ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵔⵢⴰ: 142 ⵏ ⵎⴻⴷⴷⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⵅⴰⵣⵣⴰⴱⵉⵢⵉⵏ ⴷⴻⴳ ⴷⵉⵎⴻⵛⵇ

ⵙⴰⵢⴻⴷⴰ ⵣⴻⵉⵏⴰⴱ (ⵙⵓⵔⵢⴰ)– ⴰⴷ ⵉⵍⵉⵏ ⵎⵎⵓⵜⴻⵏ, ⵎⴰ ⵓⵍⴰⵛ, 142 ⵏ ⵢⵉⵎⴷⴰⵏⴻⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵢⵉⵡⴻⵏ ⵏ ⵓⵣⵔⴰⵔ ⵏ ⵜⵅⴰⵣⵣⴰⴱⵉⵢⵉⵏ ⴰⵢ ⴷ-ⵜⴻⵔⵔⴰ ⵜⴻⴳⵔⴰⵡⵜ ⵏ ⴷⴰⵄⴻⵛ ⵖⴻⴼ ⵢⵉⵔⵉ-ⵏⵏⴻⵙ, ⴷⴻⴳ ⵜⴻⵎⵏⴰⴹⵉⵏ ⵢⴻⵍⵍⴰⵏ ⴷⴷⴰⵡ ⵍⴻⵃⴽⴻⵎ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⴰⵙⵓⵔⵉ ⴷⴻⴳ ⵜⴻⵎⴷⵉⵏⵜ ⵏ ⴷⵉⵎⴻⵛⵇ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵡⴰⵙⵀⵉⵏⴳⵜⵧⵏ ⴷ ⵎⵓⵙⴽⵓ ⵍⴰ ⵅⴻⴷⴷⵎⴻⵏⵜ ⴰⴽⴽⴻⵏ ⴰⴷ ⴷ-ⵢⵉⴽⵉ ⵓⵃⴱⴰⵙ ⵏ ⵢⵉⵎⴻⵏⵖⵉ ⴷⴻⴳ ⵜⵎⵓⵔⵜ-ⴰ.

ⵃⵓⵎⵚ, ⵜⴰⵎⴷⵉⵏⵜ ⵜⴰⵎⴻⵇⵔⴰⵏⵜ ⵜⵉⵙ 3 ⵏ ⵜⵎⵓⵔⵜ, ⵜⴻⵍⵍⴰ-ⴷ ⴷⴻⴳ-ⵙ ⵜⵅⴰⵣⵣⴰⴱⵉⵜ ⵜⴰⵎⴻⵇⵔⴰⵏⵜ ⴰⴽⴽ ⵙⴻⴳ 2011, ⴷ ⵜⵉⵏ ⴰⵏⴷⴰ ⴰⵢ ⵎⵎⵓⵜⴻⵏ 59 ⵏ ⵢⵉⵎⴷⴰⵏⴻⵏ ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ (ⵖⴰⵢⵔ ⵃⵓⴽⵓⵎⵉⵢⵢⴰ). ⵓⴳⴰⵔ ⵏ 80 ⵏ ⵢⵉⵎⴷⴰⵏⴻⵏ ⵏⵉⴹⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵢⵉⵡⴻⵏ ⵏ ⵓⵎⵇⴰⵎ ⴰⵛⵉⵄⵉ ⴷⴻⴳ ⵓⵏⵥⵓⵍ (ⴵⴰⵏⵓⴱ) ⵏ ⴷⵉⵎⴻⵛⵇ, ⴷⴻⴳ ⵢⵉⵡⴻⵜ ⵏ ⵜⵅⴰⵣⵣⴰⴱⵉⵜ ⵜⴰⵙⵍⴰⴳⵜ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⴷⴰⵄⴻⵛ, ⵖⴻⴼ ⵍⴻⵃⵙⴰⴱ ⵏ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⵓⵏⵚⵉⴱⵜ ⵏ ⵙⵓⵔⵢⴰ.

ⴷⴻⴳ ⵙⴰⵢⴻⴷⴰ ⵣⴻⵉⵏⴰⴱ, ⴰⵢ ⴷ-ⵢⵓⵙⴰⵏ 5 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⵏⵥⵓⵍ ⵏ ⴷⵉⵎⴻⵛⵇ ⵢⴻⵔⵏⵓ ⴷ ⴰⵎⴽⴰⵏ ⵢⴻⵙⵄⴰⵏ ⴰⵣⴰⵍ ⵖⴻⵔ ⵢⵉⵛⵉⵄⵉⵢⴻⵏ, 83 ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵜⵅⴰⵣⵣⴰⴱⵢⵉⵏ, ⵖⴻⴼ ⵍⴻⵃⵙⴰⴱ ⵏ ⵜⵏⴻⴳⴳⴰ ⵜⴰⵙⵓⵔⵉⵜ ⵏ ⵙⴰⵏⴰ. ⴰⵙⴰⵏⴰⵢ (ⵎⴰⵔⵚⴰⴷ) ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵢⴻⵏⵏⴰ-ⴷ ⴷⴰⴽⴽⴻⵏ 68 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⵅⴰⵣⵣⴰⴱⵉⵜ-ⵏⵏⵉ ⵢⴻⵔⵏⵓ ⵊⴻⵔⵃⴻⵏ 160 ⵏ ⵡⵉⵢⴰⴹ.

ⵎⴰ ⵓⵍⴰⵛ, 19 ⵏ ⵢⵉⵎⴷⴰⵏⴻⵏ ⴰⵢ ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ ⵏ « ⵜⵎⴻⵜⵜⴰⵏⵜ ⵜⴰⵏⵓⵙⵓⵜ (ⵎⴰⵡⵜ ⵙⴰⵔⵉⵔⵉ) », ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ ⴰⵢ ⴷ-ⵉⴱⴻⴷⵔⴻⵏ ⵜⵉⵖⴱⵓⵍⴰ ⵜⵉⵙⵏⴰⵊⵢⴰⵏⵉⵏ ⵙⴻⴳ ⵓⵏⵔⴰⵔ.

ⴰⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵢⴻⵏⵏⴰ-ⴷ ⵢⴰⴳⵉ ⴷⴰⴽⴽⴻⵏ ⵜⴰⵎⴷⵉⵏⵜ ⵏ ⵙⴰⵢⴻⴷⴰ ⵣⴻⵉⵏⴰⴱ ⵍⵍⴰⵏⵜ-ⴷ ⴷⴻⴳ-ⵙ 4 ⵏ ⵜⵅⴰⵣⵣⴰⴱⵉⵢⵉⵏ, ⵢⵉⵡⴻⵜ ⴷⴻⴳ-ⵙⴻⵏⵜ ⵜⴻⵍⵍⴰ-ⴷ ⵙ ⵜⴽⴻⵕⵕⵓⵙⵜ ⵢⴻⵏⴷⵉⵏ, ⵢⴻⵔⵏⵓ ⵎⵎⵓⵜⴻⵏ ⵎⴻⴷⴷⴻⵏ ⴷⴻⴳ ⵢⵉⵡⴻⵜ ⵙⴻⴳ-ⵙⴻⵏⵜ.

« ⵜⴻⵟⵟⴻⵔⴹⴻⵇ ⵢⵉⵡⴻⵜ ⵏ ⵜⴽⴻⵕⵕⵓⵙⵜ ⵢⴻⵏⴷⵉⵏ ⴰⵎ ⵡⴰⴽⴽⴻⵏ ⴰⵢ ⵙⵟⴻⵔⴹⵇⴻⵏ ⵙⵉⵏ ⵏ ⵢⵉⴽⴰⵎⵉⴽⴰⵣⴻⵏ ⵉⵎⴰⵏ-ⵏⵙⴻⵏ ». ⵎⴰ ⴷ ⴰⵟⵟⴻⵔⴹⴻⵇ ⵡⵉⵙ 3, « ⵓⵔ ⵏⴻⵥⵔⵉ ⴰⵔⴰ ⵎⴰ ⴷ ⵍⴱⵓⵎⴱⴰ ⴰⵢ ⵜ-ⵉⴳⴰⵏ ⵏⴻⵖ ⴷ ⵜⴰⴽⴻⵕⵕⵓⵙⵜ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ.

ⵎⴰ ⴷ ⵜⵉⵍⵉⵥⵔⵉ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⵙⵓⵔⵉ ⵜⴻⵏⵏⴰ-ⴷ ⴷⴰⴽⴽⴻⵏ ⵍⵍⴰⵏⵜ-ⴷ 3 ⵏ ⵜⵅⴰⵣⵣⴰⴱⵉⵢⵉⵏ, ⴳⴰⵔ-ⴰⵙⴻⵏⵜ ⵢⵉⵡⴻⵜ ⵙ ⵜⴽⴻⵕⵕⵓⵙⵜ ⵢⴻⵏⴷⵉⵏ ⴷ ⵙⵏⴰⵜ ⴳⴰⵏ-ⵜⴻⵏⵜ ⵢⵉⴽⴰⵎⵉⴽⴰⵣⴻⵏ ⴷⴻⴳ ⵓⵣⵏⵉⵇ ⵏ ⴰⵍ-ⵜⵉⵏ, ⵙⴷⴰⵜ ⵓⵎⵇⴰⵎ ⵏ ⵙⴰⵢⴻⴷⴰ ⵣⴻⵉⵏⴰⴱ.

« ⵜⵉⵅⴰⵣⵣⴰⴱⵉⵢⵉⵏ-ⴰ ⵍⵍⴰⵏⵜ-ⴷ ⴰⴽⵓⴷ ⵏ ⵜⵓⴼⴼⵖⴰ ⵙⴻⴳ ⵓⵖⴻⵔⴱⴰⵣ, ⴷⵖⴰ ⵖⴻⴼ ⵡⴰⵢⴰ ⴰⵢ ⵎⵎⵓⵜⴻⵏ ⴰⵟⴰⵙ ⵏ ⵢⵉⴱⴰⵍⵎⵓⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵍⵉⵥⵔⵉ ⵜⴰⵙⵓⵔⵉⵜ.