Asebter amenzawi

Isehwa n ubrid deg Ǧelfa: abrid aɣelnaw amezwaru d abrid n tmettant

ǦELFA – Yuɣal ubrid aɣelnaw amezwaru ay yezrin ɣef Ǧelfa (seg ugafa ɣer unẓul) s teɣzef n 190 n yikilumitren, d tamnaḍt aydeg ay la d-ttilin aṭas n yisehwa ineɣɣen.

ɣef leḥsab n tecrawin ay d-heyyan yimeẓla (maṣaliḥ) ay terza temsalt (tamsetla taɣelnawt d uḥuddu aɣarim), abrid-a llan-d deg-s 426 n yisehwa n ubrid deg 2015, neɣ 32,03% seg yisehwa ay d-yellan deg wakk tawilayt n Ǧelfa.

Isehwa-a glan s 56 n tmeddurin d ujraḥ n 691 n yimdanen, ɣef wakken ay d-yenna uḥuddu aɣarim.

ɣef leḥsab n teɣbalut-a (maṣdar), isehwa-a n tmettant la d-ttilin deg kra n yimukan yettwassnen n ubrid aɣelnaw amezwaru ay yellan, ladɣa, deg temnaḍin n Ɛin Wessara d Gueltel Stel, deg uḥric n ubrid-a ay yettekken ɣef tɣiwant n Bwiret Lehdab d yimukan n Ṛas Rriḥ d Ɛin Ṛṛumeyya, deg unẓul (ǧanub) n twilayt n Ǧelfa.