ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴰⵔⴰⴳ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵜⴻⵙⴷⴰⵡⵉⵜ ⵜⴰⵙⵒⴻⵏⵢⵓⵍⵉⵜ ⵏ ⵍⴰ ⵍⴰⴳⵓⵏⴰ
ⵜⴻⵏⴻⵔⵉⴼⴻ (ⵜⵉⴳⵣⵉⵔⵉⵏ ⵜⵉⴽⵏⴰⵕⵉⵢⵉⵏ, ⵙⵒⴻⵏⵢⵓⵍ)– ⵢⴻⵍⵍⴰ-ⴷ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ « ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ » ⴷⴻⴳ ⵜⴻⵙⴷⴰⵡⵉⵜ ⵜⴰⵙⵒⴻⵏⵢⵓⵍⵉⵜ ⵏ ⵍⴰ ⵍⴰⴳⵓⵏⴰ (ⵜⵉⴳⵣⵉⵔⵉⵏ ⵜⵉⴽⵏⴰⵕⵉⵢⵉⵏ) ⵙ ⵓⵃⴷⴰⵕ ⵏ ⵡⴰⵟⴰⵙ ⵏ ⵡⴰⴳⴳⴰⴳⴻⵏ (ⵎⵓⵜⴰⵇⵇⴰⴼⵉⵏ), ⵉⵙⴻⵍⵎⴰⴷⴻⵏ ⵉⵙⵒⴻⵏⵢⵓⵍⵉⵢⴻⵏ ⴷ ⵡⴰⵔⵔⴰⵡ ⵏ ⵓⵎⵖⵉⵡⴰⵏ ⴰⵚⴻⵃⵔⴰⵡⵉ ⴷⴻⴳ ⵙⵒⴻⵏⵢⵓⵍ.
ⵢⴻⵍⵍⴰ-ⴷ ⵓⵙⴰⵔⴰⴳ-ⴰ ⵉ ⵓⵙⴼⵓⴳⴻⵍ (ⵉⵃⵜⵉⴼⴰⵍ) ⵙ ⵓⵎⵓⵍⵍⵉ ⵡⵉⵙ 40 ⵏ ⵓⵙⵙⴻⵖⵔⴻⵜ (ⵉⵄⵍⴰⵏ) ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵡⴰⵍ ⴷⴻⴳ ⵓⵙⴰⵔⴰⴳ-ⴰ ⵖⴻⴼ ⵓⵏⴹⴻⵔⵔⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⵓⵣⵔⴻⴼ-ⵏⵏⴻⵙ ⵉ ⵓⴳⴳⵓⵛⵛⴻⵍⵎⴰⵏ ⴷ ⵓⵣⴰⵔⵓⴳ ⴰⵢ ⴰⵙ-ⴹⴻⵎⵏⴻⵏ ⵢⵉⵎⵜⴰⵡⴰⵢⴻⵏ ⵉⴳⵔⴰⵖⵍⴰⵏⴻⵏ.
ⵏⵏⴰⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷⴰⴽⴽⴻⵏ ⵜⵓⴽⵛⵉ ⵏ ⵓⵣⵔⴻⴼ ⵉ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ ⴷ ⵏⴻⵜⵜⴰ ⴰⵢ ⴷ « ⴹⴹⵎⴰⵏⴰ ⵜⴰⵡⵃⵉⴷⵜ ⵉ ⵜⴰⵍⵡⵉⵜ ⴷ ⵓⵔⴽⴰⴷ ⵏ ⵜⴻⵎⵏⴰⴹⵜ ».
ⵏⵏⴰⵏ-ⴷ ⴷⴰⵖ ⵢⵉⵎⵜⵜⴻⴽⴽⵉⵢⴻⵏ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏ ⵎⵍⵉⵃ ⵜⴻⴳⵏⵉⵜ ⵉⵎⵉ « ⴰⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵓⵔ ⵢⴻⵙⵙⴰⵡⴻⴹ ⴰⵔⴰ ⴰⴷ ⴷ-ⵢⴰⴼ ⵜⵉⴼⵔⴰⵜ ⵉ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ », ⵢⴻⵔⵏⵓ ⴳⵔⴻⵏ-ⴷ ⵜⵉⵖⵔⵉ ⵉ ⵓⵙⵙⵓⴷⴷⴻⵙ (ⵜⴰⵏⴹⵉⵎ), ⵡⴰⵔ ⵍⴻⵄⴹⵉⵍ, ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ.
