Asebter amenzawi

Ould Khelifa yemmuger-it di Tirana uselway Albani

LEZZAYER TAMANAƔT- Aselway useqqamu aɣerfan aɣelnaw, Larbi Ould Khelifa, yemmuger-it ass n ljemɛa di Tirana (Albani), Boudjar Nissani Aselway n tmurt-agi, ɣer yidis n lecɣal n tedwilt tis mraw n wegraw n yiberlamaniyen igerakaliyen.

Yenna daɣen wulɣu n useqqamu aɣerfan aɣelnaw (APN) d akken aselway albani yesnemmer lawan n temlilit-agi ayen akk texdem Lezzayer deg usileɣ n walbaniyen d ukemmel n yibeddi akken ad yesseǧhed lemxaltat yellan ger snat n tmura deg wayen yerzan tadamsa, tasertit, tadiblumasit akk d yedles.

Am wakken yesnerni Uselway albani deg wazal txeddem Lezzayer s timmad-is d tamurt yettnadin arkad akk di temnaḍt tagerakalt akk d yidisan aɛṛaben akk d tefṛiqt. Seg yidis-is yemmeslay Ould Khelifa ɣef yiwellihen igejdanen n ddunit yerzan inig akk d rrebrab am wakken yessaḥṛeṣ daɣen ɣef tifrat n yiɣeblan s udiwenni akk d lahna.