ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Seg Tasanayt s tmaziɣt imunen
ⴰⵙⵎⴰⵍ ⵏ ⵜⵓⴳⵏⴰ ⵏ ⵍⴻⵣⵣⴰⵢⴻⵔ : ⵜⴰⵎⵍⵉⵍⵜ (ⴷⴷⵓⵕ) ⵏ ⵕⵕⴰⴷⵢⵓ ⵏ ⵢⵉⵎⵉⵏⵉⴳⴻⵏ ⵉⴷⴻⵔⵔⴻⵔ-ⵉⵜ-ⵉⴷ ⵎⴰⵙⵙ ⴳⵔⵉⵏⴻ
ⵍⴻⵣⵣⴰⵢⴻⵔ – ⵜⴰⵎⵍⵉⵍⵜ ⵉ ⵜⴻⵣⵎⴻⵔ ⴰⴷ ⵜⵓⵔⴰⵔ ⵕⵕⴰⴷⵢⵓ ⵏ ⵢⵉⵎⵉⵏⵉⴳⴻⵏ ⴷⴻⴳ ⵓⵙⵎⴰⵍ ⵏ ⵜⵓⴳⵏⴰ ⵏ ⵍⴻⵣⵣⴰⵢⴻⵔ ⴷⴻⴳ ⴱⴻⵕⵕⴰ, ⴷⵖⴰ ⴷⴻⴳ ⵜⵎⵓⵔⵜ ⵏ ⴼⵔⴰⵏⵙⴰ, ⵢⴻⵎⵎⴻⵙⵍⴰⵢ-ⴷ ⴼⴻⵍⵍ-ⴰⵙ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ.
ⴷ ⴰⵢⴻⵏ ⵢⴻⵣⴳⴰⵏ ⵢⴻⵙⵄⴰⵏ ⴰⵣⴰⵍ ⵎⵉ ⴰⵔⴰ ⵏⵙⴻⵍ ⵉ ⵕⵕⴰⴷⵢⵓ ⵏ ⵢⵉⵎⵉⵏⵉⴳⴻⵏ, ⴰⵛⴽⵓ ⴷ ⵏⵉⵜⵏⵉ ⵉ ⵢⴻⵜⵜⴰⴽⴻⵏ ⵓⴷⴻⵎ ⵏ ⵢⵉⵎⵉⵏⵉⴳⴻⵏ ⵉⵣⵣⴰⵢⵔⵉⵢⴻⵏ ⵏⴻⵖ ⵡⵉⵏ ⵏ ⵜⵎⴰⵣⵖⴰ ⴷⴻⴳ ⵜⵎⵓⵔⵜ ⵏ ⴼⵔⴰⵏⵙⴰ’’, ⵉ ⴷ-ⵢⴻⵏⵏⴰ ⵎⴰⵙⵙ ⴳⵔⵉⵏⴻ ⴷⴻⴳ ⵜⴰⴳⴳⴰⵔⴰ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⴽⴽⴻⴷ ⵢⵉⴳⴻⵏⵙⴰⵙⴻⵏ ⵏ ⵕⵕⴰⴷⵢⵓⵡⴰⵜ ⵏ ⵢⵉⵎⵉⵏⵉⴳⴻⵏ ⵢⴻⵍⵍⴰⵏ ⴷⴻⴳ ⴼⵔⴰⵏⵙⴰ ⵉ ⴷ-ⵢⵓⵙⴰⵏ ⵖⴻⵔ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵙⵜⴻⵏⵢⵉⵏ ⵉⵎⵜⴰⵡⴰⵢⴻⵏ ⴰⴽⴽⴻⴷ ⵕⵕⴰⴷⵢⵓ ⵜⴰⵣⵣⴰⵢⵔⵉⵜ.
