Asebter amenzawi

Surya: assiweḍ n lemɛawna i 5 n temdinin yettwassutlen

ROMA– Yenna-d Wahil Amaḍalan n Tuččit n Yiɣlanen Yeddukklen ass n lexmis d akken yessaweḍ tuččit n llsas i wugar n 80.000 n yimdanen ay iweḥlen deg 5 n temdinin yettwassutlen (muḥaṣara).

Assiweḍ-a n lemɛawna yella-d s yikamyunen n tneggiwin (wakalat) yemgerraden n Tuddsa n Yiɣlanen Yeddukklen ay yeddan s teɣzef n yiḍ yerna wwḍen ɣer temdinin-a ass n lexmis taṣebḥit, ɣef wakken ay d-yenna Wahil n Tuččit n Yiɣlanen Yeddukklen deg yiwen n ulɣu.

Acḥal n wayyuren aya seg wasmi ay qqiment 5-a n temdinin deg lexṣaṣ. Imezdaɣen n temdinin-a ddren kan s tuččit n tuga d cwiṭ n ṛṛuz ay la yettnuzun s 50 n tikkal nnig ssuma-nnes deg Dimecq, ɣef wakken ay d-yenna Wahil n Tuččit.

Aya yella-d d asurif ameqran deg lemɛawna n wid yelluẓen deg Surya, ɣef wakken ay d-yenna unemhal n Wahil Amaḍalan n Tuččit deg Surya, Jacob Kern, deffir ma tettwafreq lemɛawna-nni.

D acu kan, « imezdaɣen-a ḥwaǧen ad ččen yal ass. S waya, nessaram ad nkemmel ad nferreq lemɛawna i yimdanen yenḍerren mliḥ deg wakk timnaḍin n tmurt-a », ɣef wakken ay d-yenna Mass Kern.