ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵔⵢⴰ: ⵍⴰ ⵢⴻⵜⵜⴰⵥ ⵢⵉⴳⴻⵏ ⵖⴻⵔ ⵜⵎⴰⵏⴻⵖⵜ ⵏ ⴷⴰⵄⴻⵛ ⴷⴻⴳ ⵔⴰⵇⵇⴰ
ⴷⵉⵎⴻⵛⵇ – ⵢⴻⵙⵙⴰⵡⴻⴹ ⵢⵉⴳⴻⵏ (ⴵⴰⵢⵛ) ⴰⵙⵓⵔⵉ ⴰⴷ ⵢⴻⴹⴹⴻⴼ, ⴰⵙⵙ ⵏ ⵙⵙⴻⴱⵜ, ⴽⵔⴰ ⵏ ⵢⵉⵃⵔⵉⵛⴻⵏ ⵙⴻⴳ ⵓⴱⵔⵉⴷ ⵢⴻⵇⵇⵏⴻⵏ ⵜⵉⵏⴻⴱⴹⵉⵜ (ⵎⵓⵇⴰⵟⴰⵄⴰ) ⵏ ⵃⴰⵍⴰⴱ ⵖⴻⵔ ⵜⵉⵏ ⵏ ⵔⴰⵇⵇⴰ ⴰⵢ ⵢⵓⵖⴰⵍⴻⵏ ⴷ ⵓⵍ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵔⴳⴰ ⵏ ⵜⵍⵉⵥⵔⵉ ⵜⴰⵖⴻⵍⵏⴰⵡⵜ ⵜⴰⵙⵓⵔⵉⵜ.
ⵙⵙⴰⵡⴹⴻⵏ ⵢⵉⵖⴰⵍⵍⴻⵏ ⵉⵙⵓⵔⵉⵢⴻⵏ ⴰⴷ ⴹⴹⴼⴻⵏ ⴰⴱⵔⵉⴷ ⴰⵢ ⵢⴻⵣⵔⵉⵏ ⵖⴻⴼ ⴰⵍ-ⵎⴰ’ⴰⵎⴻⵍ ⴷ ⵓⵣⴰⴷⵓⵔ ⴰⴳⴻⵏⵡⴰⵏ ⵏ ⴽⵡⴻⵔⵉⵙ, ⴷⴻⴳ ⵓⴳⵎⵓⴹ (ⵛⴰⵔⵇ) ⵏ ⵃⴰⵍⴰⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵔⴳⴰ-ⴰ.
ⵢⵓⵖ ⵍⵃⴰⵍ, ⵢⴻⵏⵏⴰ-ⴷ ⵢⴰⴳⵉ ⵓⵙⴰⵏⴰⵢ (ⵎⴰⵔⵚⴰⴷ) ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⴰⵣⴰⵍ ⵏ ⴷⴷⵓⵕⵜ ⴰⵢⴰ, ⴷ ⴰⴽⴽⴻⵏ ⵉⴳⴻⵏ ⴰⵙⵓⵔⵉ ⵢⴻⵍⵍⴰ ⵢⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⵢⴰⵥ ⵖⴻⵔ ⵜⵏⴻⴱⴹⵉⵜ ⵏ ⵔⴰⵇⵇⴰ.
ⴰⵙⴰⵏⴰⵢ-ⴰ, ⴰⵢ ⵍⴰ ⵉⵅⴻⴷⴷⵎⴻⵏ ⴷⴻⴳ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⴳⴻⵏ ⴰⵙⵓⵔⵉ ⵍⴰ ⵢⴻⵜⵜⴻⴷⴷⵓ ⵙ ⵜⵖⴰⵡⵍⴰ ⴰⴽⴽⴻⵏ ⴰⴷ ⵢⴻⴹⴹⴻⴼ ⴰⴱⵔⵉⴷ ⴰⵎⴰⵣⵣⴰⵍ ⵏ ⵓⵏⴻⵥⵔⵓⴼ ⵢⴻⵍⵍⴰⵏ ⵙⴷⴰⵜ ⵜⴻⵎⴷⵉⵏⵜ ⵏ ⴰⵜⵀⵔⴰⵢⴰ, ⴰⵢ ⵉⴱⴻⵄⴷⴻⵏ ⵙ ⴽⵔⴰ ⴽⴰⵏ ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⵏⴻⴱⴹⵉⵜ ⵏ ⵔⴰⵇⵇⴰ.
ⵜⵉⴷⴷⵉⵜ ⵖⴻⵔ ⵔⴰⵇⵇⴰ ⴰⴷ ⵜⴻⴵⴵ ⵉⴳⴻⵏ ⴰⵙⵓⵔⵉ ⴰⴷ ⵉⵄⴰⵡⴻⴷ ⴰⴷ ⵢⴻⴹⴹⴻⴼ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⵜⴰⵎⴷⵉⵏⵜ-ⴰ ⵙⴻⴳ ⵡⴰⵙⵎⵉ ⴰⵢ ⵜⴻⴹⴹⴻⴼ ⵜⴻⴳⵔⴰⵡⵜ-ⴰ ⵜⴰⵔⴻⴱⵔⴰⴱⵜ ⴰⵣⴰⴷⵓⵔ ⴰⴳⴻⵏⵡⴰⵏ ⵏ ⵜⴰⴱⴰⵇⴰ ⴷⴻⴳ 2014, ⵢⴻⵍⵍⴰⵏ ⵏⴰⵇⴰⵍ ⴷ ⴰⵎⴽⴰⵏ ⴰⵏⴻⴳⴳⴰⵔⵓ ⴰⵢ ⴰⵙ-ⴷ-ⵢⴻⵇⵇⵉⵎⴻⵏ ⵉ ⵓⵏⴰⴱⴰⴹ (ⵃⵓⴽⵓⵎⴰ) ⴰⵙⵓⵔⵉ ⴷⴻⴳ ⵜⴻⵎⴷⵉⵏⵜ-ⴰ.
