ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴳⴻⵔⵎⴰⵏⵜ ⵜⴰⵙⴻⵔⴷⴰⵙⴰⵏⵜ ⴷⴻⴳ ⵍⵉⴱⵢⴰ ⵢⴻⵙⵙⴻⴼⴽ ⴰⴷ ⵜⴻⵕⵊⵓ ⴰⵙⵙⵓⵜⴻⵔ ⵙⵖⵓⵔ ⵓⵏⴰⴱⴰⴹ ⴰⵍⵉⴱⵉ (ⵎⵧⴳⵀⴻⵔⵉⵏⵉ)
ⵒⴰⵔⵉⵙ– ⵜⴻⵏⵏⴰ-ⴷ, ⴰⵙⵙ ⵏ ⵍⵃⴻⴷⴷ, ⵜⵏⴻⵖⵍⴰⴼⵜ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⴼⴻⴷⴻⵔⵉⵛⴰ ⵎⵧⴳⵀⴻⵔⵉⵏⵉ, ⴷⴰⴽⴽⴻⵏ ⵓⵕⵓⴼⵉⵢⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⴷ-ⵜⵉⵍⵉ ⵜⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⴰⵙⴻⵔⴷⴰⵙⴰⵏⵜ ⴷⴻⴳ ⵜⵎⵓⵔⵜ-ⴰ ⴰⵔⵎⴰ ⵢⴻⵙⵙⵓⵜⴻⵔ-ⵉⵜⵜ-ⵉⴷ ⵓⵏⴰⴱⴰⴹ ⴰⵍⵉⴱⵉ ⵓⵣⵔⵉⴼ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ).
« ⴰⵖⵍⴰⴱ ⵏ ⴷⴰⵄⴻⵛ ⵙ ⵜⵉⴷⴻⵜ ⵓⵔ ⵢⴻⵣⵎⵉⵔ ⴰⴷ ⴷ-ⵢⵉⵍⵉ ⴰⵍⴰ ⵙ ⵓⴱⵔⵉⴷ ⵏ ⵓⵏⴰⴱⴰⴹ ⴰⵍⵉⴱⵉ ⵓⵣⵔⵉⴼ ⴰⴷ ⴷ-ⵢⴻⵍⵀⵓⵏ ⵙ ⵜⵖⴻⵍⵍⵉⵙⵜ-ⵏⵏⴻⵙ (ⴰⵎⵏ) ⵉ ⵢⵉⵎⴰⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵎⵧⴳⵀⴻⵔⵉⵏⵉ ⴷⴻⴳ ⵢⵉⵡⴻⵜ ⵜⴷⵉⵡⴻⵏⵏⵉⵜ ⴷ ⵓⵖⵎⵉⵙ ⴰⵢⴰⵍⵍⴰⵙ ⴰⴼⵕⴻⵏⵙⵉⵙ ⵏ ⵍⴻ ⵊⵧⵓⵔⵏⴰⵍ ⴷⵓ ⴷⵉⵎⴰⵏⵛⵀⴻ.
« ⴷⴻⴳ ⵍⵉⴱⵢⴰ, ⴷ ⵉⵍⵉⴱⵉⵢⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵇⴰⴱⵍⴻⵏ ⵜⵓⴳⴳⵣⴰ-ⴰ (ⵜⴰⵀⴷⵉⴷ) ⵙ ⵜⵉⵎⵎⴰⴷ-ⵏⵙⴻⵏ, ⵓⵍⴰ ⵎⴰ ⴰⵖⵔⴻⴼ ⴰⵍⵉⴱⵉ ⴰⵜⴰⵏ ⵢⴻⴼⵛⴻⵍ, ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵉⴼⴰⴽ ⵓⵔⵡⴰⵢ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ.
« ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵏⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵓⵎⵜⴰⵡⴰ ⴰⵖⴻⵍⵏⴰⵡ. ⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴷ ⵉⵍⵉⵏ ⵙ ⵡⴰⵣⴰⵍ-ⵏⵙⴻⵏ, ⵉⵎⵉ ⴰⴷ ⴷ-ⵢⵉⵍⵉ ⵓⴷⵖⴰⵔ (ⵜⴰⵚⵡⵉⵜ) ⵏ ⵓⵎⵏⵉ ⵉ ⵓⵇⴱⴰⵍ ⵏ ⵓⵏⴰⴱⴰⴹ ⴰⵎⴰⵢⵏⵓ. ⵎⴰ ⵏⴻⴱⵖⴰ ⴰⴷ ⵜⴻⵏ-ⵏⵄⴰⵡⴻⵏ, ⵢⴻⵙⵙⴻⴼⴽ ⴰⴷ ⵏⴻⴳ ⴷⴻⴳ-ⵙⴻⵏ ⵍⴰⵎⴰⵏ, ⴰⵛⴽⵓ ⵉⴼⴻⵏ-ⴰⵖ ⴰⴽⴽⴻⵏ ⴰⵢ ⵙⵙⵏⴻⵏ ⵜⴰⵎⵓⵔⵜ. ⴷ ⵏⵉⵜⵏⵉ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵙⵙⵓⵜⵔⴻⵏ ⵍⴻⵎⵄⴰⵡⵏⴰ ⵉ ⵢⵉⵎⴻⵏⵖⵉ ⵎⴳⴰⵍ ⴷⴰⵄⴻⵛ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⴰⵏⴻⵖⵍⴰⴼ ⴰⵎⴻⵏⵣⵓ ⴰⵍⵉⴱⵉ, ⴼⴰⵢⴻⵣ ⴰⵍ-ⵙⴰⵔⵔⴰⵊ, ⵢⴻⴼⴽⴰ, ⴰⵙⵙ ⵏ ⵙⵙⴻⴱⵜ, ⵉ ⵓⵎⵏⵉ (ⴱⴰⵔⵍⴰⵎⴰⵏ) ⵏ ⵟⵓⴱⵔⵓⵇ, ⴰⵀⵉⵍ ⵏ ⵓⵅⴻⴷⴷⵉⵎ ⵏ ⵓⵏⴰⴱⴰⴹ-ⵏⵏⴻⵙ ⴰⵎⴰⵢⵏⵓ ⴰⴽⴽⴻⵏ ⴰⴷ ⴷⴻⵖⵔⴻⵏ ⴼⴻⵍⵍ-ⴰⵙ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ) ⴰⵙⵙ ⵏ ⵜⵜⵍⴰⵜⴰ.
ⵜⴻⵔⵏⴰ-ⴷ ⵎⴰⵙⵙⴰ ⵎⵧⴳⵀⴻⵔⵉⵏⵉ ⴷⴰⴽⴽⴻⵏ « ⵜⵓⵕⵓⴼⵜ ⵜⴻⵡⵊⴻⴷ ⴰⴷ ⵜⵄⴰⵡⴻⵏ (ⵍⵉⴱⵢⴰ) ⴷⴻⴳ ⵓⵀⴻⵢⵢⵉ ⵏ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ), ⵍⴰⴷⵖⴰ ⵉⵖⴰⵍⵍⴻⵏ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⴷ ⵜⵖⴻⵍⵍⵉⵙⵜ, ⴰⵙⵙⴻⴵⵀⴻⴷ ⵏ ⵜⵖⵉⵡⴰⵏⵉⵏ ⵜⵉⵍⵉⴱⵉⵢⵉⵏ ⵢⴻⵍⵍⴰⵏ ⴷ ⴰⵥⴻⴹⴹⴰ ⴰⵎⴻⵇⵔⴰⵏ ⴰⴽⴽ ⵏ ⵡⵓⴼⵔⵉⵏⴻⵏ ⴷⴻⴳ ⵜⵎⵓⵔⵜ ⵎⴰ ⵢⴻⵃⵡⴰⴵ-ⵉⵜ ⵓⵏⴰⴱⴰⴹ ⴰⵎⴰⵢⵏⵓ ».
ⵜⴻⵏⵏⴰ-ⴷ ⵎⵧⴳⵀⴻⵔⵉⵏⵉ ⴰⵢⴰ ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵜⵢⵉⵜⵉⵡⵉⵏ ⴰⵢ ⴳⴰⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ « ⵖⴻⴼ ⴽⵔⴰ ⵏ ⵢⵉⴷⴻⴳⴳⴻⵏ ⵉⵙⴻⴷⴷⵉⵢⴻⵏ ⴷⴻⴳ ⵙⴰⴱⵔⴰⵜⴰ ⴰⵢ ⵉⴱⴻⵄⴷⴻⵏ 70 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵟⵔⴰⴱⵍⴻⵙ, ⴰⵏⴷⴰ ⴰⵢ ⵎⵎⵓⵜⵔⴻⵏ 49 ⵏ ⵢⵉⵎⴷⴰⵏⴻⵏ.
ⴰⵏⴰⴱⴰⴹ ⴰⵍⵉⴱⵉ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵉⵡⴻⵜ-ⴷ ⴷⴻⴳ ⵜⵢⵉⵜⴰ-ⴰ ⵜⴰⴳⴻⵏⵡⴰⵏⵜ ⵜⴰⵎⴰⵔⵉⴽⴰⵏⵉⵜ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵢⴰ ⴷ ⴰⵔⴽⴰⴹ ⵏ ⵜⵏⴰⵢⴰ (ⵙⵉⵢⴰⴷⴰ) ⵜⴰⵍⵉⴱⵉⵜ.
