ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵉⵏ ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴰⵣⵡⴰⵔⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵢⵉⴽⴰⵢⴰⴷⴻⵏ ⵏ ⵓⵙⴻⴳⴳⴰⵙ-ⴰ (ⵜⴰⵏⴻⵖⵍⴰⴼⵜ)

ⵙⵙⵄⵉⴷⴰ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵙⵙⵄⵉⴷⴰ, ⴷ ⴰⴽⴽⴻⵏ ⴰⴷ ⵉⵍⵉⵏ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴰⵣⵡⴰⵔⴻⵏ ⴰⴷ ⵢⴻⵙⵄⴻⴷⴷⵉⵏ ⵉⴽⴰⵢⴰⴷⴻⵏ ⵢⴻⵎⴳⴻⵔⵔⴰⴷⴻⵏ ⴰⵙⴻⴳⴳⴰⵙ-ⴰ ⵏ 2016.

ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴳⴰ ⵜⵉⵔⵣⵉ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⵜⵡⵉⵍⴰⵢⵜ-ⴰ ⵢⴻⵔⵏⴰ ⵜⵡⴻⴽⴽⴻⴷ-ⴷ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵜⵙⵓⴷⵓⵜ ⵏ ⵢⵉⵎⴰⵙⵡⴰⴹⴻⵏ ⴷⴻⴳ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵙⵙⴻⴳⵎⵉ ⵏ ⵙⵙⵄⵉⴷⴰ ⴷ ⴰⴽⴽⴻⵏ « ⵉⴽⴰⵢⴰⴷⴻⵏ ⵏ ⵓⵙⴻⴳⴳⴰⵙ-ⴰ, ⴰⵢⵖⴻⴼ ⴰⴷ ⴷ-ⵉⵙⵉⴳⴳ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⵉⵎⵙⵉⵣⴻⵡⵔⴻⵏ ⴷ ⵢⵉⴽⴰⵢⴰⴷⴻⵏ, ⴰⴷ ⴷ-ⵉⵍⵉⵏ ⴷⴻⴳ ⵜⴻⴳⵏⵉⵜ ⵏ ⵍⵄⴰⴼⵢⴰ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵙⵉⵣⵡⴻⵔ ⵏ ⵓⵙⵙⴻⵎⵔⴻⵙ (ⵜⴰⵛⵖⵉⵍ), ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵢⴻⵖⵜⴻⵙ (ⵇⴰⵔⵔⴰⵔⴰ) « ⴰⴷ ⴷ-ⵢⴻⵔⵔ ⵉⴽⴰⵢⴰⴷⴻⵏ ⵢⵓⵔⴰⵏ ⴷ ⵡⵉⴷ ⵏ ⵡⴰⵡⴰⵍ » ⵢⴻⵔⵏⵓ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵡⴰⵢⴰ ⵙ ⵓⵙⵙⴻⴼⵇⴻⴷ ⴽⴰⵏ ⵏ ⵢⵉⴽⴰⵔⴰⵎⴻⵏ.

ⵏⵏⵉⴳ ⵡⴰⵢⴰ, ⵜⵃⴻⵜⵜⴻⵜ-ⴷ ⵖⴻⴼ ⵢⵉⵎⴰⵙⵡⴰⴹⴻⵏ ⵏ 3 ⵏ ⵢⵉⵙⵡⵉⵔⴻⵏ ⵏ ⵓⵙⵙⴻⴳⵎⵉ ⴰⴽⴽⴻⵏ ⴰⴷ ⵙⴼⴻⵄⵍⴻⵏ ⴰⵔⴽⴰⵡⴰⵍ (ⵎⵉⵜⴰⵇ) ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ, ⵍⴰⴷⵖⴰ ⵉⵎⵉ ⴰⵀⴻⵢⵢⵉ ⵏ ⵓⵔⴽⴰⵡⴰⵍ-ⴰ ⵢⴻⴹⴹⴻⴼ ⴰⴽⵓⴷ ⴷ ⴰⵖⴻⵣⴼⴰⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴹⴻⴼⵔⴻⵏ ⵉⵙⴻⵍⵎⴰⴷⴻⵏ, ⴰⴷ ⴰⵙⴻⵏ-ⴱⴻⴷⴷⴻⵏ ⵉ ⵍⵎⴻⵏⴷⴰⴷ, ⴰⴷ ⵜⴻⵏ-ⵡⴻⵀⵀⵉⵏ ⵢⴻⵔⵏⴰ ⴰⴷ ⵙⴼⴻⵄⵍⴻⵏ ⴰⵀⵉⵍⴻⵏ ⵏ ⵓⵃⵔⵉⵛ-ⵏⵙⴻⵏ.

ⵜⴻⵙⵙⴻⴼⵇⴻⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ, ⴷⴻⴳ ⵜⴻⵔⵣⵉ-ⵏⵏⴻⵙ, ⵖⴻⴼ ⴽⵔⴰ ⵏ ⵢⵉⵎⵓⴽⴰⵏ ⵏ ⵓⵙⵙⴻⴳⵎⵉ ⴷⴻⴳ ⵜⵡⵉⵍⴰⵢⵜ-ⴰ, ⵢⴻⵔⵏⴰ ⵜⴻⵙⵙⴻⵔⵙ ⴰⵥⵔⵓ ⴰⵎⴻⵣⵡⴰⵔⵓ ⴷⴻⴳ ⵍⴻⴱⵏⵉ ⵏ ⵢⵉⵡⴻⵜ ⵏ ⵜⴻⵙⵏⴰⵡⵉⵜ (ⵜⴰⵏⴰⵡⵉⵢⵢⴰ) ⵏ 800 ⵏ ⵢⵉⵎⵓⴽⴰⵏ ⴷⴻⴳ ⵜⵖⵉⵡⴰⵏⵜ ⵏ ⵢⵓⴱ (ⵙⵙⵄⵉⴷⴰ), ⴷ ⵜⵉⵏ ⵓⵎⵉ ⴷ-ⵃⴰⵣⴻⵏ 314 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.

ⴷⴻⴳ ⵜⴻⵔⵣⵉ-ⵏⵏⴻⵙ, ⵜⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵔⴻⵥⵎⴻⵏ ⵜⴰⵣⴻⵇⵇⴰ ⵏ ⵢⵉⵙⴰⵔⴰⴳⴻⵏ ⴷⴻⴳ ⵜⴻⵙⵏⴰⵡⵉⵜ-ⴰ ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⵜⵉⴷⴷⵓⴽⵍⵉⵡⵉⵏ ⵏ ⵜⵖⵉⵡⴰⵏⵜ ⴰⴷ ⵜⵜⴳⴻⵏⵜ ⵉⵔⵎⵓⴷⴻⵏ (ⵏⴰⵛⴰⵟⴰⵜ) ⵉⴷⴻⵍⵙⴰⵏⴻⵏ ⴰⵎ ⵓⵎⴻⵣⴳⵓⵏ ⴷ ⵓⵥⴰⵡⴰⵏ.

ⵜⴻⵙⵙⴻⴼⵇⴻⴷ ⴷⴰⵖ ⵜⵏⴻⵖⵍⴰⴼⵜ, ⴷⴻⴳ ⵜⵖⵉⵡⴰⵏⵜ-ⵏⵏⵉ, ⴰⵛⴰⵏⵟⵉ ⵏ ⵍⴻⴱⵏⵉ ⵏ ⵢⵉⵡⴻⵜ ⵏ ⵜⴻⴳⵔⴰⵡⵜ ⵜⴰⵖⵓⵔⴱⵉⵣⵜ ⴰⵢ ⵢⴻⵡⵡⴹⴻⵏ ⵇêⵔ 70% ⵙ ⵍⴻⴱⵏⵉ.