⵏ ⵏ ⵜⴻⵏⵀⴰⵕⵜ, 1734 ⵏ ⵢⵉⵔⴽⴰⴹⴻⵏ ⵢⴻⵙⵙⴰⵡⴹⴻⵏ ⵖⴻⵔ ⵡⴰⵡⵡⴰⵢ ⵏ 3185 ⵏ ⵜⴽⴻⵕⵕⵓⵙⵉⵏ ⵖⴻⵔ ⵓⴼⵔⴰⴳ, 85099 ⵏ ⵍⴻⵅⴹⴻⵢⵢⴰⵜ ⴷ 22028 ⵏ ⵜⵓⴽⴽⵙⵉⵡⵉⵏ ⵏ ⵜⵜⴻⵙⵔⵉⵃ ⵏ ⵜⴻⵏⵀⴰⵕⵜ.
ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵙⴻⵇⴷⴰⵛⴻⵏ ⵏ ⵢⵉⴱⵔⵉⴷⴻⵏ ⴰⴽⴽⴻⵏ « ⴰⴷ ⵜⵜⵃⴰⴷⴰⵔⴻⵏ ⵢⴻⵔⵏⴰ ⴰⴷ ⵜⵜⵇⴰⴷⴰⵔⴻⵏ ⵍⵇⴰⵏⵓⵏ ⵏ ⵓⴱⵔⵉⴷ ».
