ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵓⴱⵔⵉⴷ ⴷⴻⴳ ⴵⴻⵍⴼⴰ: ⴰⴱⵔⵉⴷ ⴰⵖⴻⵍⵏⴰⵡ ⴰⵎⴻⵣⵡⴰⵔⵓ ⴷ ⴰⴱⵔⵉⴷ ⵏ ⵜⵎⴻⵜⵜⴰⵏⵜ

ⴵⴻⵍⴼⴰ – ⵢⵓⵖⴰⵍ ⵓⴱⵔⵉⴷ ⴰⵖⴻⵍⵏⴰⵡ ⴰⵎⴻⵣⵡⴰⵔⵓ ⴰⵢ ⵢⴻⵣⵔⵉⵏ ⵖⴻⴼ ⴵⴻⵍⴼⴰ (ⵙⴻⴳ ⵓⴳⴰⴼⴰ ⵖⴻⵔ ⵓⵏⵥⵓⵍ) ⵙ ⵜⴻⵖⵣⴻⴼ ⵏ 190 ⵏ ⵢⵉⴽⵉⵍⵓⵎⵉⵜⵔⴻⵏ, ⴷ ⵜⴰⵎⵏⴰⴹⵜ ⴰⵢⴷⴻⴳ ⴰⵢ ⵍⴰ ⴷ-ⵜⵜⵉⵍⵉⵏ ⴰⵟⴰⵙ ⵏ ⵢⵉⵙⴻⵀⵡⴰ ⵉⵏⴻⵖⵖⴻⵏ.

ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵉⵏ ⴰⵢ ⴷ-ⵀⴻⵢⵢⴰⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⴰⵢ ⵜⴻⵔⵣⴰ ⵜⴻⵎⵙⴰⵍⵜ (ⵜⴰⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴷ ⵓⵃⵓⴷⴷⵓ ⴰⵖⴰⵔⵉⵎ), ⴰⴱⵔⵉⴷ-ⴰ ⵍⵍⴰⵏ-ⴷ ⴷⴻⴳ-ⵙ 426 ⵏ ⵢⵉⵙⴻⵀⵡⴰ ⵏ ⵓⴱⵔⵉⴷ ⴷⴻⴳ 2015, ⵏⴻⵖ 32,03% ⵙⴻⴳ ⵢⵉⵙⴻⵀⵡⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⴽⴽ ⵜⴰⵡⵉⵍⴰⵢⵜ ⵏ ⴵⴻⵍⴼⴰ.

ⵉⵙⴻⵀⵡⴰ-ⴰ ⴳⵍⴰⵏ ⵙ 56 ⵏ ⵜⵎⴻⴷⴷⵓⵔⵉⵏ ⴷ ⵓⵊⵔⴰⵃ ⵏ 691 ⵏ ⵢⵉⵎⴷⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.

ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ (ⵎⴰⵚⴷⴰⵔ), ⵉⵙⴻⵀⵡⴰ-ⴰ ⵏ ⵜⵎⴻⵜⵜⴰⵏⵜ ⵍⴰ ⴷ-ⵜⵜⵉⵍⵉⵏ ⴷⴻⴳ ⴽⵔⴰ ⵏ ⵢⵉⵎⵓⴽⴰⵏ ⵢⴻⵜⵜⵡⴰⵙⵙⵏⴻⵏ ⵏ ⵓⴱⵔⵉⴷ ⴰⵖⴻⵍⵏⴰⵡ ⴰⵎⴻⵣⵡⴰⵔⵓ ⴰⵢ ⵢⴻⵍⵍⴰⵏ, ⵍⴰⴷⵖⴰ, ⴷⴻⴳ ⵜⴻⵎⵏⴰⴹⵉⵏ ⵏ ⵄⵉⵏ ⵡⴻⵙⵙⴰⵔⴰ ⴷ ⴳⵓⴻⵍⵜⴻⵍ ⵙⵜⴻⵍ, ⴷⴻⴳ ⵓⵃⵔⵉⵛ ⵏ ⵓⴱⵔⵉⴷ-ⴰ ⴰⵢ ⵢⴻⵜⵜⴻⴽⴽⴻⵏ ⵖⴻⴼ ⵜⵖⵉⵡⴰⵏⵜ ⵏ ⴱⵡⵉⵔⴻⵜ ⵍⴻⵀⴷⴰⴱ ⴷ ⵢⵉⵎⵓⴽⴰⵏ ⵏ ⵕⴰⵙ ⵔⵔⵉⵃ ⴷ ⵄⵉⵏ ⵕⵕⵓⵎⴻⵢⵢⴰ, ⴷⴻⴳ ⵓⵏⵥⵓⵍ (ⴵⴰⵏⵓⴱ) ⵏ ⵜⵡⵉⵍⴰⵢⵜ ⵏ ⴵⴻⵍⴼⴰ.