Asebter amenzawi

Taluft talibit : Lamamra iwekked-d lebɣi ibeddi mgal rrebrab almend n leqwanen igeraɣlanen

LEZZAYER TAMANAɣT- Aneɣlaf n ddewla, aneɣlaf n tɣawsiwin n wezɣaṛ d umɛiwen ageraɣlan, Ramtane Lamamra, iwekked-d ass n lḥedd di Lezzayer tamanaɣt, lebɣi n ibeddi mgal rrebrab di Libya "eg usurrif n leqwanen igeraɣlanen d uqader n tlelli n tmura, n laman akk d werkad n tmurt-agi".

Deg yiwet n teɣṛi ɣer taggara n temlilit-ines akk d Thomas Shannon, anmazul umaray n ddewla amarikani yerzan tiɣawsiwin tisertanin, Mas Lamamra iwekked-d belli "yesqerdec akken iwata taluft n Libya".

Yenna belli yemsefham d Mas Shannon ɣef "lebɣi n snat n tmura akken ad afen tifratin s telwit akk d tsertit i taluft n Libya ma d ibeddi mgal rrebrab ad yili ibedd ɣef leqwanen igeraɣlanen d uqadeṛ n tlelli d laman d werkad di tmurt-agi".

Yerna yenna deg wayagi, belli isin idisan "rzan daɣen azal n tneqḍatin yellan deg umizzwer n wass n temlilit-agi", yessaḥṛeṣ ɣef '"lebɣi n uṛeṣṣi tifratin tisertiyin almend n leqwanen igeraɣlanen yerzan akk tilufa d yimennuɣen di temnaḍt-nneɣ".