ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⴻⵍⵍⴻⵜ ⵏ ⵡⴰⴽⴰⵍ ⵏ ⵜⴼⴻⵍⵍⴰⵃⵜ ⴷⴻⴳ ⵍⴻⴱⵍⵉⴷⴰ: ⵉⴽⴻⵔⵔⴰⵣⴻⵏ ⵜⵜⵡⴰⵍⴰⵙⴻⵏ 1,4 ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ

ⵍⴻⴱⵍⵉⴷⴰ– ⵉⴼⴻⵍⵍⴰⵃⴻⵏ ⴰⵢ ⵍⴰ ⵢⴻⵜⵜⵖⴻⵍⵍⵉⵜⴻⵏ ⴰⴽⴰⵍ ⵏ ⵜⴽⴻⵔⵔⴰⵣⵜ ⵏ ⵓⵡⴰⵏⴰⴽ (ⴷⴰⵡⵍⴰ) ⴷⴻⴳ ⵍⴻⴱⵍⵉⴷⴰ ⵜⵜⵡⴰⵍⴰⵙⴻⵏ ⵓⴳⴰⵔ ⵏ 1,4 ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵡⴰⴽⴰⵍ ⵏ ⵓⵡⴰⵏⴰⴽ.

« ⴹⴹⵍⴰⴱⴰ ⴰⵢ ⵢⴻⵜⵜⵡⴰⵍⴰⵙⴻⵏ ⴷⴻⴳ ⵓⵖⴻⵍⵍⴻⵜ ⵏ ⵡⴰⴽⴰⵍ ⵏ ⵜⴽⴻⵔⵔⴰⵣⵜ ⵜⴻⵡⵡⴻⴹ ⵖⴻⵔ 1443 ⴷ ⴰⵎⴻⵍⵢⵓⵏ ⵏ ⵢⵉⴷⵉⵏⴰⵕⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵎⴰⵙⵙ ⴱⵧⵓⴳⵀⵔⵉⵙⵙ ⴽⴰⵔⵉⵎ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵍⴻⵃⵙⴰⴱ ⵏ ⴹⴹⵍⴰⴱⴰ-ⴰ ⵢⴻⴱⴷⴰ-ⴷ ⵙⴻⴳ 1987, ⴰⵙⵎⵉ ⴰⵢ ⵙⵄⴻⴷⴷⴰⵏ ⵍⵇⴰⵏⵓⵏ-ⴰ ⵏ ⵓⵖⴻⵍⵍⴻⵜ.

ⵙ ⵡⴰⵢⴰ, ⵉⴳⴻⵔ-ⴷ ⵎⴰⵙⵙ ⴱⵧⵓⴳⵀⵔⵉⵙⵙ ⵜⵉⵖⵔⵉ ⵉ ⵢⵉⴽⴻⵔⵔⴰⵣⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵅⴻⵍⵍⵚⴻⵏ ⴹⴹⵍⴰⴱⴰ-ⵏⵙⴻⵏ ⵡⴰⵔ ⵍⴻⵄⴹⵉⵍ.

« ⵡⵡⴹⴻⵏⵜ-ⴰⵖ-ⴷ ⵍⴻⵡⵚⴰⵢⴰⵜ ⴷ ⵜⵉⵇⵓⵔⴰⵏⵉⵏ ⵙⵖⵓⵔ ⵓⵖⵍⵉⴼ ⵏ ⵜⴽⴻⵔⵔⴰⵣⵜ ⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵊⵎⴻⵄ ⴹⴹⵍⴰⴱⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵙⵙⵓⵎⴰ-ⴰ ⵜⴰⵎⴻⵇⵔⴰⵏⵜ ⵜⴻⵃⵡⴰⴵ ⴰⵙⵃⵓⵍⴼⵓ ⵏ ⵢⵉⴽⴻⵔⵔⴰⵣⴻⵏ ⵙ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⴽⴽⴻⵏ ⴰⴷ ⵜⵜ-ⵉⴷ-ⵅⴻⵍⵍⵚⴻⵏ, ⵍⴰⴷⵖⴰ ⵉⵎⵉ ⴰⵢ ⵉⵄⴻⴷⴷⴰ ⵢⴰⴳⵉ ⵡⴰⴽⵓⴷ ⴰⴽⴽⴻⵏ ⴰⴷ ⴳⴻⵏ ⴰⵢⴰ.

ⵜⴰⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵏ ⵓⵙⵃⵓⵍⴼⵓ ⵜⴻⴼⴽⴰ-ⴷ « ⵉⴳⵎⴰⴹ ⵢⴻⵍⵀⴰⵏ » ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏⵉⴹⴻⵏ ⴰⵎ ⵙⵉⴷⵉ ⴱⴻⵍⵄⴻⴱⴱⴰⵙ ⴷ ⵜⵉⵀⴻⵕⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴻⴹⴹⴻⵍ ⴷⴻⴳ ⵓⵊⵎⴰⵄ ⵏ ⴹⴹⵍⴰⴱⴰ-ⴰ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⴳⵀⵔⵉⵙⵙ ⴷ ⴰⴽⴽⴻⵏ ⴰⵢⴰ ⵢⴻⵍⵍⴰ-ⴷ ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ ⵏ ⵜⴻⴷⵔⵉⵎⵜ ⴰⵢⴷⴻⴳ ⵍⵍⴰⵏ ⵢⵉⴽⴻⵔⵔⴰⵣⴻⵏ ⵓⵇⴱⴻⵍ.

ⵏⵏⵉⴳ ⵡⴰⵢⴰ, « ⵏⴻⵕⵊⴰ ⴰⵔⵎⴰ ⵟⵟⴼⴻⵏ-ⴷ ⵢⵉⴽⴻⵔⵔⴰⵣⴻⵏ ⵍⴻⵄⵇⵓⴷⴰⵜ-ⵏⵙⴻⵏ ⵏ ⵍⴻⴽⵔⴰ ⵏ ⵡⴰⴽⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.